ထိၣ်ကနဲဖိ တဖၣ် ဒိးန့ၢ်အကိၤလၤ၀ါအမံၤလၢ ‘ဟါမ့’ တၢ်အသီၣ်ဟဲထီၣ် လၢအ၀ၢ်အဒံးဖိတဖၣ်ခ@ခ@ န့ၣ်လီၤႉ လၢကျိာ်အဂၤတဖၣ်အပူၤ ပှၤသ့ၣ်ညါအီၤ ဒ် ‘ထိၣ်လၢအနၢမူဖီ’ လၢပီတူၤကံၣ်ကျိာ် မ့တမ့ၢ် ‘လၢၢ်လုၢ်ပရၤဒိၣ်လၢအယူၤ’ လၢစပ့ၣ်ကျိာ် န့ၣ်လီၤႉ ထိၣ်တကလုာ်အံၤ လၢအမံၤအကျါမံၤလၢယအဲၣ်ကတၢၢ်န့ၣ် မ့ၢ် ‘ဘငကူက တၢ်လၢအအိၣ်တီၢ် လၢမဲာ်ချံပူၤ’ လၢမဲးစံကၣ် စၢ်ပိတဲး အကျိာ်န့ၣ်လီၤႉ အခီပညီမ့ၢ်၀ဲ တုၤနထံၣ်အီၤတဘျီန့ၣ်‚ နတသးပ့ၤနီၣ်အီၤလၢၤဘၣ်ႉ
ကၠံၢ်ႉက့ၢ်ႉ ခၠဲစတၢ်တၢၢ် ကွဲး၀ဲ ‘‘ဟီၣ်ခိၣ်အံၤ တမ့ၢ်ကလီၤဒိ၀ဲဒၣ် လၢတၢ်လိၣ်ဘၣ် တၢ်လီၤလးတဖၣ် နီတဘျီဘၣ်‚ မ့မ့ၢ်ထဲ တၢ်လိၣ်ဘၣ် တၢ်လီၤလးန့ၣ်လီၤႉ ထိၣ်ကနဲဖိမ့ၢ်တၢ်လီၤလး ဒ်သိးအံၤ အကျါတမံၤလီၤႉ တၢ်လၢအလီၤသးစဲကမၢကမၣ် ဘၣ်ဃးဒီးတၢ်ဖိတၢ်လံၤဆံးကိာ်ဖိတဖၣ်အံၤန့ၣ် မ့ၢ်မနၤလဲၣ်ႉ ဘၣ်သ့ၣ်သ့ၣ် ကမ့ၢ်အ၀ဲသ့ၣ် အနီၢ်ကစၢ်ဆံးဖိ အိၣ်ထဲ ၂-၃ လဲးမးဖိအဃိ မ့ၢ်တမ့ၢ် အတၢ်၀ၢ် အဒံးဆ့န့ၣ် ခ@၀ဲ တစဲးကီးန့ၣ် အဘျီ ၅၀-၂၀၀ အဃိန့ၣ်လီၤႉ
ပှၤကွဲးထါစံးထီၣ်ပ့တၢၤ ၁၀၄ န့ၣ် မ့ၢ်မတၤလဲၣ်န့ၣ် ပတသ့ၣ်ညါ လီၤတံၢ်ဘၣ်ႉ ဘၣ်ဆၣ် ပှၤကွဲးထါအံၤ သပှၢ်တၢၢ် ဘၣ်တၢ်ထုးန့ၢ်အသး လၢနှဆၢၣ် အတၢ်ဃံတၢ်လၤန့ၣ်လီၤႉ အ၀ဲကွဲးဖျါထီၣ်၀ဲ ယွၤအတၢ်ဘၣ်တ့ လီၤလးအါမံၤ‚ ဒ်ပစံးတၢ်အသိး‚ လဘၤနိၣ်အသ့ၣ်ဆှိအ့ရၠာစး့းဒီး မဲာ်တဲးလဲးမံၤတဖၣ်န့ၣ်လီၤႉ အန့ၣ် ၀ံၤဒီ အ၀ဲသး၀ံၣ်ထီၣ်၀ဲ ‘‘မ်ယွၤကသးခု လၢအမၤတၢ်တဖၣ်အပူၤန့ၣ်တက့ၢ်’’ (း၃၁) ဒီးဘါထုကဖၣ်၀ဲ ‘‘မ်ယတၢ်ဆိကမိၣ်န့ၣ် ဘၣ်အသးတက့ၢ်’’ (း၃၄) န့ၣ်လီၤႉ
န့ဆၢၣ်အိၣ်ဒီးတၢ်အါမံၤ လၢအအိၣ်တီၢ်သ့လၢပမဲာ်ပူၤ မ့ၢ်လၢအ၀ဲသ့ၣ် ဃံလၤ ဒီးလၢပှဲၤအဃိန့ၣ်လီၤႉ ပဆိကမိၣ်အ၀ဲသ့ၣ်အဂ့ၢ် ဒီးမၤမုာ်ယွၤအသး ကသ့ဒ်လဲၣ်ႉ ခီဖျိ ပကွၢ်အီၤ လီၤတံၢ်လီၤဆဲး‚ သူၣ်ခုသးခု‚ ဒီးစံးဘျုးယွၤ‚ ဒီးဆိကမိၣ်ထံက့ၤ ယွၤအတၢ်မၤလီၤလးတဖၣ် လၢပသးအမဲာ်ပူၤန့ၣ်လီၤႉ