ပအိၣ်ဒီး မုၢ်နုာ်အလီၢ်ထီၣ်ထီက၀ီၤ‚ အထံွၣ်ဖိသ့ၣ်တဖၣ် အါနံၣ်အါလါလီၤႉ ထံွၣ်ဖိသ့ၣ် တဖၣ်အံၤ အိၣ်ဆိးဒီးဒိၣ်၀ဲဒၣ် လၢဟီၣ်ခိၣ်ပူၤ‚ ဒီးကွၢ်ဆၢၣ်မဲာ်အဒုၣ်အဒါ လၢအတၢ်အိၣ်ခူသူၣ်အလီၢ်လီၤႉ အ၀ဲသ့ၣ်အတၢ်အိၣ်မူန့ၣ် သုးအသးတစိၤဒီးတစိၤ လၢအတၢ်အိၣ်မူအခီၣ်ထံးအပူၤလီၤႉ ဘၣ်ဆၣ် တၢ်သ့ၣ်ညါ လၢအဒိးန့ၢ်ဘၣ်၀ဲ လၢန့ဆၢၣ်တဖၣ် တခီ‚ အိၣ်၀ဲဒၣ်ထီဘိ လၢဟီၣ်ခိၣ်အပူၤလီၤႉ ဘၣ်တဘျီ မ့ၢ်လၢအသးစဲ လၢဆၣ်ဖိကီၢ်ဖိ အဂုၤအဂၤအဃိ‚ မတၤတဂၤမးတမၢအီၤ ဘၣ်ဆၣ်‚ ခူၣ်ယိာ်ထီၣ်အပူၤ တုၤလၢအယိာ်ထီၣ်‚ ၀ဲဒၣ် စှၤပျၢ်ညါလီၤႉ
အခဲအံၤ ဆိကမိၣ် တၢ်သံကွၢ်တဖၣ်အံၤ ထံထံဆးဆးတက့ၢ်ႉ ဘၣ်မနုၤအဃိ ပ၀ဲဒၣ်သ့ၣ်တဖၣ် ဒ်ပှၤကူ ပှၤကညီအသိး‚ ပကျဲးစၢး‚ ဒီးကျဲးစၢးဃုတၢ် လၢပကမၤ တၢ်တမံၤန့ၣ်လဲၣ်ႉ ဘၣ်မနုၤအဃိ လၢပကဘၣ်ထီၣ်ကစၢၢ် လၢတၢ်ထီၣ်အီၤတန့ၢ်‚ ဒိးနီၣ်တလူၤ ဖဲကစၢၢ်ကနူၤ လီၤဘံဘျၢယုၢ်ကလာ်အကပၤန့ၣ်လဲၣ်ႉ ဃ့ၢ်တၢ်နိးတၢ်ဘျး လၢအကီဒိၣ်‚ ဒီးဃ့ၢ်ခီထံကျိယွၤဆူၣ် လၢအလီၤပျံၤကတၢၢ်‚ တၤန့ဆၢၣ် အဂံၢ်အဘါ အစိအကမီၤလဲၣ်ႉ တၢ်မၤတနီၤန့ၣ် မ့ၢ်၀ဲတၢ်သးအိၣ် တၢ်ဃုထံၣ်တၢ်အသီ‚ ဒီးတၢ်မၤမုာ်မၤခုၣ်ပသးလီၤႉ လၢလၢပှဲၤပှဲၤတခီ အါန့ၢ်ဒံးတၢ်သ့ၣ်တဖၣ်န့ၣ်လီၤႉ တၢ်အံၤ မ့ၢ်၀ဲ‚ တၢ်သ့ၣ်ညါတမံၤ လၢယွၤအဂီၢ် လၢအဘၣ်တၢ်ထီထီၣ်အီၤလၢပပူၤ ဂၢၢ်ဂၢၢ်ကျၢၤကျၢၤလီၤႉ ပတလိၣ်ဘၣ်လၢ ပကထံၣ်ဘၣ်ယွၤတၣ်ႉ
ပတသ့ၣ်ညါတၢ်န့ၣ်စ့ၢ်ကီးဘၣ်ႉ ပသ့ၣ်ညါထဲ ပလိၣ်ဘၣ် တၢ်တမံၤမံၤလီၤႉ ‘‘တၢ်လၢနလိၣ်ဘၣ် မ့ၢ်မနူၤလဲၣ်န့ၣ်‚ နတသ့ၣ်ညါဘၣ် ့ၠမု Tတၠငည စံး၀ဲ‚ ‘‘နသးလီတၢ် အံၤ အါ၀ဲတုၤဒၣ်လဲာ် လၢနကသံဘၣ်နသးလီၤ’’ႉ
ကစၢ်ယွၤမ့ၢ်၀ဲ‚ ပသးအဟံၣ်အမ့ၢ်အတီလီၤႉ ဒ်တၢ်အိၣ်ဖှိၣ်သ့ၣ်တဖၣ် အပၢ် ဗကါကျအငညန စံး၀ဲ လၢ အတၢ်ကတိၤဒိ လၢအမံၤဟူသၣ်ဖျါ အဒိၣ်ကတၢၢ်တခါအပူၤ‚ ‘‘နတ့ပှၤလၢ နကစၢ်ဒၣ်၀ဲ‚ ယွၤဧၢ‚ ဒီးပသးအိၣ်ဘှံး၀ဲတန့ၢ်တုၤလၢ အအိၣ်ဘှံး၀ဲလၢနပူၤ အကတီၢ်လီၤ’’
ဒီးသးန့ၣ် မ့ၢ်မနုၤလဲၣ်ႉ မ့ၢ်၀ဲ တၢ်ပူၤလီၤဟိအယိာ်တပူၤ လၢပပူၤ‚ ထဲယွၤတဂၤ မၤပှဲၤအီၤသ့၀ဲလီၤႉ