မး သ့ၣ်နီၣ်ထီၣ်က့ၤ၀ဲဒၣ် လၢအ၀ဲအဖိသၣ်အခါ ဖဲအပၢ်ကိးဖှိၣ် အဟံၣ်ဖိဃီဖိ တဘျီအခါန့ၣ်လီၤႉ အ၀ဲသ့ၣ်အသိလ့ၣ်ဟးဂီၤ ဒီးအဟံၣ်ဖိဃီဖိ ဘၣ်ဂဲၤပျူၢ် လၢကျိာ်ဧိၤစ့ဧိၤ လၢလါအကတၢၢ်န့ၣ်လီၤႉ မး န့ၣ် ဃ့ဘါထုကဖၣ်တၢ်ဒီး မၢ၀ဲ အဟံၣ်ဖိဃီဖိတဖၣ် လၢကမုၢ်လၢ်တၢ်လၢယွၤအအိၣ်န့ၣ်လီၤႉ
တနံၤအံၤ မး သ့ၣ်နီၣ်ထီၣ်က့ၤ၀ဲ လၢယွၤ အတၢ်မၤလီၤလး ဟဲအိၣ်ထီၣ်၀ဲဒၣ် လၢကျဲလၢအလီၤ ကမၢကမၣ်န့ၣ်လီၤႉ အတံၤသကိးတဂၤ ဘှီဂ့ၤထီၣ်န့ၢ် အ၀ဲ သိလ့ၣ်‚ တၢ်လၢအလိၣ်ဘၣ်ဒိးန့ၢ်၀ဲ‚ ဒီးတၢ်အီၣ်တၢ်အီ ဟဲတုၤ၀ဲ လၢအပဲBတီခီၣ်ထံးန့ၣ်လီၤႉ တၢ်စံးထီၣ်ပ့တၢၤ ယွၤဟဲအိၣ်ထီၣ်၀ဲဒၣ် ညီကဒၣ်န့ၣ်လီၤႉ ဟံၣ်ဖိဃီဖိ အတၢ်စံးဘျုးယွၤအံၤ အိၣ်ထီဒၣ်၀ဲ ဖဲအထံၣ်ဘၣ်တၢ်နးတၢ်ဖှီၣ်အံၤန့ၣ်လီၤႉ
ထါစံးထီၣ်ပ့တၢၤ ၅၇ အံၤ မ့ၢ်ထါစံးထီၣ်ပ့တၢၤတယူၢ် လၢအဟ့ၣ်ဂံၢ်ဟ့ၣ်ဘါပှၤ ဒ်သိးပကစံးထီၣ်ပ့တၢၤယွၤ လၢတၢ်သူၣ်ဟူးသဂဲၤန့ၣ်လီၤႉ ဖဲစီၤဒၤ၀ံး ပာ်ဖျါထီၣ် ‘‘မ်နဘၣ်တၢ်ပာ်ထီၣ်ထီနၤလၢမူခိၣ်ႉႉတက့ၢ်’’ (း၁၁) အခါ ပဆိကမိၣ်သ့ အ၀ဲကွၢ်စူၢ်တၢ် လၢအမုၢ်နၤမူကပိာ်လိာ်အတၢ်ဃံတၢ်လၤ‚ မ့တမ့ၢ် အ၀ဲသ့ၣ် သး၀ံၣ်တၢ် ဖဲဒဲစီဆှံအတၢ်ဘါအကတီၢ်န့ၣ်လီၤႉ ဘၣ်ဆၣ် လၢတၢ်နီၢ်နီၢ်န့ၣ် စီၤဒၤ၀ံးအိၣ်ခူသူၣ်၀ဲ လၢလၢၢ်ကအိအပူၤ အိၣ်ပှဲၤဒီးတၢ်သူၣ်ပျံၤသးဖုးအပူၤန့ၣ်လီၤႉ
လၢထါစံးထီၣ်ပ့တၢၤအပူၤ စီၤဒၤ၀ံးစံး၀ဲ‚ ‘‘ယသးအိၣ် လၢခ့ယုၢ်အကျါ န့ၣ်လီၤ’’ႉ ပှၤလၢအသၣ်၀ံၤတၢ်အၢတၢ်သီတဖၣ်န့ၣ် မ့ၢ်၀ဲ‚ ‘‘ပှၤကညီအကျါ လၢအမၤ အသး ဒ်မ့ၣ်အူလၣ်အသိး‚ အမဲမ့ၢ်ဘီ ဒီးပျၢ်‚ ဒီးအပ@ၤမ့ၢ်နး လၢအကနၣ်အ့ၣ် ၀ဲလီၤ’’ (း၄) ႉ စီၤဒၤ၀ံး အတၢ်စံးထီၣ်ပ့တၢၤယွၤ အိၣ်ထီၣ်၀ဲဒၣ် လၢတၢ်နးတၢ်ဖှီၣ် အပူၤလီၤႉ မ့ၢ်ဘၣ်သဂၢၢ်ဒီး ဒုၣ်ဒါလၢအအဲၣ်ဒိးမၤသံအီၤ ဘၣ်ဆၣ် စီၤဒၤ၀ံး ကွဲးတၢ်ကွဲး လၢအလီၤကမၢကမၣ် ဒ်အမ့ၢ်‚ ‘‘ယသးအိၣ်ဂၢၢ်ဆိးကျၢၤ‚ ကစၢ်ဧၢ‚ ယသးအိၣ်ဂၢၢ်ဆိးကျၢၤလီၤႉႉႉ ယကအုၣ်တၢ်‚ ဒီးသး၀ံၣ်ထီၣ်တၢ်လီၤ’’ (း၇) ႉ
မုၢ်မဆါတနံၤအံၤ တၢ်နးတၢ်ဖှီၣ်တမံၤမံၤ လၢပကထံၣ် ဒီးကွၢ်ဆၢၣ်မဲာ်အီၤ မ့ၢ်အိၣ်န့ၣ် ပဃ့ၢ်ဆူယွၤအအိၣ် လၢကမၤစၢၤပှၤအဂီၢ်သ့၀ဲလီၤႉ အန့ၣ်သတးဒီး ဒ်ပမုၢ်လၢ်အိၣ်ခိးပာ်စၢၤအသိး ပကစံးဘျုးက့ၤကစၢ်ယွၤ‚ ဒီးပကအိၣ် ဒီးတၢ်နာ်န့ၢ် လီၤသး ခီဖျိယွၤလၢအကဟုးကယာ်ပှၤအပူၤန့ၣ်လီၤႉ