ဖဲယအီၣ်မုၢ်ဆါတၢ်အီၣ် လၢ ယပုၢ်ဒီး အဖိသ့ၣ်တဖၣ်တချုး၀ံၤနှၣ်‚ ယပုၢ်စံးဘၣ်အဖိမုၣ်ဖိ အနံၤကၤ‚ လၢအသးအိၣ်သၢနံၣ်တဂၤ ‘‘တၢ်ဆၢကတီၢ် လၢကဘၣ်မံ တဘျးဖိ’’ / ဖဲနှၣ် အနံၤကၤ ပှဲၤ၀ဲဒၣ်ဒီးမဲာ်ထံ စံး၀ဲ ‘‘မုၢ်ဂၢ် မီၣ်နံကၤ တစိာ်ယၤလၢ တနံၤညါအဂီၢ်ဒံးဘၣ်’’ လီၤႉ ယပုၢ်နံၤကမှံ ဒီးသံကွၢ်က့ၤအီၤ ‘‘နမုၢ်ဂၢ် ကဘၣ်စိာ်နၤထဲလဲၣ်ႉႉႉ’’ ဒီးအ၀ဲစံးဆၢ၀ဲဒၣ်လၢ ‘‘ယဲၢ်မံးနံး /’’
ဖဲယစိာ်ယဖိဒိၣ်မုၣ်ဆံးဖိအခါ ယသးခုဒိၣ်မး လၢ အ၀ဲဒုးသ့ၣ်ညါယၤ လၢအအိၣ်ဒီး တၢ်ဆိကမိၣ် လီၤလီၤဆီဆီ လၢတၢ်အဲၣ်ပှၤဂၤ ဒီး တၢ်အဲၣ်ဘၣ်ယၤအဂ့ၢ် / လၢပသးသမူတၢ်လဲၤ တၢ်စူၢ်တၢ်နာ်အပူၤ တဘျီဘျီ ပသးပ့ၤနီၣ် ယွၤအတၢ်အဲၣ်တၢ်ကွံအဒီၣ်တူာ်‚ ဒီးအထီ‚ ဒီးအလီၤဆၢၣ်‚ ဒီးအထီၣ်ထီန့ၣ်လီၤ (အ့း ၃း၁၈) ႉ ဖဲပသးပ့ၤနီၣ် တၢ်အံၤအခါ ပကဘၣ်သ့ၣ်နီၣ်ထီၣ်က့ၤ ဖိ၀ဲၢ်ကိတဂၤအဂ့ၢ် လၢဖိသဒါလၢအဟါမၢ်တၢ်တဲအပူၤ‚ (လူၤ ၁၅း၂၅-၃၂) လၢအဂုာ်ကျဲးစၢး၀ဲ‚ ဒ်သိး ကမၤန့ၢ် ယွၤအတၢ်အဲၣ် ဒီးတၢ်ဘၣ်သူၣ်ဘၣ်သး ဒီး ဟးဆှဲးတ့ၢ်လၢ တၢ်အဲၣ်အလၢအပှဲၤ ဃုာ်ဒီး တၢ်အါမံၤ လၢယွၤဟ့ၣ်တ့ၢ်အီၤသ့ၣ်တဖၣ်န့ၣ်လီၤႉ
စံးထီၣ်ပ့တၢၤ ၁၃၁ မ့ၢ်တၢ်ထုကဖၣ်တယုၢ် လၢပဂီၢ် ဒ်သိးပကပာ်ကတီၢ် ပတၢ်ကျဲးစၢးဒုးတၢ်ဒုး လၢပတသ့ၣ်ညါနၢ်ပၢၢ်နှၣ် ပကဟ့ၣ်လီၤ ဆူယွၤအအိၣ် (၁၃၁း၁) ဒီး ဒုးကဲထီၣ်ပှၤ ဒ်ဖိသၣ်ဆံးဖိ အသိး (မး ၁၈း၃) န့ၣ်လီၤႉ ဒီး ခီဖျိ ပဟံးန့ၢ် တၢ်ဆၢကတီၢ်ဒီးကစၢ်ယွၤန့ၣ်ဒီး ပက့ၤကဒါက့ၤဆူ တၢ်လီၢ်လၢအမုာ် (း၂) ‚ ပဃုထံၣ်န့ၢ် တၢ်မုၢ်လၢ်လၢပလိၣ်ဘၣ် (း၃) ‚ အိၣ်မုာ်အိၣ်ခုၣ် ဒ်ဖိသၣ်ဆံးဖိ အိၣ်လၢအမိၢ်အစုပူၤ တဂၤအသိး ခီဖျိယွၤအတၢ်အဲၣ်နှၣ်တက့ၢ်ႉ