တၢ်အိၣ်မူတၢ်ကိၢ်တၢ်ဂီၤတဖၣ် မၤတမုာ်တလၤပှၤသ့‚ ဘၣ်ဆၣ်ဒီး လၢတၢ်မၤဘၣ်ဒိ ဘၣ်ထံး ပှၤတဖၣ်အံၤအဃိ တ့ကၢးလၢ ပကတိၤကဒူးကဒ့ၣ် ကတိၤပူၤဖျဲးပသးဘၣ်ႉ တ့ကၢးလၢပမၤအ့နှပှၤလၢပအဲၣ်အီၤတဖၣ်အသး ဒီးရၠာစးၤလီၤတၢ်တတၢးတနါသကုၤ ပခိၣ်ပဃၢၤဘၣ်ႉ ပမၤလိအိၣ်မူမုာ်မုာ်ခုၣ်ခုၣ် မ့ၢ်တသ့ဘၣ်ဒီးပတမၤ လၢထီၣ်ပှဲၤထီၣ် ပမူပဒါ လၢပကဘၣ်အိၣ်မူကဲဘျုးလၢပှၤဂၤအဂီၢ်ဒံးဘၣ်ႉ
လံာ်စီဆှံအသီတက့တူၢ် အိၣ်ဒီးတၢ်ကတိၤတဘီ လၢကမၤလိၤမၤဘၣ်က့ၤ ပတၢ်ပာ်သူၣ်ပာ်သး မုာ်မုာ် ခုၣ်ခုၣ် တသ့ဘၣ်တဖၣ်အဂီၢ်လီၤႉ မ့ၢ်ဒၣ်တၢ်သူၣ်စူၤသးစူၤ လၢအဟ့ၣ်ပှၤတၢ်သးကညီၤတၢ်သ့‚ ဒီးတၢ်သူၣ်ဂ့ၤသး၀ါ န့ၣ်လီၤႉ လံာ်အ့းဖ့းစူး ၄း၂ မၤသ့ၣ်နီၣ်ပှၤ လၢပကအိၣ်ဒီး ကယဲၢ်တၢ်ဆီၣ်လီၤသးဒီး တၢ်သူၣ်စူၤသးစူၤန့ၣ်လီၤႉ
တၢ်သူၣ်စူၤသးစူၤန့ၣ် မ့ၢ်ပသူၣ်အိၣ်သးအိၣ်တၢ်ဒီး တူၢ်လိာ် ပတၢ်ဂံၢ်စၢ်ဘါစၢ် ဒီးသူၣ်တဂ့ၤသးတ၀ါ လၢအတအဲၣ်ဒီးညိကွံာ်တၢ်အ့နှပှိၤပှီၢ် လၢပှၤဂၤအဖီခိၣ်ဘၣ် န့ၣ်လီၤႉ တၢ်သူၣ်စူၤသးစူၤ ပာ်ဖျါထီၣ် ပတၢ်သးခုစံးဘျုးဘၣ် ပှၤမၤတၢ်ဆံးကိာ်ဖိ ဒၣ်လဲာ်လၢပဂီၢ်အဃိ‚ တၢ်၀ံသးစူၤ ပှၤလၢအတမၤတၢ်ဂ့ၤဂ့ၤ လၢပဂီၢ်အဃိန့ၣ်လီၤႉ တၢ်သူၣ်စူၤသးစူၤမၤစၢၤပှၤ လၢပကအိၣ်သကိး ဒီးပှၤမၤတံာ်တာ်ပသး‚ လီၤဆီဒၣ်တၢ်‚ တၢ်သီၣ်တၢ်သဲ‚ ပှၤဖိသၣ်အ့တၢကလူပိၢ်ကလာ်တဖၣ်န့ၣ်လီၤႉ တၢ်သးကညီၤဘၣ် ဖိသၣ်တဖၣ်န့ၣ် မ့ၢ်တၢ်အိၣ်မူတၢ်ကပီၤအပနီၣ် ဒီးမ့ၢ်ပှၤသူၣ်စူၤသးစူၤ‚ ပှၤအဂ့ၤတဂၤ န့ၣ်လီၤႉ တၢ်သူၣ်စူၤသးစူၤ ကတိၤတၢ်ကပုာ်လုာ် ဖဲတၢ်သူၣ်ဒိၣ်သးဖျိးကတိၤ ဂ့ၢ်လိာ် တၢ်အခါန့ၣ်လီၤႉ တၢ်သူၣ်စူၤသးစူၤ အိၣ်ကစုဒု‚ အိၣ်မုာ်ဆိးပၢၤ အိၣ်ဘရၣ်အိၣ်ဘှီၣ် ခုၣ်ခုၣ်မုာ်မုာ်လီၤႉ ဒီးတၢ်န့ၢ် မ့ၢ်တၢ်လိးဆၢတၢ်ကတိၤ ကိၢ်လူးကိၢ်လီတဖၣ်န့ၣ်လီၤႉ
ကစၢ်ယ့ၣ်။းန့ၣ် အသးစူၤဒီးဆီၣ်လီၤအသးလီၤ (မး ၁၁း၂၉) ႉ ပမ့ၢ်ဃ့အီၤဒီး ကမၤအိၣ်ထီၣ် အက့ၢ်အဂီၤတဆီဘၣ်တဆီ လၢပတၢ်အိၣ်မူအပူၤန့ၣ်လီၤႉ ပှၤစကီး တလၣ်ဖိ‚ ပှၤကွဲးလံာ်ဒိၣ် ကၠီးမဲးခဒီနၢၢ် စံး၀ဲ‚ တၢ်ကလုၢ်အသီၣ်တမုာ်တလၤ လၢပကတိၤတၢ်ဒီး ပကတိၤတၢ်အကလုၢ် လၢကမၤအ့ၣ်ဂံာ် မၤဆါပှၤဂၤ အသးန့ၣ်‚ ကစၢ်ယွၤ တအဲၣ်ဒိးနၢ်ဟူလၢ ပအိၣ်ဘၣ်ႉ လၢတၢ်န့ၣ်အဃိ‚ တၢ်ဒဲးဘးတမံၤအံၤ ဒီးတၢ်ဒဲးဘးအဂုၤအဂၤတဖၣ်န့ၣ်‚ ပကပူၤဖျဲးအဂီၢ် ကစၢ်ယ့ၣ်။းအိၣ်ဖျဲၣ်ထီၣ် လၢတၢ်မၤထူၣ်ဖျဲးထီၣ်ပှၤအဂီၢ်န့ၣ်လီၤႉ