ပနၢ်ဟူဘၣ်တၢ်ကစီၣ် လၢအမုာ်၀ဲ လၢပှၤလၢအအဲၣ်သု ဒီးထုကဖၣ် တၢ်လၢသုဂီၢ် အိၣ်၀ဲဒၣ် စှၤဂၤန့ၣ်လီၤႉ ဖဲလၢ နနၢ်ဟူနတံၤသကိး လၢအထုကဖၣ်တၢ် လၢနဂီၢ် လၢတၢ်သးအိၣ်န့ၣ်ဒီး ယွၤဒိကနၣ်ဒီးဟ့ၣ်လီၤနၤ တၢ်ဆိၣ်ဂ့ၤန့ၣ်‚ မၤသးဒ်မူခိၣ် ထိးဘၣ်ဟီၣ်ခိၣ်အသိးန့ၣ်လီၤႉ
ပနၢ်ဟူဘၣ် လၢခီဖျိကစၢ်ယွၤအတၢ်အဲၣ်ဒီး တၢ်သးကညီၤအဃိ ပတၢ်ထုကဖၣ် ထိးဘၣ်မူခိၣ်န့ၣ် ဂ့ၤဆံးဒိၣ်လဲၣ် န့ၣ်လီၤႉ တဘျီဘျီန့ၣ် ပဘါထုကဖၣ်တၢ်န့ၣ် ပဘၣ်ဂဲၤပျူၢ် ဒီးပတၢ်ထုကဖၣ်အဖျၢၣ်တဖၣ် ဒီးဆိကမိၣ် လၢပတၢ်ကတိၤအံၤ တလၢတပှဲၤဘၣ်န့ၣ်လီၤႉ ဘၣ်ဆၣ် ဒီးယ့ၣ်။းသိၣ်လိ အပျဲၢ်အဘီၣ်တဖၣ် လၢ‘‘ကဘါထုကဖၣ် တၢ်တဘိယူၢ်ဃီ‚ ဒီးသုတလီၤဘှါတဂ့ၤဒီး’’ (လူၤကၣ် ၁၈း၁) န့ၣ်လီၤႉ ယွၤကလုၢ်ကထါ ဒုးနဲၣ်ပှၤလၢတၢ်ဂ့ၢ်လၢ ပမၤအီၤသ့၀ဲန့ၢ် မ့ၢ်လၢ ကစၢ်ယ့ၣ်။း‚ ‘‘ဆ့ၣ်နီၤ၀ဲ လၢအစုထွဲ‚ ဒီးဃ့တၢ်လၢပဂီၢ်လီၤ’’ (ရၠာစးိမ့ၤ ၈း၃၄) အဃိန့ၣ်လီၤႉ
ပတဃ့ဘါထုကဖၣ်ဘၣ် ထဲတဂၤဧိၤန့ၣ်ဘၣ်ႉ အဂ့ၢ်ဒ်အံၤ‚ ကစၢ်ယ့ၣ်။း ဃ့တၢ်လၢပဂီၢ်န့ၣ်လီၤႉ အ၀ဲနၢ်ဟူပှၤ ဒ်ပဃ့တၢ်အသိး ဒီးကတိၤတၢ်ဆူပၢ်ကစၢ် အအိၣ် လၢပဂီၢ်န့ၣ်လီၤႉ ပတဘၣ် ဘၣ်ယိာ်ဘၣ်ဘီ တၢ်လၢပတၢ်ကတိၤတဖၣ် ပှၤကနၣ်မုာ်တမုာ်‚ ပတၢ်ကတိၤသ့အဂီၢ်ဘၣ်န့ၣ်လီၤႉ ဘၣ်မနုၤအဃိလဲၣ်န့ၣ်‚ ပှၤလၢအနၢ်ပၢၢ်ပှၤ ဒ်သိးကစၢ်ယ့ၣ်။း တအိၣ်ဘၣ်၀ဲနီတဂၤဘၣ်န့ၣ်လီၤႉ အ၀ဲမၤစၢၤ ပှၤ လၢပတၢ်ကိးမံၤဒဲး‚ ဒီးဒုးနဲၣ်ဖျါထီၣ် ပတၢ်လိၣ်တဖၣ်ဆူကစၢ်ယွၤအအိၣ်န့ၣ်လီၤႉ အ၀ဲဒၣ် သ့ၣ်ညါစ့ၢ်ကီး၀ဲ လၢတဘျီဘျီပအဲၣ်ဒိး တၢ်စံးဆၢတဖၣ်န့ၣ် တဂ့ၤဘၣ် လၢပဂီၢ် န့ၣ်ဘၣ်ႉ ဒီးအ၀ဲဒၣ်ကျဲၤတၢ်လၢပဂီၢ် တၢ်လၢပဃ့အီၤ ခီဖျိအ၀ဲအတၢ်ကူၣ်သ့လၢပှဲၤဒီးအတၢ်အဲၣ်ပှၤန့ၣ်လီၤႉ
ကစၢ်ယ့ၣ်။း မ့ၢ်ပတၢ်ထုကဖၣ်တံၤသကိးလၢအလၢပှဲၤ မ့ၢ်တံၤသကိး လၢအဃ့တၢ်လၢပဂီၢ် လၢတၢ်သးအိၣ်အဒိၣ်အယိာ် လၢပထိၣ်သBတီၤအီၤတဘၣ် တဂၤ န့ၣ်လီၤႉ အ၀ဲအတၢ်ထုကဖၣ် လၢပဂီၢ်န့ၣ် ဃံလၤ၀ဲဒိၣ်န့ၢ်ယိာ်န့ၢ် တၢ်ကတိၤအဖျၢၣ်တဖၣ်န့ၣ်လီၤႉ ဒီးဟ့ၣ်ဂံၢ်ဟ့ၣ်ဘါပှၤ ဒ်သိးပကဘါထုကဖၣ် တၢ် လၢတၢ်စံးဘျုးစံးဖှိၣ်န့ၣ်လီၤႉ