ဘၣ်တနံၤ လၢပီၣ်လဲၣ်ကနူၤန့ၣ် ယမုၢ်လၢ်သးခုယဲ လၢတၢ်ကွၢ်ကီပှၤဒိး ‘‘လပီ’’ တနီၤ လၢကလံၤအသဟီၣ်ဆှၢအီၤကွ့ၢ်ကွ့ၢ် ဖဲပီၣ်လဲၣ်အသရၠာစး့ၤန့ၣ်လီၤႉ ဖဲအ၀ဲသ့ၣ်အကျါ တဂၤ ဟဲက့ၤထီၣ်ဆူ ခိခိၣ်အကတီၢ်န့ၣ် ယသံကွၢ်အီၤ‚ ‘‘နဒိးလပီန့ၣ် လၢယမဲာ် အတၢ်ထံၣ်ကီခဲ၀ဲဒိၣ်မးဧါ’’ န့ၣ်ဒီး အ၀ဲစံးဆၢယၤ ‘‘တကီဘၣ်‚ ညီကဒၣ်လီၤႉ နီၢ်နီၢ်တခီညီန့ၢ်ဒံး‚ တၢ်ဒိးလပီပတီၢ်မုၢ်’’ န့ၣ်လီၤႉ မ့ၢ်လၢနသူကလံၤ အသဟီၣ်အဃိလီၤ’’ႉ
တၢ်န့ၣ်တဖၣ်အလီၢ်ခံန့ၣ်‚ ယဟးယဲလၢပီၣ်လဲၣ် အကနူၤ‚ ဆိကမိၣ်ကလံၤအသဟီၣ်‚ တမ့ၢ်ထဲဒုးလဲၤဘၣ် ပှၤဒိးလပီဘၣ်ႉ မ့မ့ၢ်တခီအသဟီၣ် လၢအဖ@လီၤ ယခိၣ်သူ ဆူယမဲာ်သၣ်လိၤလီၤႉ ယအိၣ်ကတီၢ် ဒ်သိး‚ ယကဆိကမိၣ်ထီၣ် ဘၣ်ဃးဒီးပတၢ်တ့အကစၢ်ယွၤလီၤႉ ဒ်ပထံၣ်ဘၣ်၀ဲ လၢလံာ်ဧၤမိၣ်အပူၤ‚ အ၀ဲ ‘‘ဒုးကဲထီၣ် ကစၢၢ်ကလိ’’ ဒီးတ့လီၤကလံၤသီၣ်ဂီၤ’’ ဒီး ‘‘ပာ်မုၢ်ဂီၤလၢတၢ်ခံး’’ (ဧၤမိၣ် ၄း၁၃) လီၤႉ
ခီဖျိ ၀ံဧၤမိၣ်အတၢ်ကွဲးအပူၤ‚ ပသ့ၣ်ညါဘၣ်ပ၀ဲ လၢကစၢ်ယွၤဒုးသ့ၣ်ညါ အဖိသ့ၣ်တဖၣ် လၢကကိးက့ၤ အစိကမီၤသ့ၣ်တဖၣ် ဆူအအိၣ်လီၤႉ မ့ၢ်လၢအဖိ သ့ၣ်တဖၣ် တဒိကနၣ်ဘၣ်အီၤအဃိလီၤႉ ကစၢ်ယွၤစံးတ့ၢ်၀ဲ လၢကပာ်ဖျါထီၣ်အသး ဆူအဖိသ့ၣ်တဖၣ် အအိၣ်လီၤ (ဧၤမိၣ် ၄း၁၃) ႉ ဘၣ်ဆၣ်ဒီး ပထံၣ်ဘၣ်ယွၤအတၢ်စံၣ်ညီၣ် ဖဲအံၤ‚ လၢလံာ်စီဆှံအပူၤကိးပူၤဒဲးန့ၣ် ပထံၣ်ဘၣ်အတၢ်အဲၣ် လၢအလုၢ်ထီၣ်၀ဲ‚ ခီဖျိဆှၢလီၤ၀ဲ အဖိခွါ ဒ်သိးကအုၣ်က့ၤခီၣ်က့ၤပှၤအဂီၢ်လီၤ (ယိၤ ၃း၁၆) ႉ
ကလံၤအသဟီၣ်လၢအအူတၢ်လၢ ကီၢ်အဲကလံး အကလံးထံး လၢမုၢ်တနံၤအံၤ ဒုးသ့ၣ်နီၣ်ထီၣ်က့ၤပှၤ လၢကစၢ်ယွၤအသဟီၣ်ဒိၣ်နီၢ်မး၀ဲန့ၣ်လီၤႉ နမ့ၢ်တူၢ်ဘၣ် ကလံၤအသဟီၣ် လၢမုၢ်မဆါတနံၤအံၤ‚ ဘၣ်မနုၤအဃိ လၢနတအိၣ်ကတီၢ်ဒီး ဆိကမိၣ်ထီၣ် ပကစၢ်ယွၤ လၢအအိၣ်ဒီး တၢ်စိတၢ်ကမီၤ လၢအဒိၣ်တဂၤန့ၣ်လဲၣ်ႉ