အနၣ်ရၠာစးံၣ်တကလး တၢ်အံၤမ့ၢ်တၢ်ဆၢကတီၢ်အယံာ်အထၢလၢ ပှၤကွဲးလံာ် မဲလ်ကၢၣ် ကလဲး၀ဲလ် ဟ့ၣ်ကူၣ်လၢ တၢ်ကဘၣ်စူးကါအီၤ ဒ်သိးတၢ်ကကဲထီၣ် ပှၤလၢအသ့အဘၣ် လၢတၢ်စုသ့တမံၤဂ့ၤတမံၤဂ့ၤန့ၣ်လီၤႉ ပှၤသ့တ့ဆဲးလၤစိးပျၤတၢ်လၢ အမံၤဟူသၣ်ဖျါ ဖးဒိၣ်သ့ၣ်တဖၣ်ဒၣ်လဲာ်န့ၣ် အ၀ဲသ့ၣ်အိၣ်ဒီး အတၤလၣ်လၢအလီၤဘီလီၤမုၢ်တဖၣ် ဒၣ်လဲာ်‚ တမ့ၢ်တၢ်လၢ အလၢပှဲၤဆူတၢ်ကမၤကဲထီၣ် လိၣ်ထီၣ်တၢ်အပတီၢ်ဂ့ၤဂ့ၤကလဲာ်လၢ အ၀ဲသ့ၣ် ကမၤန့ၢ်၀ဲ လၢခံကတၢၢ်န့ၣ်ဘၣ်ႉ အ၀ဲသ့ၣ်ကဘၣ်ဘျုးလီၤအသးလၢ အတၢ်ကူၣ်သ့လီၤဆီအံၤအပူၤကိးနံၤန့ၣ်လီၤႉ
လၢတၢ်လၢအဖျါလီၤဆီ ဒ်တၢ်အံၤအသိး‚ ပလိၣ် ဘၣ်စ့ၢ်ကီး သးဒ်သိးအံၤ တမံၤ‚ ဖဲတၢ်အကတီၢ်မ့ၢ်တုၤလၢ တၢ်ကမၤလိတၢ်အိၣ်မူလၢ သးစီဆှံအပူၤန့ၣ်လီၤႉ လၢ လံာ်ကလၤတံအပူၤ‚ စီၤပီလူး ဟ့ၣ်ဂံၢ်ဟ့ၣ်ဘါ တၢ် အိၣ်ဖိှၣ်လၢ တၢ်ကပာ်လီၤသးလၢ ကစၢ်ယွၤအဂီၢ်လီၤႉ ဘၣ်ဆၣ်‚ စီၤပီလူးမၤဖျါ စ့ၢ်ကီးလၢ‚ တၢ်အံၤကဲထီၣ်လိၣ်ထီၣ်ကသ့ ခီဖျိထဲဒၣ်လၢ တၢ်စူၢ်တၢ်သိၣ်တၢ်သီလၢတၢ်ပာ်လီၤတ့ၢ်၀ဲတဖၣ်န့ၣ်လီၤႉ လၢတၢ်အံၤအလီၢ်‚ ပဘၣ်တၢ်ကိးပှၤဆူပကလဲၤတၢ် ဃုာ်ဒီးယွၤအသးစီဆှံလီၤႉ ဟ့းလ့ၣ်တၢ်ကတိၤလၢ စီၤပီလူး စူးကါလၢ ‘‘တၢ်လဲၤ’’အဂီၢ်‚ လၢကလၤတံ ၅း၁၆ အပူၤ‚ အခီပညီ မ့ၢ်လၢတၢ်ကလဲၤတရၠာစးံးတၢ်က၀ီၤက၀ီၤ မ့တမ့ၢ် လဲၤတၢ်ဆူအယံၤတပူၤပူၤန့ၣ်လီၤႉ လၢစီၤပီလူးအဂီၢ်လၢ အတမ့ၢ်ထဲ တၢ်ဆၢကတီၢ် တကတီၢ်ဧိၤအဂီၢ် အတၢ်လဲၤခီဖျိလၢ ယွၤအသးစီဆှံအစိကမီၤန့ၣ်ဘၣ်ႉ
ပကဃ့ထုကဖၣ်လၢ ပကပှဲၤဒီးသးစီဆှံကိးနံၤ‚ ဒ်သိးကအးလီၤပသးဆူ သးစီဆှံအတၢ်မၤ ဒ်အ၀ဲအတၢ်အိၣ်ဒီးပှၤန့ၣ်လီၤႉ ဒီးဒ်ပဘၣ်တၢ်ဆှၢပှၤလၢ သးစီဆှံန့ၣ်ဒီး (း၁၈) ပကဂ့ၤထီၣ်ဂ့ၤထီၣ်လၢ တၢ်နၢ်ဟူအကလုၢ်ဒီး ပိာ်အ၀ဲအတၢ်ဆှၢပှၤအခံ လီၤႉ သးစီဆှံကစၢ်ဧၢ‚ မ်ယကလဲၤဃုာ်တၢ်ဒီးနၤလၢ တနံၤအံၤဒီး လၢကိးနံၤဒဲးန့ၣ် တက့ၢ်ႉ