လၢ ၁၉၆၀ နံၣ်တဖၣ်န့ၣ်‚ ပှၤသး၀ံၣ်တၢ်တဖုလၢအမ့ၢ် ‘‘အ့န ုငညါျအသည Tမငသ ’’ ထုးထီၣ် တၢ်သး၀ံၣ် လၢအမ့ၢ် ‘‘ီနျနမအ ာ်နအန’’ တၢ်သး၀ံၣ်အံၤ တဲ၀ဲဘၣ်ဃး ဃသတဘသပ ဖိတဂၤ လၢအသၣ်၀ံၤထံ ဖဲအလဲၤခီဂာ်မဲးမုၢ်ခိၣ်ဒီး ထံၣ်န့ၢ် စဲးထုးထီၣ်ထံတခါန့ၣ်လီၤႉ လၢစဲး အကပၤန့ၣ် ပှၤပာ်တီၢ်လံာ် လၢအတဲဘၣ်ပှၤဖးတၢ်ဖိ တဘၣ်အိထံလၢအအိၣ်လၢပလီ လၢပှၤပာ်လီၤတဲာ်ဖဲန့ၣ်တဂ့ၤ‚ ဘၣ်ဆၣ် ဒ်သိးကသူထံ လၢပလီပူၤလၢ ကမၤဂ့ၤထီၣ်စဲးထုးထီၣ်ထံအဂီၢ်န့ၣ်လီၤႉ
ပှၤပိာ်ခွါဖိအံၤ ့တီဆၢတၢ်လ့ပစီ လၢကအိထံ ဒီးသူ၀ဲဒ်လံာ်နဲၣ်အီၤအသိးန့ၣ်လီၤႉ အတၢ်ဒိကနၣ်အဂီၢ် ခိၣ်ဖးမ့ၢ်၀ဲ အ၀ဲဒိးန့ၢ်ဘၣ် ထံလၢအခုၣ်ဒီး တံၤသူၣ်တံၤသး အါအါဂီၢ်ဂီၢ်န့ၣ်လီၤႉ အ၀ဲမ့ၢ်တမၤဒ် တၢ်နာ်အသိးဘၣ်ဒီး ကဒိးန့ၢ်ဒၣ်ထံ လၢအအိၣ် လၢပလီပူၤလၢအကိၢ် ဒီး တတံၤသူၣ်တံၤသးဧိၤန့ၣ်လီၤႉ
တၢ်အံၤဒုးသ့ၣ်နီၣ်ထီၣ်က့ၤယၤ ပှၤအံၣ်စရၠာစး့လးဖိ တဖၣ် အတၢ်လဲၤခီဖျိ ပှၢ်မုၢ်ကနၢန့ၣ်လီၤႉ ဖဲအ၀ဲသ့ၣ် သူၣ်၀ံၤသၣ်စ့ၤထံတလၢလုၢ်ကွံာ်အခါ (၂မိၤ ၁၇း၁-၇) ‚ စီၤမိၤဒီးဃုကစၢ်ယွၤန့ၣ်လီၤႉ ကစၢ်ယွၤမၢအီၤလၢ ကတီၢ် လၢၢ်အဖီခိၣ်လၢဃိၤရၠာစး့း လၢနီၣ်ထိးဘိန့ၣ်လီၤႉ စီၤမိၤဒီးနာ်ဒီး ဒိကနၣ်အဃိဒီး ထံဟဲထီၣ်လၢ လၢၢ်ပူၤန့ၣ်လီၤႉ
တၢ်လီၤသးအုးမ့ၢ်၀ဲ ပှၤအံၣ်စရၠာစး့လးဖိတဖၣ် တလူၤပိာ်စီၤမိၤဒီးအတၢ်နာ်အဒိ အတဲာ်လီၤတံၢ်လီၤဆဲးဘၣ်န့ၣ်လီၤႉ လၢခံကတၢၢ်န့ၣ်‚ ‘‘အဂ့ၢ်ဒ်အံၤ‚ တၢ်စံၣ်တဲၤတဲလီၤ ပ၀ဲဒၣ်အံၤစ့ၢ်ကီးလၢ တၢ်သးခုကစီၣ်‚ ဒ်အ၀ဲသ့ၣ်အသိးလီၤႉ မ့မ့ၢ်တၢ်ကတိၤလၢ အနၢ်ဟူန့ၣ်‚ တမၤဘျုးဘၣ်အီၤဘၣ်ႉ အဂ့ၢ်ဒ်အံၤ တဃါဃုာ်ဘၣ်ဒီးတၢ်နာ် လၢပှၤလၢ အနၢ်ဟူန့ၣ်လီၤႉ’’ (ဧ့ၤ့ဘံၤ ၄း၂) ႉ
တဘျီဘျီ တၢ်အိၣ်မူန့ၣ်လီၤဂာ်ဒီး မဲးမုၢ်ခိၣ်လၢအဃ့စိၢ်ဃ့ထီန့ၣ်လီၤႉ ဘၣ်ဆၣ် ကစၢ်ယွၤမၤဟါမၢ် ပသူၣ်ပသးအတၢ်သူအသး လၢကျိၤကျဲလၢ အလီၤဆီသ့၀ဲန့ၣ်လီၤႉ ဖဲတၢ်စူၢ်တၢ်နာ်အပူၤ ပနာ်ကစၢ်အကလုၢ်ကထါ အတၢ်အၢၣ်လီၤအီလီၤသ့အခါ‚ ပသ့ၣ်ညါထံၣ်ဘၣ် ထံမူကျိဒီး တၢ်ဘျုးတၢ်ဖှိၣ်လၢပဂီၢ် လၢကိးမုၢ်နံၤပတၢ်လိၣ်တဖၣ် အပူၤသ့၀ဲန့ၣ်လီၤႉ