ဖိသၣ်ဆံးဖိ ခၠါလီးထံၣ်ဖိ အ၀ဲစးထီၣ်ကၠိအခီၣ်ထံးတသီန့ၣ် ဘၣ်တၢ်မၢအီၤ လၢကတ့ အဂီၤဒၣ်၀ဲန့ၣ်လီၤႉ အ၀ဲတ့၀ဲ အနီၢ်ကစၢ်က၀ီၤကျီၤဖိ‚ အခိၣ်ဖျၢၣ်ထီထီဖိ‚ ဒီးအမဲာ်ချံ က၀ီၤကျီၤဖိခံဖျၢၣ်န့ၣ်လီၤႉ တုၤလၢအ၀ဲထီၣ်၀ဲ တီၤဘျီကၠိအံၤအကတၢၢ်တသီန့ၣ် ခၠါလီး အ၀ဲတ့ကဒီးအဂီၤဒၣ်၀ဲန့ၣ်လီၤႉ အအံၤ ဒုးနဲၣ်၀ဲ ဖိသၣ်မုၣ်အံၤ အဆ့ကၤ အိၣ်ဒီး အလွဲၢ်ဖိတဖၣ်‚ အမဲာ် နံၤကမှံဖိ လၢအလီၤဆီလိာ်အသး‚ ဒီးခိၣ်သူဂီၤဂီၤ ဖဲလၢအသံၣ်ဃာ်၀ဲ လီၤဂာ်ဒ်ထံလီၤဆူ အသိးန့ၣ်လီၤႉ တီၤဖျိကၠိ အတၢ်ဟ့ၣ်လီၤ တၢ်မၤလိ ယိယိဖိ ဒ်သိးကဒုးနဲၣ်ဖျါထီၣ်၀ဲ အတၢ်လီၤဆီလိာ်သး လၢဖိသၣ်တဖၣ် အတၢ်ဒိၣ်တုာ်ခိၣ်ပှဲၤ အတၢ်အိၣ်ဖျါအဂီၢ် န့ၣ်လီၤႉ
ဖဲလၢပတူၢ်လိာ် ပဘၣ်ဟံးန့ၢ် တၢ်ဆၢကတီၢ် လၢဖိသၣ်တဖၣ်ကဒိၣ်တုာ်ခိၣ်ပှဲၤအဂီၢ်န့ၣ် ဒုးသ့ၣ်နီၣ်ထီၣ် ပှၤ လၢတၢ်သးတစူၤလီၤက့ၤပသး မ့တမ့ၢ် လူၤပိာ်ထွဲ ပပှၤစူၢ်က့ၤနာ်က့ၤတၢ် ဒိၣ်ထီၣ်ဃၢမး လၢသူၣ်လၢသး တဖၣ် အခံန့ၣ်လီၤႉ ပသူၣ်ဖှံသးညီ ဖဲလၢပထံၣ် ‘‘သးအတၤသၣ်’’ (ကလၤ ၅း၂၂-၂၃) န့ၣ် ပသးလီၤဘှံး၀ဲ လၢပလူၤပိာ်မၤထွဲ၀ဲ တၢ်ဒဲးဘးအခံအခါန့ၣ်လီၤႉ ပှၤကွံာ်လံာ်ဧ့ၤ့ဘံၤ စံး၀ဲဒၣ်ဒ်အံၤ ဖဲလၢအကွဲးလီၤ၀ဲလံာ်အံၤ ဆူတၢ်အိၣ်ဖှိၣ်န့ၣ် ‘‘အဂ့ၢ်ဒ်အံၤ‚ လၢအဆၢကတီၢ် ဖဲသုက့ၤကဲထီၣ်သရၠာစးၣ်တဖၣ်န့ၣ်ဒီး‚ ပှၤသိၣ်လိကဒီးသု လၢယွၤအကလုၢ်ကထါ မိၢ်ပှၢ်အခီၣ်ထံးန့ၣ်‚ အလီၢ်ခံအိၣ်‚ ဒီးသုကဲပှၤလၢအဂ့ၤန့ၢ် တၢ်နုၢ်ထံ‚ ဒီးတမ့ၢ်ဘၣ် တၢ်အီၣ်အသံးအကာ်ဘၣ်’’ (ဧ့ၤ့ဘံၤ ၅း၁၂) န့ၣ်လီၤႉ
ဒ်ပလူၤပိာ်ထွဲ ကစၢ်ယ့ၣ်။းအခံ လၢသူၣ်လၢသး လၢပနီၢ်ခိနီၢ်ကစၢ်ဒၣ်ပ၀ဲ တဖၣ်အသိးန့ၣ်‚ မ်ပဃ့ဘါထုကဖၣ်သကိးလိာ်ပသး လၢတဂၤဒီးတဂၤအဂီၢ် ဒ်ပမ့ၢ် ပှၤလၢအအဲၣ်ယွၤတဖၣ်အသိး‚ ဒီးပှၤလၢအဘၣ်ဂုာ်ကျဲးစၢးသပှၢ်ပှၢ် လၢနီၢ်သး အတၢ်ဒိၣ်ထီၣ်အဂီၢ်န့ၣ်လီၤႉ
‘‘အခိၣ်တလိာ် ပဟံးဃာ်တၢ်မ့ၢ်တၢ်တီ လၢတၢ်အဲၣ်တၢ်ကွံအပူၤသတးဒီး‚ ပကဒိၣ်ထီၣ်အါထီၣ် လၢတၢ်ခဲလၢာ်ဆူအ၀ဲဒၣ် လၢအမ့ၢ်တၢ်အခိၣ်အပူၤ‚ ဒ်ပစံးတၢ် အသိး‚ ခရၠာစးံာ်အပူၤလီၤ’’ (အ့း ၄း၁၅) ႉ