ဖဲတၢ်စံၣ်ဃဲၤတဲဃဲၤလၢပျၢၤအပူၤ စိၤခၢၣ်သးဟီၣ်ဂီၤန့ၣ် ပှၤလၢအတ့ဟီၣ်ခိၣ်ဂီၤတဖၣ် ပာ်ပနီၣ်တၢ်အဆၢလၢဟီၣ်ခိၣ်ဂီၤလၢ တၢ်ကွဲး ‘‘ပယိၤတဖၣ်အိၣ်’’ ဒီးတလီၢ်လီၢ် ပာ်ဖျါ ထီၣ်၀ဲဖျိဖျိဖျါဖျါလၢတၢ်မံၤလာ်လၢအလီၤပျံၤလၢ အဘၣ်တၢ်ဆိကမိၣ်လၢ အခိးခူသူၣ်တၢ်န့ၣ်လီၤႉ
တၢ်အုၣ်သးအလၢအပှဲၤတအိၣ်၀ဲလၢ စိၤခၢၣ်သး ပှၤတ့ဟီၣ်ခိၣ်ဂီၤတဖၣ် ကွဲးတ့ၢ်တၢ်ကတိၤအံၤန့ၣ်ဧါဘၣ်ႉ ဘၣ်ဆၣ်‚ ယဲတခီယဆိကမိၣ်လၢ အ၀ဲသ့ၣ်ကကွဲး၀ဲန့ၣ် လီၤႉကမ့ၢ်၀ဲသ့ၣ်သ့ၣ်‚ မ့ၢ်လၢ ‘‘ဖဲအံၤမ့ၢ်ပယိၤတဖၣ်’’ ဖျါလီၤဂာ် ဒ်တၢ်တမံၤမံၤလၢ ယကကွဲး ဖဲတၢ်အကတီၢ်အ၀ဲန့ၣ်‚ တၢ်ဒုးပလီၢ်တၢ် ဖဲလၢယမ့ၢ်တသ့ၣ်ညါတၢ်လၢ ကဟဲကဲထီၣ်သး လီၤတံၢ်လီၤဆဲးဒၣ်လဲာ်‚ ဖဲယလဲၤတၢ်ဆူ တၢ်လီၢ်လၢ ယတသ့ၣ်ညါန့ၣ်လီၤႉ
ဘၣ်ဆၣ်‚ ဖဲအံၤအိၣ်၀ဲဒီးတၢ်ဂ့ၢ်ကီတမံၤ ဃုာ်ဒီးကျဲသနူ လၢယဘၣ်သူၣ် ဘၣ်သးလၢ နီၢ်တဂၤ တၢ်ဒီဒၣ်လီၤသးဒီး တၢ်တသးအိၣ်ဘျုးလီၤသး‚ တၢ်အံၤမ့ၢ် တၢ်လၢ အထီဒါလိာ်သးဒီးတၢ်သူၣ်ဒူသးဒူ ဆူယဘၣ်တၢ်ကိးယၤ လၢတၢ်ကကဲထီၣ် ပှၤစူၢ်က့ၤနၢ်က့ၤတၢ်တဂၤ လၢခရၠာစးံာ်အပူၤ (၂ တံၤ ၁း၇) န့ၣ်လီၤႉ
ပှၤဂၤ ကစံး၀ဲဒၣ်လဲာ်လၢ ယဘၣ်တၢ်နဲၣ်ကမၣ်ယၤလၢ အဘၣ်ထွဲဒီးတၢ်လၢ အလီၤဘၣ်ယိၣ်နီၢ်နီၢ်န့ၣ်လီၤႉ ဒ်စီၤပီလူးပာ်ဖျါ၀ဲအသိး‚ ဟီၣ်ခိၣ်လၢအဟးဂီၤ တဘ့ၣ်အလိၤ တၢ်ပိာ်ခရၠာစးံာ်အခံအံၤ‚ တဘျီဘျီ ကအိၣ်၀ဲဒီး တၢ်တူၢ်ဘၣ်တၢ် (း၈) လီၤႉဘၣ်ဆၣ်‚ ဒ်ပှၤလၢအဘၣ်တၢ်ဟဲစိာ်အီၤလၢ တၢ်သံဆူတၢ်မူ‚ ဒီးဘၣ်တၢ်နာ်န့ၢ်တၢ် ဃုာ်ဒီး တၢ်မူလၢသးစီဆှံ အတၢ်ပုာ်ထီၣ်ယွၤလီၤ ခီဖျိ ပ၀ဲ (း၉-၁၀‚၁၄) အသိး‚ ဘၣ်မနုၤလၢပမၤတၢ်အံၤ တဘူၣ်တဒူ၀ဲဘၣ်န့ၣ်လဲၣ်ႉ
ကစၢ်ယွၤဟ့ၣ်ပှၤတၢ်ဟ့ၣ်ဒိၣ်ဒိၣ်မုၢ်မုၢ်ဒီး မ့ၢ်တၢ်လီၤသးအုးနီၢ်နီၢ်လၢ ပအိၣ်ဒီး တၢ်ပျံၤတၢ်ဖုးအဃိလီၤႉ တၢ်အံၤနးန့ၢ်ဒံး ပကကွၢ်ဆၢၣ်မဲာ်ဘၣ် ဖဲပပိာ်ခရၠာစးံာ် အတၢ်ပၢတၢ်ဆှၢပှၤဆူ ကီၢ်လၢပတသ့ၣ်ညါတ့ၢ်လံ (း၆-၈‚၁၂) န့ၣ်လီၤႉ အ၀ဲမ့ၢ်ကစၢ်လၢ ပနာ်န့ၢ်အီၤသ့လၢပသးကံၢ်ပူၤ လၢခါဆူညါပတၢ်အိၣ်မူန့ၣ်လီၤ (း၁၂) ႉ