တၢ်အိၣ်ဖှိၣ်လၢယဘၣ်ယသးအဒိၣ်ကတၢၢ်အကျါတဖှိၣ် စးထီၣ်သူၣ်ထီၣ်အသးလၢ အပူၤကွံာ်အနံၣ်တဖၣ်‚ ဒ်အမ့ၢ်တၢ်သးခုကစီၣ်အတၢ်မၤလၢ ပှၤဟးထီၣ်လၢဃိာ်ပူၤ တဖၣ် လၢကဟဲကဒါက့ၤဆူပှၤကူပှၤကညီကျါတဖၣ် အအိၣ်အဂီၢ်န့ၣ်လီၤႉ အခဲအံၤ တၢ်အိၣ်ဖှိၣ်အံၤ အိၣ်ပှဲၤဒီးပှၤအါဂၤ လၢအိၣ်မူလၢတၢ်အိၣ်မူကျဲအါဘိအပူၤန့ၣ်လီၤႉ ယဘၣ်ယသး လၢတၢ်အိၣ်ဖှိၣ်အံၤ မ့ၢ်လၢဒုးသ့ၣ်နီၣ်ထီၣ် ယၤ တၢ်လၢယထံၣ်မှံ ဘၣ်ဃး မူခိၣ်ဘီမုၢ်ကအိၣ်ဒ်လဲၣ်‚ လၢအိၣ်ပှဲၤဒီးပှၤကလုာ်တလီၤဂာ်လိာ်သးတဖၣ်‚ ပှၤတၢ် ဒဲးဘးဖိ လၢဘၣ်တၢ်အုၣ်က့ၤခီၣ်က့ၤအီၤတဖၣ် ပာ်ဖှိၣ် အသး ဒ်သိးသိးလၢ ကစၢ်ယ့ၣ်။းခရၠာစးံာ်အတၢ်အဲၣ်အပူၤ န့ၣ်လီၤႉ
ဘၣ်ဆၣ် တဘျီဘျီ ယအဲၣ်ဒိးသ့ၣ်ညါ တၢ်အိၣ်ဖှိၣ် မ့ၢ်လီၤဂာ် လၢကရၠာစးၢတဖုလၢအ့တီပှၤဂၤန့ၣ်ဒီး တၢ်လီၢ်တဒီ တဒၢတခါ လၢပှၤတၢ်ဒဲးဘးဖိ လၢဘၣ်တၢ်ပျၢ်ကွံာ်တဖၣ်အဂီၢ် ဘၣ်ကအိၣ်လံဧါ န့ၣ်လီၤႉ ဒ်ပှၤကညီတဖၣ် ညီနုၢ်ကရၠာစးၢလိာ်အသး လၢအလီၤဂာ်လိာ်အသးတဖၣ် ဒီး အိၣ်သကိးလိာ်အသး လၢပှၤလၢအိၣ်ဘၣ်လိာ်ဘၣ်စးလိာ်အသးအဃိ ကဲထီၣ် ကွၢ်ကပာ်ကွံာ်ပှၤဂၤသ့န့ၣ်လီၤႉ ဘၣ်ဆၣ် တၢ်အံၤ တမ့ၢ်တၢ်တမံၤလၢ အအိၣ်လၢ ကစၢ်ယ့ၣ်။းအသးပူၤ ဖဲအတဲအပျဲၢ်အဘီၣ်တဖၣ် လၢ‚ ‘‘အဲၣ်လိာ်ကွံလိာ်သုသး သကိးသကိး‚ ဒ်ယအဲၣ်သုအသိးန့ၣ်လီၤ’’ (ယိၤ ၁၅း၁၂) ႉ ခရၠာစးံာ်အတၢ်အိၣ်ဖှိၣ်ကဘၣ်မၤ လဲၢ်ထီၣ်အတၢ်အဲၣ် ဒီးဟ့ၣ်ခီဟ့ၣ်နီၤ ပှၤကိးဂၤန့ၣ်လီၤႉ
ပှၤလၢအသးဘၣ်ဒိဒီး တဘၣ်တၢ်တူၢ်လိာ်အီၤတဖၣ်မ့ၢ် ဃုန့ၢ် တၢ်အဲၣ်‚ တၢ်ပူၤဖျဲး‚ တၢ်မၤမုာ်အသး ဒီးတၢ်ပျၢ်တၢ်ကမၣ် လၢကစၢ်ခရၠာစးံာ်အပူၤန့ၣ် အ၀ဲသ့ၣ် မုၢ်လၢ်၀ဲ လၢတၢ်အိၣ်ဖှိၣ် ကဘၣ်သ့န့ၣ်လီၤႉ အဃိ မ်ပကပာ်ဖျါထီၣ် ကစၢ်ယ့ၣ်။းအတၢ်အဲၣ် ဆူပှၤကိးဂၤ လၢပဘၣ်သဂၢၢ်‚ လီၤဆီဒၣ်တၢ် ပှၤလၢ တလီၤဂာ်ဒီးပှၤတဖၣ်အအိၣ်န့ၣ်တက့ၢ်ႉ ပှၤလၢပကပိာ်ကပၤတဖၣ် မ့ၢ်ပှၤတဖၣ် လၢကစၢ်ခရၠာစးံာ်သးအိၣ်အဲၣ် ခီဖျိပ၀ဲတဖၣ်န့ၣ်လီၤႉ ကမ့ၢ်၀ဲတၢ်သးခု ဖဲလၢပှၤဂီၢ်မုၢ် တဖၣ် ပာ်ဖှိၣ်သကိးအသး လၢတၢ်အဲၣ်ဒီးဘူၣ်ထီၣ်ဘါထီၣ်ယွၤ ဒ်သိးမူခိၣ်အလီၢ်ဖိ တတီၤ လၢပဆၢမုၢ်လၢ်သးခုဘၣ် လၢဟီၣ်ခိၣ်အသိးန့ၣ်လီၤႉ