လၢ ၁၉၇၅ နံၣ်န့ၣ် ရၠာစးီးဒ်စၢၣ်လ့ၣ် စံး၀ဲလၢ ‘‘ယသးအိၣ်လၢပှၤကညီတဖၣ် ကသ့ၣ်နီၣ် ထီၣ်ယၤ‚ စးထီၣ်လၢတနံၤအံၤ တုၤလၢနံၣ်လၢအကယၤလီၤ’’ႉ မ့ၢ်လၢပှၤလၢ အဒုးကဲထီၣ် ကွဲၤထံၣ်ဟူတၢ်ဂီၤမူ ‘‘T့န Tတငူငါ့အ ဇသညန’’‚ ဒီးအ၀ဲသးအိၣ်လၢ ပှၤကပာ်ဖျါထီၣ်အီၤ ဒ်အမ့ၢ် ‘‘ပှၤကွဲးပူတဂၤ’’ န့ၣ်လီၤႉ ပ၀ဲအါဒံအါဂၤ‚ ပလီၤဂာ်ဒီးစၢၣ်လ့ၣ်လၢအအိၣ်ဒီးတၢ်မိၣ်န့ၢ် သးလီလၢ ကပာ်တ့ၢ်တၢ်ဟ့ၣ်သါတမံၤမံၤလၢ အဟ့ၣ်ထီၣ် ပတၢ်အိၣ်မူလၢ အအိၣ်ဒီးအခီပညီဒီးဂၢၢ်ကျၢၤ၀ဲန့ၣ်လီၤႉ
လံာ်စီၤယိၤဘး ပာ်ဖျါထီၣ်န့ၢ်ပှၤ ပှၤတဂၤလၢအဂုာ် ကျဲးစၢးအိၣ်မူ၀ဲလၢ တၢ်ကွၢ်ဆၢၣ်မဲာ်သ့ၣ်တဖၣ်လၢအအိၣ် ဒီးအခီပညီလၢ တၢ်အိၣ်မူတစိၢ်ဖိအကတီၢ်န့ၣ်လီၤႉ လၢ တၢ်ဆၢကတီၢ်ဖုၣ်ကိာ်ဖိအပူၤ‚ အ၀ဲကွၢ်ဆၢၣ်မဲာ်ဘၣ် တၢ်ဟံးထီၣ်ကွံာ် တမ့ၢ်ထဲလၢ တၢ်လၢအပၢၤဘၣ်၀ဲ‚ မ့မ့ၢ် တၢ်လၢ အ၀ဲပာ်လုၢ်ပာ်ပရၤ၀ဲအဒိၣ် ကတၢၢ်လၢ အမ့ၢ်အဖိ တဖၣ်စ့ၢ်ကီးလီၤႉ ဒီးအ၀ဲ ဘၣ်တၢ်ပာ်ဒ့ၣ်ပာ်ကမၣ်အီၤလၢ အသကိးတဖၣ် လၢအအိၣ်ဒီး တၢ်ကမၣ်အဃိ‚ ့ကၢးဘၣ်တၢ်ဒ်သိးန့ၣ်လီၤႉ စီၤယိၤဘး ကိးသBတီထီၣ်‚ ‘‘မ်ယတၢ်ကတိၤ ကွဲးအသးတက့ၢ်ႉ မ်အကွဲးအသးလၢ လံာ်ပူၤတက့ၢ်ႉ မ်အကွဲးအသးလၢထိၣ်ဒံးထး‚ ဒီးလၢပှာ်လၢလၢၢ်လိၤလီၤထူလီၤယိာ်တက့ၢ်’’ (ယိၤဘး ၁၉း၂၃-၂၄) န့ၣ်လီၤႉ
လၢလံာ်စီဆှံအပူၤန့ၣ် ပကထံၣ်ဘၣ်စီၤယိၤဘးအတၢ်ကတိၤ‚ ဒ်သိး ကကွဲးလီၤသးလၢ လၢၢ်လိၤလီၤထူလီၤယိာ်န့ၣ်လီၤႉ ဘၣ်ဆၣ်‚ စီၤယိၤဘးလိၣ်ဘၣ်တၢ်အိၣ်မူ လၢ အအိၣ်ဒီးအခီပညီ‚ အါန့ၢ်ဒံးတၢ်ပာ်တ့ၢ် တၢ်ဟ့ၣ်သါ တၢ်လၢအ၀ဲ အလီၢ်ခံန့ၣ်လီၤႉ အ၀ဲထံၣ်န့ၢ်တၢ်အံၤလၢ ကစၢ်ယွၤအလုၢ်လၢ် သကဲးပ၀းအပူၤလီၤႉ ဒီးကိးသBတီထီၣ်၀ဲ ‘‘အဂ့ၢ်ဒ်အံၤ‚ ယသ့ၣ်ညါလၢ ယပှၤပရၤက့ၤယၤတဂၤမူ၀ဲ‚ ဒီးလၢခံက့ၤန့ၣ် ကဂဲၤဆၢထၢၣ် လၢ ဟီၣ်ခိၣ်ချၢ’’ (း၁၉-၂၅) န့ၣ်လီၤႉ တၢ်သ့ၣ်ညါအံၤ ဟ့ၣ်လီၤ တၢ်ဆၢမုၢ်လၢ်တၢ်လၢ အလိၤဘၣ်၀ဲန့ၣ်လီၤႉ အ၀ဲစံးကဒီး၀ဲ ‘‘ယကထံၣ်ဘၣ်ယွၤလၢ ယဖံးယညၣ်လီၤႉ ယကလ့ၢ်တဖၣ် လၢာ်၀ဲလၢယသအိအပူၤ‚ ဘၣ်ဆၣ်ဒီး ယကထံၣ်ဘၣ်အီၤလၢယဂီၢ် ဒၣ်ယဲဒီး ယမဲာ်ကထံၣ်ဘၣ်အီၤဒီး တမ့ၢ်ဘၣ်ပှၤဂၤဘၣ်’’ (း၂၇) ႉ
လၢခံကတၢၢ်‚ စီၤယိၤဘး တဒိးန့ၢ်ဘၣ်တၢ် လၢ အ၀ဲဆၢမုၢ်လၢ်၀ဲဘၣ်ႉ ဘၣ်ဆၣ်‚
အ၀ဲထံၣ်န့ၢ်တၢ်လၢ အအါန့ၢ်ဒံးတၢ်အံၤ‚ လၢအမ့ၢ်တၢ်ဂံၢ်ထံးလၢအလၢပှဲၤဒီး တၢ်အခီ ပညီ ဒီးဂၢၢ်၀ဲကျၢၤ၀ဲတဖၣ်န့ၣ်လီၤ (၄၂း၁-၆) ႉ