ပဖိသးစၢ်သ့ၣ်တဖၣ် လၢတၢ်သးဖှံအပူၤ လူၤဖီၣ် ဟဲၣ်လံၣ်ခီးပတၢၣ်အချံသ့ၣ်တဖၣ်‚ လၢအဟဲလီၤ၀ဲ လၢသ့ၣ်မ့ဖၢၣ်အခံလီၤႉ တၢ်အချံအံၤ တဖျၢၣ်ဒီးတဖျၢၣ် အိၣ်၀ဲဒီး အဒံးဆ့‚ ဖဲတၢ်ကိၢ်အကတီၢ် ဘူးထီၣ်ကတၢၢ်န့ၣ်‚ ၀ံၢ်တရၠာစးံးအသး လၢကလံၤကျါ ဒီးဟဲလီၤတဲာ်ဆူ ဟီၣ်ခိၣ်အဖီခိၣ် လီၤဂာ်ဒီး ‘‘ဟဲၣ်လံၣ်ခီးပတၢၣ်’’ ယူၤ၀ဲအသိးလီၤႉ အတၢ်ကွၢ်စိတခီ တမ့ၢ်လၢကယူၤ၀ဲဘၣ်ႉ မ့မ့ၢ်တခီ‚ ကဟဲလီၤဆူ ဟီၣ်ခိၣ်‚ ဒီးကမဲထီၣ် ဒီးဒိၣ်ထီၣ် ဒ်သ့ၣ်တဖၣ်န့ၣ်လီၤ
တချုးကစၢ်ခရၠာစးံာ်ဘၣ် တၢ်ပျၤထီအီၤ အကတီၢ်န့ၣ် တဲဘၣ်အပျဲၢ်အဘီၣ်တဖၣ်‚ ‘‘နၣ်ရၠာစးံၣ် လၢပှၤကညီအဖိခွါ အလၤကပီၤ ကအိၣ်ဖျါထီၣ်န့ၣ် ဘၣ်၀ဲလံႉ ဘုချံတဖျၢၣ် မ့ၢ်တလီၤတဲာ်လၢ ဟီၣ်ခိၣ်‚ ဒီးအုၣ်သံဘၣ်ဒီး‚ အိၣ်ဒၣ် အတၢ်ဒၣ်၀ဲတဖျၢၣ်ဧိၤလီၤႉ မ့မ့ၢ်‚ မ့ၢ်အုၣ်သံဒီး သၣ်ထီၣ်၀ဲ အါဖျၢၣ်လီၤ (လံာ်ယိၤဟၣ် ၁၂း၂၃-၂၄) ႉ
ဆၢကတီၢ် ဖဲကစၢ်ခရၠာစးံာ်အပျဲၢ်အဘီၣ်တဖၣ်‚ အဲၣ်ဒိး မၤလၤကပီၤအီၤ ဒ် ‘‘မ့း့ှှံအၤ’’တဂၤန့ၣ်‚ အ၀ဲဟဲလီၤ ဒီးဟ့ၣ်လီၤအသးသမူ ဒ်သိး ပ၀ဲသ့ၣ်တဖၣ်‚ တၢ်ကပျၢ်ကွံာ်ပတၢ်ဒဲးဘး ဒီးလဲလိာ်က့ၤ ပသးသမူ‚ ခီဖျိ ပတၢ်နာ်အီၤ အပူၤလီၤႉ
ဒ်ကစၢ်ခရၠာစးံာ်အပျဲၢ်အဘီၣ်တဖၣ်အသိး ပ၀ဲသ့ၣ်တဖၣ် ပနၢ်ဟူဘၣ် အကလုၢ်ကထါ လၢအစံး၀ဲ ‘‘ပှၤလၢအသးလီအသးန့ၣ် မၤဟါမၢ်ကွံာ်အီၤလီၤႉ ဒီးပှၤ လၢအသးဟ့လီၤအသး လၢဟီၣ်ခိၣ်ချၢအံၤ‚ ကန့ၢ်က့ၤအသး လီၤထူလီၤယိာ်လီၤႉ ပှၤမ့ၢ် မၤယတၢ်တဂၤဂၤ ဒီးမ်အပိာ်ယခံတက့ၢ်ႉ ဒီးဖဲယအိၣ်အလီၢ်န့ၣ်‚ ယခ့ယပှၤ ကအိၣ်၀ဲဖဲန့ၣ်စ့ၢ်ကီးလီၤႉ ဒီးပှၤမ့ၢ်မၤယတၢ်တဂၤဂၤ ဒီး ပၢ်ကဒုးလၤကပီၤအီၤလီၤ’’ (ယိၤ ၁၂း၂၅-၂၆) ႉ
ဟဲၣ်လံၣ်ခီးပတၢၣ်အချံသ့ၣ်တဖၣ် ဒုးနဲၣ်ပှၤ‚ ပှၤအုၣ်က့ၤခီၣ်က့ၤတၢ် ကစၢ်ခရၠာစးံာ် အတၢ်တူၢ်သံအသးလၢပဂီၢ် အတၢ်မၤလီၤလိၢ်လီၤလးတဖၣ်‚ ဒ်သိး ပကအိၣ်ဘၣ်ပ၀ဲ လၢအဂီၢ်လီၤႉ