ပှၤသ့စဲအ့ၣ်သ့ၣ်တဖၣ် သ့ၣ်ညါပဟီၣ်ခိၣ်အံၤ အိၣ်ဒီးအတၢ်စီၤစုၤလီၤတံၤလီၤဆဲးဒီးမုၢ် ဒ်သိးကဒိးန့ၢ်ဘၣ်တၢ်ကိၢ်လၢ ကကဲဘျုးအဂီၢ်န့ၣ်လီၤႉ မ့ၢ်အိၣ်ဘူးအါထီၣ်ဒီးမုၢ် တဆံးတက့ၢ်န့ၣ် ထံတဖၣ်ကကဲလၢ ထံသ၀ံဒီးထံကဃ့ထီ ဒ်မူဖျၢၣ်တူၢ်ဂီၤ (ရနညကျ) အသိးဒီး မ့ၢ်ယံၤထီၣ်တဆံးတက့ၢ်န့ၣ်ဒီး တၢ်ကခုၣ်ကဲၣ်ဆိးဒီး တၢ်ကိးမံၤဒဲး ကလီၤသကၤ ဒ်သိး မူဖျၢၣ် (့ၠမျ) န့ၣ်လီၤႉ ဒီး ဟီၣ်ခိၣ်န့ၣ်အိၣ်ဒီး တၢ်အဒိၣ်အဆံး ဘၣ်လိာ်ဘၣ်စး ဒ်သိးကဟ့ၣ်ထီၣ်ဘၣ် တၢ်အသဟီၣ်လၢ တၢ်ကထုးန့ၢ်တၢ် ဘၣ်လိာ် ဘၣ်စးအဂီၢ်န့ၣ်လီၤႉ တၢ်သဟီၣ်လၢ အထုးတၢ် မ့ၢ်စှၤအဃိ ကကဲထီၣ်ဒ်လါအသိး‚ ဖဲတၢ်သဟီၣ် မ့ၢ်ထုး အါထီၣ်ဘၣ်ဒီး ကကဲထီၣ်ပျံၤသကွီၤလၢ ဂာ်သ၀ံလၢအစုၣ်အပျၢ်အိၣ်၀ဲ ဒ်မူဖျၢၣ်စူ (ဲကစငအနမ) အသိးန့ၣ်လီၤႉ
တၢ်လီၤဆီသ့ၣ်တဖၣ်လၢ တၢ်နၢ်ပၢၢ်အီၤကီခဲသ့ၣ်တဖၣ်ဒီး တၢ်လီၤတံၢ်လီၤဆဲးအဆံးဖိတဖၣ်လၢ အဘၣ်လိာ်သးသ့ၣ်တဖၣ်လၢ ပဟီၣ်ခီၣ်အံၤ ပာ်ဖျါထီၣ် ပှၤတ့ထုးထီၣ်တၢ်လၢ အအိၣ်ဒီးတၢ်သ့ၣ်ညါအါဒီး တၢ်ကယၢကယဲ ကျိၤကျဲၤတဂၤ အတၢ်ဘှီတၢ်န့ၣ်လီၤႉ တၢ်သ့တၢ်ဘၣ်လီၤဆီအံၤ ပကထံၣ်ဘၣ်ဖဲ ကစၢ်ယွၤ ကတိၤတၢ်ဒီး စီၤယိၤဘးလၢ အဘၣ်ထွဲဒီး တၢ်လၢအလဲၤတလၢကွံာ်လၢ ပနၢ်ပၢၢ် အီၤသ့၀ဲန့ၣ်လီၤႉ ‘‘ဖဲယပာ်လီၤဟီၣ်ခိၣ်အခီၣ်ထံးန့ၣ်ဒီး‚ နအိၣ်ဖဲလဲၣ်ႉ နမ့ၢ်သ့ၣ်ညါ ဒီး စံးဘၣ်ယၤတက့ၢ်ႉ မ့ၢ်မတၤပာ် နီၣ်ထိၣ်တၢ်တဂၤလဲၣ်ႉ ႉႉႉ မ့ၢ်မတၤစၢၢ်ပျံၤလၢ အဖီခိၣ်တဂၤလဲၣ်ႉ အခီၣ်ထံးအိၣ်၀ဲလၢမနုၤတမံၤ အဖီခိၣ်လဲၣ်ႉ မ့ၢ်မတၤပာ်လၢၢ် လၢ နၢၣ်အခီၣ်ထံတဂၤလဲၣ်’’ (ယိၤဘး ၃၈း၄-၇) ႉ
တၢ်ထံၣ်တဖျဲးလၢ တၢ်ဘၣ်တ့အတၢ်ဒိၣ်တၢ်မုၢ်ဒုးအိၣ်ထီၣ်တၢ် ဆူ တၢ်ကမၢကမၣ်ဘၣ်တၢ်လၢ ပီၣ်လဲၣ်ဖးဒိၣ်တဖၣ် တီၤလီၤကဒွံကျိာ်လၢပှၤလၢ အကးတံာ်ဃာ်အီၤလၢ Bတဲၤတဂၤ ႉႉႉ ဒီးစံးတုၤအံၤ နကဟဲဒီးလၢန့ၣ်အမဲာ်ညါ နတဟဲလၢၤဘၣ် (း၈-၁၁) အမဲာ်ညါန့ၣ်လီၤႉ လၢတၢ်ကမၢကမၣ်ဖးဒိၣ်အပူၤ‚ ပကသး၀ံၣ်တၢ် ဃုာ်ဒီးဆၣ်တူၢ်ဂီၤဒီးယွၤအဖိခွါခဲလၢာ်လၢ (း၇) ဟီၣ်ခိၣ်လၢဟ့ၣ်ထီၣ်တၢ်ဂ့ၢ်တၢ်ကျိၤလၢအလီၤတံၢ်လီၤဆဲးအံၤ‚ ဘၣ်တၢ်တ့လီၤအီၤလၢပဂီၢ်‚ လၢပကသ့ၣ်ညါဒီးနာ်ကစၢ်ယွၤအဂီၢ်န့ၣ်လီၤႉ