ဖဲယသကိးတဂၤ ကွၢ်ထွဲအမံၤပှၢ်ပိာ်မုၣ်လၢ အိၣ်သကိးဒီးအီၤအခါ‚ အ၀ဲသံကွၢ်အမံၤပှၢ် လၢနလိၣ်ဘၣ်အဒိၣ်ကတၢၢ်မ့ၢ်မနုၤလဲၣ်န့ၣ်လီၤႉ အမံၤပှၢ်ပိၣ်မုာ်စံး၀ဲ‚ ‘‘လၢပှၤကသ့န့ၣ် ယခီၣ်’’ န့ၣ်လီၤႉ ယသကိးအၢၣ်လီၤ၀ဲလၢ‚ ‘‘ယသးဟ့ တၢ်မၤအံၤ ထဲလဲၣ်ႉ တဘျီလၢ်လၢ် လၢအ၀ဲမၢယမၤတၢ်မၤအံၤန့ၣ် ယသူၣ်ဒိၣ်သးဖျိး ဒီး ယဃ့ကစၢ်ယွၤ လၢကမၤတဒၢကွံာ် တၢ်လၢယပာ်ယသး တဖၣ် လၢယမံၤပှၢ်အဂီၢ်’’န့ၣ်လီၤႉ
ဘၣ်ဆၣ် ဘၣ်တသီန့ၣ် အတၢ်ကဒူးကဒ့ၣ်တဖၣ် ဆီတလဲကွံာ်အသးဒ် လီ၀ၢ်ဒံးန့ၣ်လီၤႉ ဖဲအ၀ဲစိာ်ထီၣ်သလၢ ဒီးတၢ်ကံးညာ် ဒီးတီၤလီၤ လၢအမံၤပှၢ်ပိာ်မုၣ် အခီၣ်ထံး အခါ‚ အ၀ဲစံး၀ဲ‚ ‘‘ယကွၢ်ထီၣ် ဒီး တကီၢ်ခါယပလၢၢ်ဘၣ် လၢမၤအသး ဒ်ယသ့စီ ကစၢ်ခရၠာစးံာ် အနီၢ်ကစၢ်အခီၣ် န့ၣ်လီၤႉ အ၀ဲမ့ၢ် ကစၢ်ယ့ၣ်။း လၢအပျိာ်လဲလိာ်အသးတဂၤ န့ၣ်လီၤ’’ႉ လၢခံဒီး အ၀ဲပာ်ဒိၣ်ပာ်ထီအသး လၢအသ့စီဘၣ် အမံၤပှၢ်အခီၣ်န့ၣ်လီၤႉ
ဖဲယနၢ်ဟူဘၣ်တၢ်ဂ့ၢ် လၢအမၤဟူး၀းပသးအခါ‚ ယဆိမိၣ်ထီၣ် ကစၢ်ခရၠာစးံာ် အတၢ်စံးကတိၤလၢ အကတီၢ်လၢခံကတၢၢ် ဖဲအ၀ဲသိၣ်လိတၢ် ဖဲကစၢၢ်သ့ၣ်စၤယံး တၢ်လီၤဘံအလီၢ်န့ၣ်လီၤႉ စီၤပၤဖးဒိၣ်တူၢ်လိာ်မုာ် အဖိမုၣ်‚ ဖိခွါတဖၣ် လၢအဘီမုၢ်ပူၤ ဖဲလၢအ၀ဲသ့ၣ်လဲၤအိၣ်သကိး ပှၤဆူးပှၤဆါ မ့တမ့ၢ် ဒုးအီၣ်အီ ပှၤသၣ်၀ံၤလီၤဒိတဖၣ် အဃိန့ၣ်လီၤႉ ‘‘မ့ၢ်သုမၤပှၤအဆံးကတၢၢ်တဂၤ လၢယဒီပုၢ်၀ဲၢ်အကျါအံၤဒီး‚ မ့ၢ်သုမၤယၤလီၤ’’ (မးသဲ ၂၅း၄၀) ႉ ပ၀ဲသနာ်က့ ပမၤ ကစၢ်ခရၠာစးံာ်အနီၢ်ကစၢ် အတၢ်ခ့တၢ်ပှၤ အတၢ်မၤဖဲလၢ ပလဲၤအိၣ်သကိးပှၤအိၣ်လၢ ဃိာ်ပူၤ မ့တမ့ၢ်ဟ့ၣ်ခီဟ့ၣ်နီၤတၢ်ကူတၢ်သိးဆူပှၤလၢ အလိၣ်တဖၣ်အအိၣ်အခါန့ၣ်လီၤႉ
မုၢ်တနံၤအံၤ‚ နမၤဒ် ယသကိးတဂၤအသိး ဖဲလၢအထံၣ်လိာ်သးဒီးပှၤအသီတဂၤဂၤလၢ်လၢ်န့ၣ် အ၀ဲအဲၣ်ဒိးသ့ၣ်ညါလၢ ‘‘မ့ၢ်ကစၢ်ယ့ၣ်။းလၢအပိျာ်လဲလိာ်အသးဧါ’’ သ့စ့ၢ်ကီးန့ၣ်လီၤႉ