ထီဘိန့ၣ် ယဘၣ်သူၣ်ဘၣ်သး လၢတၢ်ထံၣ်ဒီးတၢ်ကူၣ်တၢ်ဆး ဘၣ်ဃး ပှၤလၢအဒုး ကဲထီၣ် ာ်နၠညကအျ လၢအမံၤမ့ၢ် ဃ့ၠမူနျ ှခ့ကူဖ န့ၣ်လီၤႉ မ့ၢ်၀ဲ တၢ်ဂီၤကွံးကွး လၢယဘၣ်သူၣ်ဘၣ်သးအကျါတခါလၢ အ၀ဲတ့၀ဲန့ၣ် ပာ်ဖျါ၀ဲလၢလံာ် လၢဘၣ်ဃး ပှၤသးစၢ်လၢတၢ်အိၣ်ဖှိၣ်ပူၤအဂ့ၢ်န့ၣ်လီၤႉ ပာ်ဖျါ၀ဲ ပှၤသးစၢ်တဂၤဖီၣ်ဃး လံာ်စီဆှံ ဒီးတဲဘၣ်အသကိး လၢကွဲၤဒီနၢ်အပူၤလၢ‚ ‘‘ယဆိမိၣ်လၢ ယမၤခီၣ်ခါအဆိကတၢၢ်တကါ လၢယကဃ့ၣ်လီၤကွံာ် တၢ်လီၤကမၢကမၣ် လၢလံာ်စီဆှံအလီၤလံၤတက့တူၢ် အပူၤလံ န့ၣ်လီၤႉ ယစးထီၣ် ဖးအီၤလံ’’ (လၢလံာ် Tနနည-ဗါနမ ၢ်ျ ့ ျသအ ၠ ီငျနၠျန အပူၤ)
ထါစံးထီၣ်ပ့တၢၤ ၁၁၉ ဒုးပုာ်ထီၣ်ယွၤလီၤ ပှၤကွဲး ထါအတၢ်သူၣ်၀ံၤသးစ့ၤ ဒ်သိးကနၢ်ပၢၢ်ဒီး ထံၣ်ဘၣ် ယွၤအကလုၢ်ကထါအစိကမီၤ ကိးမုၢ်နံၤအဂ့ၢ်န့ၣ်လီၤႉ ‘‘ယအဲၣ်ဒိးနတၢ်သိၣ်တၢ်သီန့ၣ်ဆံးဒိၣ်လဲၣ်ႉ ယဆိကမိၣ် တၢ်လၢအဂ့ၢ်အကျိၤသ့သ့တနံၤလီၤႉ’’ (း၉၇) ႉ တၢ်သးဆူၣ် လူၤထွဲအံၤ ဒုးဒိၣ်ထီၣ် တၢ်ကူၣ်သ့‚ တၢ်သ့ၣ်ညါ ဒီး တၢ်ဒိကနၣ်ယွၤန့ၣ်လီၤ (း၉၈-၁၀၀) ႉ
လံာ်စီဆှံတအိၣ်ဒီးတၢ်စိကမီၤ လၢကမၤကဒါ ပှၤအမဲာ်လၢ ‘‘ကဃ့ၣ်လီၤကွံာ် တၢ်လီၤကမၢကမၣ်တဖၣ်’’ လၢအလံာ်ကဘျံးတဖၣ်အပူၤဘၣ်ႉ အကျဲမ့ၢ်၀ဲအါဒိၣ်န့ၢ် တၢ်ဘၣ်ဃးဒီးသး ဒီးလိၣ်၀ဲတၢ်ဟ့ၣ်ဆၢက့ၤတၢ် လၢပဖးဘၣ်န့ၣ်လီၤႉ ဖဲလံာ်စီဆှံအဆၢတနီၤ ပနၢ်ပၢၢ်ကကီအခါ‚ ယဖိးဃးတၢ်မ့ၢ်တၢ်တီ လၢပနၢ်ပၢၢ်ဆှံဆှံတဖၣ် သ့ဒီးတဲဘၣ်ကစၢ်ယွၤလၢ‚ ‘‘လၢယလ့ၣ်ကွၢ်တၢ်န့ၣ် နကလုၢ်ကထါဆၢဆံးဒိၣ်လဲၣ်ႉ ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤႉ ယနူၤပၢၢ်နၢ်ပၢၢ်တၢ် လၢနတၢ်မၤလိာ်တဖၣ် အဃိလီၤႉ မၤသးဒ်န့ၣ်ဒီး ယသးဟ့ တၢ်ကတိၤကဘျံးကဘျၣ်အကျဲခဲလၢာ်လီၤႉ’’ (း၁၀၃-၁၀၄) ႉ
တၢ်ဃုထံၣ်သ့ၣ်ညါ တၢ်လဲၤကျဲလၢအလီၤကမၢကမၣ် ခိးပှၤ လၢကစၢ်ယွၤ အကလုၢ်ကထါ အပူၤန့ၣ်လီၤႉ