၀ါရၠာစးဲးဖ့းဒလ့ၣ် မ့ၢ်ပှၤလၢ အဒိတၢ်ဂီၤဒီး ပှၤကွဲးလံာ်ဒီး ပှၤလၢအလူၤဖီၣ်ကလံၤမုၢ်တဂၤ န့ၣ်လီၤႉ အ၀ဲစံးလၢ ‘‘တၢ်လူၤဖီၣ်ကလံၤမုၢ်တ၀ံးအံၤ‚ တလီၢ်လီၢ် လီၤဂာ်ဒီးတၢ်လိာ်ကွဲ သရၠာစးံဒံၢ်ခၠဲးဖးဒိၣ်လၢ အအိၣ်လၢ အမံးလာ်လၢအကထိတဖၣ်အကတထိဘျဲၣ်န့ၣ်လီၤႉ တၢ်အိၣ်လၢတၢ်လီၢ်အဘၣ်ဒီး တၢ်ဘၣ်ဆၢဘၣ်ကတီၢ် မ့ၢ်တၢ်တဲဆိပာ်တၢ်တဖၣ်ဒီး ကလံၤမုၢ်န့ၣ်ဘၣ်အခၢး ဒီး ပဘၣ်ဟးဆှဲးတၢ်လၢ ကလံၤမုၢ် တ၀ံး ပဒ့ၣ်ကွံာ်တၢ်ကိးမံၤ ထဲသိးဖျၢၣ်ပှီၢ်ဖိ ဒီးဖၣ်ကမူၣ် ကလံၤတဖၣ်ဒီး သုးကွံာ်သးကယီကယီန့ၣ်လီၤ’’ႉ
ဖံးဒလ့ၣ် အတၢ်ကတိၤအဖျၢၣ်တဖၣ် ဒုးယွၤလီၤ ယကပၢၤကနိ ဒီးဒုးစံၣ်ခ@ထီၣ်ယသးလီၤႉ ဖဲယတၢ်ဘၣ်သူၣ်ဘၣ်သးလၢ တၢ်သူၣ်ဒူသးဒူဒီး တၢ်သးအိၣ်လၢ တၢ်လူၤဖီၣ် ကလံၤမုၢ်လၢ စဲအ့ၣ်အကျိၤအကျဲအိၣ်၀ဲအသိး‚ ယဘၣ် ပၢၤဃာ်ယသးလၢ တၢ်အဲၣ်ဒိးနုာ်လီၤလၢ မူခိၣ်ကလံၤသီၣ်ဂီၤအပူၤန့ၣ်လီၤႉ
လၢယသးသမူအပူၤ‚ ယတမ့ၢ်ပှၤလၢအလူၤဖီၣ်ကလံၤမုၢ်‚ မ့မ့ၢ်လၢယဂီၢ်‚ ဖျါလၢအ၀ဲသ့ၣ် လူၤဖီၣ်ယၤတခီန့ၣ်လီၤႉ တၢ်လဲၤခီဖျိအံၤ‚ မ့ၢ်တၢ်လၢအဟဲဖျါထီၣ်လၢထါစံးထီၣ်ပ့တၢၤ ၁၀၇‚ ဒ်ပှၤကဘီဖိတဖၣ် ဘၣ်န့ၢ်ကလံၤမုၢ်တဖျၢၣ် အပျံၤသကွီၤ အသိးန့ၣ်လီၤႉ အ၀ဲသ့ၣ်ဘၣ်တၢ်လူၤအီၤလၢ တၢ်လၢအဟဲပိာ်ထီၣ်အခံလၢအတၢ်ဃုထၢလၢ အကမၣ်တဖၣ်လီၤႉ ဘၣ်ဆၣ်‚ ပှၤကွဲးထါစံးထီၣ်ပ့တၢၤတခီ‚ ပာ်ဖျါထီၣ် ၀ဲလၢ ‘‘ဒီးတုၤအဘၣ်တၢ်ကိၢ်တၢ်ဂီၤဒီး‚ ကိးထီၣ်ယွၤ‚ ဒီးအ၀ဲဒၣ်ဒုးဟးထီၣ် ကွံာ်အီၤလၢ အတၢ်နးတၢ်ဖီှၣ်အပူၤလီၤႉ ဒီးဒုးကဲထီၣ် ကလံၤမုၢ်လၢတၢ်ဂၢၢ်တပၢၢ်‚ ဒီးအလပီတဖၣ် အိၣ်ဃိကလာ်လီၤႉ ဒီးမ့ၢ်တၢ်ဂၢၢ်ထီၣ်န့ၣ်အီၤဒီး‚ အသူၣ်ခုအသးခု ဒီးတၢ်ဆှၢအီၤဒ်န့ၣ်လၢ ကဘီသန့ ဖဲအဆၢတုၤ၀ဲတပူၤန့ၣ်လီၤ’’ (စံး ၁၀၇း၂၈-၃၀) ႉ
ဖဲလၢသးသမူ အကလံၤမုၢ်တွၤတဖၣ် မ့မ့ၢ်တၢ်လၢပဒုးကဲထီၣ်လၢ ပကစၢ်ဒၣ် ပ၀ဲဂ့ၤ မ့တမ့ၢ် တၢ်အစၢၤလၢ အဟဲဟးထီၣ်လၢဟီၣ်ခိၣ်လၢ အလီၤဘၣ်ဆူ တၢ်ဒဲးဘး ဂ့ၤ‚ ပပၢ်လၢမူခိၣ်အံၤ မ့ၢ်ပှၤလၢအဒိၣ်၀ဲမုၢ်၀ဲန့ၣ်လီၤႉ ဖဲပဘၣ်တၢ်လူၤဖီၣ်ပှၤလၢ ကလံၤမုၢ်တဖၣ်အကတီၢ်‚ ထဲအ၀ဲတဂၤဧိၤ မၤဂၢၢ်တပၢၢ်က့ၤ အ၀ဲသ့ၣ်သ့၀ဲ မ့တမ့ၢ် မၤဂၢၢ်က့ၤ ကလံၤမုၢ်တွၤလၢ အအူတၢ်လၢပပူၤန့ၣ်သ့၀ဲလီၤႉ