ဖဲယထံၣ်ဘၣ်အီၤအဆိကတၢၢ်တဘျီ‚ ယဟီၣ်ယဲဒၣ်လီၤႉ ဖိသၣ်ဆံး အိၣ်ဖျဲၣ်လီၤသီဖိ လၢက့ၢ်ဂီၤအလၢအပှဲၤတဂၤ မံသပ့ၤလၢအစုာ်ပူၤန့ၣ်လီၤႉ ဘၣ်ဆၣ်ပသ့ၣ်ညါ လၢအ၀ဲ တဂဲၤဆၢထၢၣ်က့ၤလၢၤဘၣ်န့ၣ်လီၤႉ အ၀ဲကဂဲၤဆၢထၢၣ်က့ၤဒၣ် ဖဲလၢအတုၤဆူကစၢ် ယ့ၣ့်ှှူးအစုတီၤလိၤန့ၣ်လီၤႉ
အ၀ဲအိၣ်မူစှၤလါ၀ံၤ‚ အမိၢ်ဒုးသ့ၣ်ညါပှၤ ခီဖျိ နာၠငူ လၢအပှဲၤမး ဒီးတၢ်သူၣ်ကၢ်သးလီၤ လၢဖိသၣ်ပိာ်ခွါဖိအံၤသံ၀ဲလံအဂ့ၢ်န့ၣ်လီၤႉ အ၀ဲကွဲးဖျါ‚ ‘‘တၢ်ဆါနးမး လၢအအီၣ် ဂီၤကွံာ်နသး’’‚ ဒီးစံးကဒီး၀ဲ ‘‘မ့ၢ်မးယွၤအတၢ်မၤလၢအယိာ် လၢအဒုးကဲထီၣ်အတၢ်အဲၣ်ဆူပသးပူၤ ခီဖျိ သးသမူဖိအံၤ န့ၣ်လီၤႉ မ့ၢ်သးသမူဖိ လၢအဂံၢ်သဟီၣ်ဆူၣ်မးန့ၣ်လီၤႉ
ဂံၢ်သဟီၣ်ဆူၣ်မးဧါ‚ အ၀ဲစံးတၢ်အံၤသ့ဒ်လဲၣ်ႉ
ဖိသၣ်ပိာ်ခွါလုၢ်ပရၤဒိၣ် လၢအအိၣ်ဖျဲၣ်ထီၣ် လၢဟံၣ်ဖိ
ဃီဖိတဒူၣ်အံၤ ဒုးနဲၣ်အ၀ဲသ့ၣ်ဒီးပ၀ဲဒၣ်တဖၣ် လၢပကဘၣ်သန့ၤထီၣ်ပသးလၢယွၤ လၢကယဲၢ်တၢ်ကိးမံၤဒဲးအပူၤအဂ့ၢ်န့ၣ်လီၤႉ လီၤဆီဒၣ်တၢ် ဖဲတၢ်ကွၢ်ဆၢၣ်မဲာ် တၢ်နး တၢ်ဖှီၣ်အကတီၢ်န့ၣ်လီၤႉ တၢ်လၢအကီတမံၤ လၢအမ့ၢ်စ့ၢ်ကီး တၢ်မ့ၢ်တၢ်တီ လၢ အမၤမုာ်ပသးန့ၣ် မ့ၢ်၀ဲကစၢ်ယွၤအိၣ်ဒီးပှၤ လၢပတၢ်တူၢ်ဘၣ်တၢ်ဆါအပူၤ အဂ့ၢ်န့ၣ် လီၤႉ အ၀ဲသ့ၣ်ညါတၢ်သူၣ်ကၢ်သးလီၤ ခီဖျိဖိခွါတဂၤ လီၤမၢ်အဃိန့ၣ်လီၤႉ
လၢပတၢ်တူၢ်ဘၣ်တၢ်နးနးကလဲာ်အပူၤ‚ ပဟံးန့ၢ်တၢ်ဂံၢ်တၢ်ဘါ ခီဖျိစီၤဒၤ၀ံး အတၢ်ကွဲး လၢအကွဲး၀ဲလၢတၢ်နးတၢ်ဖှီၣ်အပူၤန့ၣ်လီၤႉ အ၀ဲကွဲး ‘‘ယကပာ် တၢ်ဆိကမိၣ် ဆိကမး လၢယသးကံၢ်ပူၤ‚ တၢ်သူၣ်အုးသးအုး လၢယသးကံၢ်ပူၤသ့သ့တနံၤ ဆံးယံာ်လဲၣ်’’ (စံး၁၃း၂) ႉ ‘‘ကွၢ်‚ကနၣ်ယကလုၢ်တက့ၢ်‚ယွၤယကစၢ်ဧၢ‚ဒုးကပီၤထီၣ်ယမဲာ်တက့ၢ်‚ ယကမံသံဘၣ်ဖုးလီၤ’’ (း၃) ႉ ဖဲအံၤစီၤဒၤ၀ံးဟ့ၣ်ထီၣ် တၢ်သံကွၢ်ဖးဒိၣ် တဖၣ် ဆူကစၢ်ယွၤအအိၣ်သ့၀ဲန့ၣ်လီၤႉ စံးကဒီး၀ဲ‚ ‘‘ဘၣ်ဆၣ်ဒီး ယသန့ၤယသးလၢနဘျုးနဖှိၣ်‚ ယကသူၣ်ဖှံသးညီ လၢနတၢ်အုၣ်က့ၤခီၣ်က့ၤအပူၤလီၤ’’ (း၅) ႉ
ထဲဒၣ်ယွၤ‚ ဟဲစိာ်န့ၢ်ပှၤတၢ်အခီပညီလီၤလီၤဆီဆီသ့‚ လၢပတၢ်ကွၢ်ဆၢၣ်မဲာ် တၢ်နးတၢ်ဖှီၣ် လၢအနးကတၢၢ်တဖၣ် အကတီၢ်န့ၣ်လီၤႉ