တၢ်ဂ့ၢ်ခိၣ်တီ ‘‘တၢ်ဆီတလဲ – လၢတၢ်လဲပူၤဆူ တၢ်ချၢဧါ‚ မ့တမ့ၢ်တၢ်လၢအချၢဆူ တၢ်လဲပူၤဧါ’’ အံၤ‚ ပာ်ဖျါထီၣ် စိၤခဲအံၤ အတၢ်ထံၣ်တၢ်ပာ်သး လၢအအိၣ်လၢပှၤအါဂၤ အပူၤလီၤႉ မ့ၢ်တၢ်ပာ်သးတမံၤ လၢအစံး၀ဲ တၢ်ဆီတလဲကွံာ်တၢ် ဖျါလၢခိတဖၣ် ကဲထီၣ် ကျိၤကျဲလၢအညီတဘိသ့၀ဲ လၢကဆီတလဲကွံာ် ပသးအတၢ်ကလၢၢ်ဘၣ် လၢတၢ်အိပူၤ ဒီးဆီတလဲပတၢ်အိၣ်မူဒၣ်လဲာ်သ့၀ဲလီၤႉ
တၢ်အံၤ မ့ၢ်တၢ်ထံၣ်တၢ်ပာ်သးတမံၤ လၢအထုးန့ၢ် ပှၤသးလီၤႉ မတၤတဂၤ လၢအတအဲၣ်ဒိးမၤလဲၤထီၣ်လဲၤထီ အတၢ်အိၣ်မူ ခီဖျိတၢ်မၤသီထီၣ် အတၢ်အိၣ်ဖျါ လၢအညီအံၤ ကအိၣ်တဂၤလဲၣ်ႉ တၢ်ဆီတလဲကွံာ်ပလုၢ်လၢ် လၢအအိၣ် ယံာ်တ့ၢ်မးတဖၣ် ဖျါလၢကဲထီၣ်၀ဲတသ့ဘၣ်အဂ့ၢ် ပ၀ဲအါဂၤပမၤလိန့ၢ် ကျဲအကီအံၤလီၤႉ တၢ်ပာ်လီၤသးနီၢ်နီၢ် လၢတၢ် လၢခံအတၢ်ဆီတလဲယိယိအံၤ ဟ့ၣ်ထီၣ်တၢ်မုၢ်လၢ်အကျဲ လၢအခ@ဒိၣ်န့ၢ်တၢ်ဂၤ‚ ဒ်သိးပကမၤထီၣ်မၤထီပတၢ်အိၣ်မူအဂီၢ်န့ၣ်အိၣ်၀ဲတဘိလီၤႉ
တၢ်ဆီတလဲဒ်န့ၣ်တဖၣ် မၤဂ့ၤထီၣ်ပတၢ်အိၣ်မူသ့ဒၣ်ကယၢာ်‚ ယွၤအကလုၢ် ကထါ ဟ့ၣ်သဆၣ်ထီၣ်ပှၤ လၢပကဃုထံၣ်ကျဲ လၢအယိာ်အါထီၣ် ကျဲတဘိလၢ ပမၤဒၣ် ပ၀ဲတသ့ဘၣ်န့ၣ်လီၤႉ နီၢ်နီၢ်တခီ‚ ဖဲကလၤတံ ၃ အပူၤ‚ စီၤပီလူး ဂ့ၢ်လိာ်ဘှီလိာ်၀ဲ လၢယွၤအတၢ်သိၣ်တၢ်သီ လၢအမ့ၢ်တၢ်ဟ့ၣ်ကလီ လၢအလီၣ်ဖျါထီၣ်အတၢ်ဘၣ်သး ဒၣ်လဲာ် ယါဘျါ ယွၤအပှၤဂီၢ်မုၢ် လၢအလီၤမုၢ်လီၤဖးတန့ၢ်၀ဲဘၣ်လီၤ (း၁၉-၂၂) ႉ
တၢ်ယါဘျါဒီး တၢ်ထူၣ်ဖျဲးအမ့ၢ်အတီအဂီၢ် ယွၤအပှၤဂီၢ်မုၢ်လိၣ်ဘၣ် ကကူသိးထီၣ်ခရၠာစးံာ် (း၂၇) ခီဖျိအသးစီဆှံလီၤ (၅း၅) ႉ တၢ်အိၣ်လီၤဆီဒီး တၢ်ဒိးဘှီသး လၢယွၤန့ၣ်‚ ယွၤအပှၤဂီၢ်မုၢ်တဖၣ် ကထံၣ်န့ၢ် အတၢ်မ့ၢ်တၢ် ဒီးအလုၢ်အပရၤ အမ့ၢ်အတီ လၢအမ့ၢ်‚ ပှၤစူၢ်က့ၤနာ်က့ၤတၢ်ဖိတဂၤစုာ်စုာ် မ့ၢ် တၢ်န့ၢ်သါဘၣ်ဃး ယွၤအတၢ်အၢၣ်လီၤ ဒ်သိးသိးန့ၣ်လီၤ (၃း၂၈-၂၉) ႉ ပကဟ့ၣ်လီၤ ပဂံၢ်ပဘါအါအါ ဂီၢ်ဂီၢ် လၢပနီၢ်ကစၢ်အတၢ်ဒိၣ်ထီၣ်အါထီၣ်အဂီၢ်သ့၀ဲလီၤႉ ဘၣ်ဆၣ် တၢ်ဆီတလဲ လၢအယိာ်ကတၢၢ် ဒီးအလီၤသးမံကတၢၢ်လၢပသူၣ်ပသးပူၤအံၤ‚ အိၣ်ဟဲလၢတၢ်သ့ၣ် ညါတၢ်အဲၣ် လၢအလဲၤတလၢကွံာ်တၢ်သ့ၣ်ညါ (အ့းဖ့းစူး ၃း၁၇-၁၉) ‚ မ့ၢ်တၢ်အဲၣ် လၢအဆီတလဲတၢ်ကိးမံၤန့ၣ်လီၤႉ