ဖဲပနီၣ်သိလ့ၣ်လဲၤခီဖျိ ကီၢ်စဲၢ်မ့းရၠာစးံကၢၢ်ကလံၤစိးအခါ ပလဲၤခီဂာ်ကျဲပနီၣ် ၄၅ တီၤတတီၤ ဖဲအံၣ်ခွှထၢၣ် ဒီးဟီၣ်ခိၣ်ထိဘိ ကလံၤစိး တၢ်အတီၤခံတီၤအံၤ အဘၢၣ်စၢၤန့ၣ် မၢ်လံ ကိးထီၣ်‚ ‘‘ဟၢးအၢၣ်‚ ဟီၣ်ခိၣ်တဖျၢၣ်အံၤ ဒိၣ်တုၤဒၣ်လဲာ် ပတဲလၢအဂ့ၢ်တသ့မးလဲၣ်’’ န့ၣ်လီၤႉ ပကတိၤသကိး လၢပမ့ၢ်တၢ်ဆံးကိာ်ဖိ ဖဲပထိၣ်သBတီၤပသး ဒီးဟီၣ်ခိၣ်ဖျၢၣ် အံၤန့ၣ်လီၤႉ အန့ၣ်ဒၣ်လဲာ် ပမ့ၢ်ကွၢ် သBတီၤအီၤလၢစးက၀းဒီး ပဟီၣ်ခိၣ်အံၤ မ့ၢ်ဒၣ်ဖၣ်ကမူၣ်ကမှံဒံဖိ တဖီးန့ၣ်လီၤႉ
ပဟီၣ်ခိၣ်ဖျၢၣ်အံၤ ဒိၣ်၀ဲလီၤႉ ဒီးစးက၀းန့ၣ် ဒိၣ်န့ၢ် လဲၢ်န့ၢ် ဟီၣ်ခိၣ်အံၤအဃိ ဒီးပှၤလၢအတ့လီၤတၢ်ခဲလၢာ် တဂၤအစိကမီၤန့ၣ် ကဒိၣ်န့ၢ် တၢ်ခဲလၢာ်အံၤ ဆံးဒိၣ်လဲၣ်ႉ လံာ်စီဆှံတဲဘၣ်ပှၤလၢ ကယဲၢ်တၢ်ကိးမံၤဒဲးန့ၣ်‚ ကစၢ် တ့လီၤ၀ဲဒီးတ့လီၤ၀ဲ တၢ်အိၣ်လၢမူခိၣ် ဒီးကယဲၢ် တၢ်အိၣ် လၢဟီၣ်ခိၣ်အံၤ‚ တၢ်လၢပထံၣ်‚ တၢ်လၢပထံၣ်တသ့ဘၣ်‚ ဘီမုၢ်လီၢ်ပစိာ်မ့ၢ်ဂ့ၤ‚ တၢ်ပၢတၢ်ြပးမ့ၢ်ဂ့ၤ ပှၤပၢတၢ်မ့ၢ်ဂ့ၤ ဒီးပှၤအိၣ်ဒီးတၢ်စိကမီၤတဖၣ်မ့ၢ်ဂ့ၤ ကယဲၢ် တၢ်ကိးမံၤဒဲးန့ၣ် တ့လီၤ၀ဲ ဒီးတ့လီၤ၀ဲလၢအဂီၢ်လီၤ (ကလီး ၁း၁၆) ႉ
အ၀ဲအံၤမ့ၢ်တၢ်သးခုကစီၣ်လီၤႉ ကစၢ်ယ့ၣ်။းတဂၤဃီ လၢအတ့လီၤ စးက၀း တဖၣ်အံၤ ဟဲလီၤဆူဟီၣ်ခိၣ်ချၢ ဒ်သိးကအုၣ်က့ၤခီၣ်က့ၤပှၤ လၢတၢ်ဒဲးဘး‚ ကိးမုၢ်နံၤဒဲး ဒီးကိးအဆၢကတီၢ်ဒဲး‚ အထူအယိာ်လီၤႉ မုၢ်တနၤ ဖဲတချုးအတူၢ်သံအသး ဒီးဂဲၤထၢၣ်သမူထီၣ်က့ၤဒံးဘၣ်န့ၣ်‚ ကစၢ်ယ့ၣ်။းစံး၀ဲ‚ ယစံးဘၣ်သုလၢတၢ်န့ၢ်တဖၣ် ဒ်သိး သုကအိၣ်ဒီးတၢ်ဃူတၢ်ဖိးလၢယပူၤလီၤႉ လၢဟီၣ်ခိၣ်အံၤ သုကဘၣ်တၢ်ဖီှၣ်လီၤႉ ဘၣ်ဆၣ်ဒီး ပာ်သုသးခူတလ့ၢ်တက့ၢ်ႉ ယမၤနၢၤလံ ဟီၣ်ခိၣ်လံ (ယိၤ ၁၆း၃၃) ႉ
လၢပတၢ်အိၣ်မူလၢဟီၣ်ခိၣ်အံၤ‚ ဖဲပကွၢ်ဆၢၣ်မဲာ်ဘၣ် တၢ်ဂ့ၢ်အဒိၣ်ဂ့ၤအဆံးဂ့ၤ လၢအတၤပှၤတဖၣ်န့ၣ်‚ ပကိးထီၣ်ပှၤလၢအတ့လီၤစးက၀းအံၤ‚ ပှၤလၢအသံ ဒီးမူထီၣ် က့ၤ‚ ပှၤလၢအမၤနၢၤ ဟီၣ်ခိၣ်အတၢ်ဟးဂီၤတဖၣ်တဂၤန့ၣ် သ့၀ဲဒၣ်လီၤႉ လၢပတၢ်အိၣ်မူ တၢ်ဂဲၤပျုၢ်ဂဲၤဆှးအကတီၢ်‚ အ၀ဲဟ့ၣ်ပှၤအတၢ်ဃူတၢ်ဖိးလၢ အတၢ်စိ တၢ်ကမီၤ အလၢအပှဲၤန့ၣ်လီၤႉ