အပူၤကွံာ်စှၤသီန့ၣ် ပက့ၤကိးပလံၤဖိမီရၠာစးံၣ်ယၣ် ဆူပဟံၣ်လီၤႉ အ၀ဲအသးအိၣ်ဒၣ်ထဲ ခံဆံခံလါဖိ‚ ဒီးတၢ်အံၤမ့ၢ်၀ဲအဆိကတၢၢ်တဘျီ လၢအ၀ဲၢ်တဖၣ် တပာ်ဃုာ်ဒီးအီၤ ဘၣ်လီၤႉ ပဟ့ၣ်အီၤတၢ်အဲၣ်အါအါ‚ ပကွၢ်ထွဲအီၤ ဂ့ၤဂ့ၤဘၣ်ဘၣ်‚ ဒီးပမၤလိာ်ကွဲတၢ် လၢအ၀ဲအဲၣ်ဒိးမၤ၀ဲတဖၣ်နှၣ်လီၤႉ လၢခံတနံၤပက့ၤဆှၢက့ၤအီၤ ဆူအဟံၣ်၀ံၤ‚ ပဆၢဂ့ၤဆၢ၀ါသကိးပသး ဒီးပခါထီၣ်ပခီၣ်ခါဆူပဲ့တီ လၢပကက့ၤက့ၤ ဆူဟံၣ်အဂီၢ်လီၤႉ ဖဲနှၣ်လၢတၢ်တသီၣ် တသဲအပူၤ‚ မီရၠာစးံၣ်ယၣ်ဖိနှၣ် တွံၢ်ထီၣ်အထၢၣ်ဖိဒီးပိာ်ထီၣ်ပခံနှၣ်လီၤႉ
တၢ်ဂ့ၢ်ဖိအံၤအိၣ်စဲထီ လၢယသးပူၤလီၤႉ သိးဃး၀ဲ ဒၣ်ဖၢၣ် (တၢ်ကံးယာ်ကပုာ်လၢ ပှၤဘိၣ်ဘံဖိသၣ်အခံ) ဒီး ဒိးထီၣ်၀ဲခီၣ်ဖံး လၢအတဘၣ်အီၤတခိၣ်‚ ဒီး မီရၠာစးံၣ်ယၣ်ဖိ အိၣ်ကတဲာ်ကတီၤအသး၀ံၤ၀ဲ လၢကလဲၤပိာ် အဖုဒီးအဖံအခံ လၢခံကဒီးတဘျီ နှၣ်လီၤႉ ဖဲယဆိကမိၣ် ထီၣ် တၢ်အံၤတဘျီလၢ်လၢ် ယနံၤ၀ဲဒၣ်လီၤႉ အ၀ဲအသး ဆူၣ် လၢကပိာ်ကဒီးပခံနှၣ်လီၤႉ
အ၀ဲတဲထီၣ်၀ဲတသ့ဘၣ်ဆၣ်‚ သ့ၣ်ညါ၀ဲ လၢပအဲၣ်အီၤ ဒီးပပာ်လုၢ်ပာ်ပရၤအီၤနှၣ်လီၤႉ ပတၢ်အဲၣ် မီရၠာစးံၣ်ယၣ်ဖိအံၤ လီၤဂာ်ဒ်ယွၤအတၢ်အဲၣ် လၢပဂီၢ်နှၣ်လီၤႉ ‘‘ကွၢ်တက့ၢ် ပၢ်ဟ့ၣ်လံပှၤ လၢတၢ်အဲၣ်တၢ်ကွံ ဒ်လဲၣ်ဒ်လဲၣ် လၢတၢ်ကကိးပှၤ လၢယွၤအဖိနှၣ်လီၤႉ ဒီးပမ့ၢ်တၢ်အ၀ဲနှၣ်လီၤ’’ (၁ ယိၤဟၣ် ၃း၁) ႉ
ဖဲပနာ်ခရၠာစးံာ် ဒ်အမ့ၢ်ပှၤလၢအအုၣ်က့ၤခီၣ်က့ၤပှၤနှၣ်‚ ပကဲထီၣ်အဖိတဖၣ် ဒီးနၢ်ပၢၢ်ဘၣ် အတၢ်အဲၣ်လုၢ်ဒိၣ်ပှှၤဒိၣ် လၢပဖီခိၣ်ခီဖျိ အတၢ်တူၢ်သံအသး လၢပဂီၢ် နှၣ်လီၤ (း၁၆) ႉ ပသးအိၣ်မၤမုာ်အသး လၢပတၢ်စံးတၢ်ကတိၤ ဒီးတၢ်ဖံးတၢ်မၤ တဖၣ်အပူၤ (း၆) ‚ ပအဲၣ်ဒိး အဲၣ်အီၤဒီးရၠာစး့လိာ်သးဒီးအီၤနှၣ်လီၤႉ