ဖဲကမျၢၢ်တၢ်အိၣ်ဖှိၣ် လၢအဖိးသဲစး လၢကီၢ်အ့့ှှၣ်အပူၤ‚ ယအိၣ်ဒီး တၢ်စံးကတိၤ သကိး တၢ်လၢအမၤသပရၤယမဲာ် လၢတၢ်ဆၢကတီၢ် ၂ နၣ်ရၠာစးံၣ် အတီၢ်ပူၤန့ၣ်လီၤႉ လၢအဆိကတၢၢ်‚ တၢ်အိၣ်ဖှိၣ်သရၠာစးၣ်တဂၤ‚ တဲဖျါထီၣ်လၢတချူးလၢတၢ်မ့ၢ်တၢ်တီ အိၣ်ဖျါထီၣ်န့ၣ် အ၀ဲဘၣ်လဲၤအိၣ်လၢဃိာ်ပူၤ ၁၁ နံၣ်‚ လၢအဘၣ် တၢ်စံၣ်ညီၣ် ကမၣ်အီၤ လၢပှၤမၤသံပှၤအဃိလီၤႉ မၤကဒီး ဟံၣ်ဖိဃီဖိ တဒူၣ် စံး၀ဲလၢ အ၀ဲၢ်သ့ၣ် ဘၣ်ဟ့ၣ်ကျိၣ်စ့အါမး‚ လၢကပူၤဖျဲး ဒီးတၢ်မၤနးမၤဖှီၣ် လၢတၢ်စူၢ်တၢ်နာ်အဃိ‚ လၢအထံ ကီၢ်ဒၣ်၀ဲအပူၤ‚ ဘၣ်ဆၣ် ပှၤလၢ အစံး လၢကမၤစၢၤအီၤ တဖၣ် လီန့ၢ်အကျိၣ်စ့ လၢအဟ့ၣ်လီၤ၀ဲခဲလၢာ်န့ၣ်လီၤႉ အဃိအ၀ဲသ့ၣ် အိၣ်လၢ ပှၤဃ့ၢ်မှံဟးဖျိးတဖၣ်အဒဲက၀ီၤ တဘျုးနံၣ်၀ံၤ‚ အခဲအံၤအ၀ဲသ့ၣ်ဘၣ်ယိၣ် လၢဟံၣ်ဃီ လၢ အကအိၣ်ဆိးအဂီၢ် တအိၣ်ဘၣ်အဂ့ၢ်န့ၣ်လီၤႉ
လၢတၢ်မၤအသးခံမံၤလိာ်အံၤအပူၤ‚ တၢ်ဒုးကဲထီၣ်ပှၤဘၣ် တၢ်မၤနးမၤဖှီၣ်အံၤ ဃါဃုာ်အသး ဒီးတၢ်စံၣ်ညီၣ်တီတအိၣ်‚ ဒ်အမ့ၢ် တၢ်လီၤရၠာစးၢၢ်လီၤစၢၢ် လၢအမၤ အသး လၢဟီၣ်ခိၣ်အါမံၤ အကျါတမံၤန့ၣ်လီၤႉ ဘၣ်ဆၣ်တၢ်လီၤတိၢ် လၢတၢ်စံၣ်ညီၣ် တၢ်တတီတလိၤအံၤ တမ့ၢ်တၢ် လၢအကအိၣ် လီၤထူလီၤယိာ်န့ၣ်ဘၣ်ႉ
ထါစံးထီၣ်ပ့တၢၤ ၆၇‚ ကိးထီၣ်ယွၤအပှၤဂီၢ်မုၢ် ဒ်သိးအကဒုးသ့ၣ်ညါအီၤ ဆူဟီၣ်ခိၣ် လၢအဘၣ်နးဘၣ်ဖှီၣ်အံၤအဂီၢ်န့ၣ်လီၤႉ တၢ်အစၢကမ့ၢ်‚ တၢ်သးခု‚ တမ့ၢ် ထဲလၢယွၤအတၢ်အဲၣ်အဃိဘၣ်‚ မ့ၢ်စ့ၢ်ကီး လၢအစံၣ်ညီၣ်တီတၢ်အဃိန့ၣ်လီၤႉ ‘‘မ်ပှၤဂီၢ်မုၢ် သူၣ်ခုသးခု‚ ဒီးသး၀ံၣ်တၢ် လၢတၢ်သူၣ်ဖှံသးညီတက့ၢ်ႉ ပှၤကွဲး ထါစံးထီၣ်ပBတၢၤ စံး၀ဲ‚ ‘‘အဂ့ၢ်ဒ်အံၤ‚ နဲဒၣ်အံၤနကစံၣ်ညီၣ်တီပှၤဂီၢ်မုၢ်‚ ဒီးနသး ကအိၣ် ပှၤဂီၢ်မုၢ်လၢဟီၣ်ခိၣ်ချၢလီၤ’’ (း၄) ႉ
ပှၤကွဲးလံာ်စီဆှံနၢ်ပၢၢ်၀ဲ လၢတၢ်စံၣ်ညီၣ်တၢ်တီတီလိၤလိၤန့ၣ် ကအိၣ်ဖျါ လၢယွၤအတၢ်အဲၣ်ပူၤသနာ်က့‚ ကဘၣ်တၢ်သ့ၣ်ညါအီၤဒၣ် လၢခါဆူညါအကတီၢ် န့ၣ်လီၤႉ တုၤလၢတၢ်အကတီၢ်၀ဲန့ၣ်တစု‚ ပကဘၣ်ဒုးသ့ၣ်ညါပှၤအဂၤတဖၣ် လၢယွၤ မ့ၢ်ကစၢ် လၢအစံၣ်ညီၣ်တၢ်တီတီအဂ့ၢ် လၢပဟီၣ်ခိၣ် လၢအပဲှၤဒီးတၢ်စံၣ်ညီၣ် တတီတလိၤအံၤအပူၤန့ၣ်လီၤႉ ယွၤမ့ၢ်ဟဲက့ၤဒီး ‘‘မ်တၢ်စံၣ်ညီၣ် ယွၤလီၤဒ်ထံအသိး‚ ဒီးတၢ်တီတၢ်လိၤ ဒ်ထံမိၢ်ပှၢ်ဖးဒိၣ်အထံအသိးန့ၣ်တက့ၢ်’’ (ဧၤမိၣ် ၅း၂၁) ႉ