‘‘ပူၤကွံာ်နံၣ်တနီၤ‚ ယဘၣ်တၢ်ထိၣ်ဟူးထိၣ်ဂဲၤယၤလၢ ယကဃ့ထုကဖၣ်လၢနဂီၢ်‚ ဒီးယကမၢကမၣ်ဘၣ်ယဲလၢ ဘၣ်မနုၤယဘၣ်ဃ့ထုကဖၣ်လၢနဂီၢ်န့ၣ်လဲၣ်လီၤ’’ႉ
တၢ်ကွဲးဖိအံၤ ဟဲလၢယတံၤသကိးတဂၤအအိၣ်‚ ဃုာ်ဒီးတၢ်ဂီၤလၢ အိၣ်ဒီးတၢ်ကွဲးဖုၣ်ကိာ်‚ ‘‘ဃ့ထုကဖၣ်တၢ်လၢ ကၠ့မ်စ် အဂီၢ်တက့ၢ်ႉ ဃ့လၢ ယွၤ ကကျၢၢ်ဘၢအသး‚ အတၢ်ဆိကမိၣ်ဒီး တၢ်စံးတၢ်ကတိၤတဖၣ် အဂီၢ်တက့ၢ်’’ လၢအတ့ၢ်နုာ်၀ဲလၢ အလံာ်စီဆှံအပူၤလီၤႉ အ၀ဲ ကွဲးလီၤယမံၤဒီး အိၣ်စ့ၢ်ကီးဒီး တၢ်ကွဲးနီၣ်လၢ နံၣ်လီၤလီၤ ဆီဆီသၢခါ န့ၣ်လီၤႉ
ယကွၢ်နံၣ်တဖၣ်အံၤဒီး ယသးလီၤကတုၤ ဘၣ် ယသး လီၤႉ ယကွဲးကဒါက့ၤလံာ်ဆူအအိၣ်ဒီး သံကွၢ်အီၤ လၢ မ့ၢ်အစးထီၣ် ထုကဖၣ်လၢယဂီၢ်မုၢ်နံၤမုၢ်သီမနုၤန့ၣ်လီၤႉ တၢ်စံးဆၢဟဲက့ၤလၢ ‘‘စးထီၣ်ဖဲ လါယူၤလံအကပိာ်ကပၤ’’ န့ၣ်လီၤႉ လါအံၤန့ၣ် မ့ၢ်လါလၢယကတဲာ် ကတီၤယသးလၢ ကမၤလိအါထီၣ်တၢ်လၢ ထံဂုၤကီၤဂၤန့ၣ်လီၤႉ ယကကွၢ်ဆၢၣ်မဲာ် ဘၣ်ဒီး လုၢ်လၢ်အသီ‚ တၢ်ကတိၤအကျိာ် ဒီးယတၢ်စူၢ်တၢ်နာ်လၢ အကဲထီၣ်တၢ် လၢအတၤတၢ်လၢယဂီၢ်န့ၣ်လီၤႉ ဖဲယကွၢ်လီၤ တၢ်ကွဲးနီၣ်ဖုၣ်ကိာ်‚ ဒီးယသ့ၣ်ညါလၢ ယဒိးန့ၢ်တၢ်ဟ့ၣ်လၢအလုၢ်ပရၤဒိၣ်‚ မ့ၢ်တၢ်ထုကဖၣ်လၢယဂီၢ်နီၢ်နီၢ်န့ၣ်လီၤႉ
ယတံၤသကိးအတၢ်အဲၣ်အံၤ ဒုးသ့ၣ်နီၣ်ထီၣ်ယၤလၢ ကဃ့ထုကဖၣ်တၢ် န့ၣ်လီၤႉ စီၤပီလူးစံးဘၣ် မံးရၠာစးရၣ်နရၠာစးံၣ်သးစၢ် စီၤတံၤမသ့း ‘‘လၢတၢ်ခဲလာ်အကျါ ယမၤလိာ်ဆိလၢ ပှၤကမၤတၢ်ဃ့ကညး‚ တၢ်ဘါထုကဖၣ်‚ တၢ်သကွံၢ်ကညး‚ တၢ်စံးပ့တၢၤ တၢ်အဘျုးအဖှိၣ်လၢ ပှၤကညီခဲလၢာ်အဂီၢ်လီၤ’’ (၁ တံၤ ၂း၁) ႉ ‘‘လၢ တၢ်ခဲလၢာ်အကျါယမၤလိာ်ဆိ’’ နဲၣ်ဖျါထီၣ် တၢ်အကါဒိၣ်အပတီၢ်လၢ အဆိ ကတၢၢ်န့ၣ်လီၤႉ စီၤပီလူး ဆှဲဖျါလၢ ပတၢ်ဃ့ထုကဖၣ် ဒုးကဲထီၣ်လိၣ်ထီၣ်တၢ် မ့ၢ်လၢ ကစၢ်ယွၤ ‘‘ဆၢ၀ဲလၢ ပှၤကညီခဲလၢာ် ကတုၤလၢတၢ်အုၣ်က့ၤခီၣ်က့ၤလီၤ‚ ဒီးကသ့ၣ်ညါထီၣ် တၢ်မ့ၢ်တၢ်တီ’’ (း၄) လၢအမ့ၢ်ယ့ၣ့်ှâးန့ၣ်လီၤႉ
ယွၤမၤတၢ် ခီဖျိတၢ်ထုကဖၣ်နီၢ်နီၢ်လၢ ကျဲအါဘိအပူၤ‚ လၢကဟ့ၣ်ဂံၢ် ဟ့ၣ်ဘါပှၤဂၤဒီး မိၤဃီၤအ၀ဲသ့ၣ်လၢ ကဘူးထီၣ်ဒီးအီၤန့ၣ်လီၤႉ ပတသ့ၣ်ညါ ပှၤဂၤ တၢ်အိၣ်သး‚ ဖဲအ၀ဲသ့ၣ်မ့ၢ်ဟဲဖျါထီၣ်လၢ ပသးကံၢ်ပူၤ‚ ဘၣ်ဆၣ် ယွၤမၤတၢ်လီၤႉ ဒီးအ၀ဲမၤစၢၤပှၤအံၤ ဒ်ပဃ့ထုကဖၣ်တၢ်အသိးန့ၣ်လီၤႉ