‘‘နတထံၣ်ယၤဘၣ်ႉ’’ ဖဲဖိသၣ်ဆံးတဖၣ်လိာ်ကွဲ‚ ‘‘လိာ်ကွဲဘံၣ်’’ အခါ တဘျီတခီၣ် ဆိကမိၣ်၀ဲ လၢဖဲအမၤဘၢအမဲာ်နှၣ် အ၀ဲသ့ၣ်အိၣ်ဘံၣ်၀ဲဒၣ်လီၤႉ မ့ၢ်တထံၣ်နၤနှၣ်‚ ဆိကမိၣ်၀ဲ လၢနတထံၣ်အီၤလီၤႉ
တၢ်အံၤ လီၤပလိာ်သးဒီးပှၤနီၢ်ဒိၣ်တဖၣ်လီၤႉ တဘျီတခီၣ် ပမၤတၢ်ဒ်အံၤ လၢကစၢ်ယွၤနှၣ်လီၤႉ ဖဲပသးအိၣ် မၤတၢ်တမံၤမံၤ လၢ တဘၣ်ယွၤအသးအခါ‚ ပပာ်တဒၢပမဲာ် လၢကစၢ်ယွၤ ဒီးပမၤ တၢ်ဘၣ်ပသးနှၣ်လီၤႉ
၀ံယဃ့းစက့လး ဒိးနှၢ်တၢ်ထံၣ် လၢယွၤအအိၣ် ဘၣ်ထွဲဒီး အပှၤဂီၢ်မုၢ်တဖၣ် အဂီၢ်လီၤႉ ကစၢ်ယွၤစံးအီၤ‚ ‘‘တၢ်လၢအံၣ်စရၠာစးှလး အပှၤဟံၣ်ဖိအပှၤသူၣ်က့သးပှၢ် မၤ၀ဲ လၢတၢ်ခံးကျါတဂၤ လၢအတၢ်ဂီၤအဒၢးပူၤစုာ်စုာ်နှၣ် နထံၣ်ဘၣ်စ့ၢ်ကီးဧါႉ အဂ့ၢ်ဒ်အံၤစံး၀ဲ‚ ယွၤတထံၣ်ဘၣ်ပှၤ ဘၣ်’’ (ယဃ့း ၈း၁၂) ႉ
ဘၣ်ဆၣ်‚ ကစၢ်ယွၤထံၣ် တၢ်တဖၣ်အံၤ ကိးမံၤဒဲး နှၣ်လီၤႉ ၀ံယဃ့းစက့လးအတၢ်ထံၣ် မၤဂၢၢ်မၤကျၢၤ တၢ်အံၤလီၤႉ အ၀ဲသ့ၣ်မၤဘၣ်တၢ်ဒဲးဘးသနာ်က့ ယွၤဟ့ၣ် အပှၤဂီၢ်မုၢ် လၢအပီၢ်ယၢ်လီၤသးတဖၣ် တၢ်မုၢ်လၢ်အသီ ခီဖျိတၢ်အၢၣ်လီၤအသီနှၣ်လီၤႉ ‘‘ဒီးယကဟ့ၣ်လီၤသု သးသီ‚ ဒီးသုသးဆိကမိၣ်တၢ်အသီ ယကပာ်လၢသုပူၤလီၤ’’ (၃၆း၂၆) ႉ
လၢပဂီၢ်‚ ကစၢ်ယွၤ ပျၢ်ပတၢ်လီၤတူာ်လီၤကာ်‚ တၢ်ဒဲးတူာ်ဒဲးဘၣ်တဖၣ် ဒီးပရၤက့ၤပှၤ လၢတၢ်သံလီၤထူလီၤယိာ် လၢထူၣ်စုညါအဖီခိၣ် ပှဲၤဒီးတၢ်အဲၣ် တၢ်သးကညီၤနှၣ်လီၤႉ ခီဖျိကစၢ်ခရၠာစးံာ်‚ ယွၤဟ့ၣ်ပှၤ တၢ်အိၣ်မူအသီ ဒီးမၤတၢ်လၢပသးပူၤ ဒ်သိးကလဲလိာ်ပသးဖဲပပိာ်အခံနှၣ်လီၤႉ ကစၢ်ယွၤအံၤ ဂ့ၤဒိၣ်မးလဲၣ်ႉ ဖဲပမ့ၢ်ပှၤလၢလီၤမၢ် ဒီးအိၣ်ခူသူၣ် လၢပတၢ်ဒဲးဘးအကျါအခါ‚ ယွၤသုးဘူးအသးဆူပအိၣ် ခီဖျိကစၢ်ခရၠာစးံာ်‚ လၢ‘‘အဟဲဃုထံၣ်ပှၤ‚ ဒီးအုၣ်က့ၤခီၣ်က့ၤပှၤ’’ တဂၤနှၣ်လီၤ (လူၤ ၁၉း၁၀‚ ရၠာစးိမ့ၤ ၅း၈) ႉ