ကီး လီး (ဒ်) ဟိ၀ံၣ် မ့ၢ်ပၤရၠာစးဒံစူးအဆံးဖိတခါ (တၢ်လီၢ်လၢအဃံလၤဒိၣ်မး) လၢအအိၣ် လၢကီၢ်အီးစ့ထ့လယၢၣ်မုၢ်ထီၣ်ပီၣ်လဲၣ်ကၢၢ်နံၤ‚ လၢအအိၣ်၀ဲဒၣ် ဒီးမဲး၀ါဒီးထံအဆှံ တဖၣ်န့ၣ်လီၤႉ အပူၤကွံာ်စှၤနံၣ် ဖဲလၢယလဲၤဟးအခါ အတၢ်ဃံတၢ်လၤထုးန့ၢ်ယသး ဒိၣ်မးလီၤႉ တၢ်လီၢ်ဖဲအံၤ ပပှီၢ်ထံသကိးဒီးပီၣ်လဲၣ်ချံးဖိတဖၣ် ဒီးညၣ်ဖိလၢအကပီၤ စၢ်စၢ်ဖိ သ့၀ဲဒၣ်လီၤႉ ညၣ်တနီၢ် အတၢ်ကပီၤ ဒ်နံၣ်ယိၣ် အလွဲၢ်တဖၣ် ဆဲးဖျါ၀ဲ လီၤဂာ်ဒီးတၢ်ဘ့ၣ်ဘၣ် လၢပှၤပနံာ်ကၤ ဘိးဘၣ်တၢ် (–ဘဘုတ်) န့ၣ်လီၤႉ ပီၣ်လဲၣ်ကွံအခံဒးအပူၤ ပထံၣ်န့ၢ် လၢၢ်ဖီတူၢ်ရၠာစးဲၢ်သးတဖၣ် ဒီးစူၣ်၀ံၣ်သၣ်အလွဲၢ်ညၣ်ဖိ (နီမိုငါး) တဖၣ်‚ ဒီးအလွဲၢ်ဘီ တိၤပ@သး ညၣ်စီၤကပ့ၤဖိ တဖၣ်ဒၣ်လဲာ် ဟဲဘၣ်ထံးယစု န့ၣ်လီၤႉ ယထံၣ်ဘၣ် တၢ်လီၤဘီလီၤမုၢ် တၢ်ဃံတၢ်လၤ တဖၣ်အံၤ လုၢ်ဘၢယသးဒိၣ်မးအဃိ ယတဘူၣ်ထီၣ် ဘါထီၣ်ယွၤ ယအိၣ်တသ့ဘၣ်လီၤႉ
တၢ်မၢဖိစီၤပီလူး ဟ့ၣ်ပှၤတၢ်အဂ့ၢ်အခၢး ဘၣ်ဃးဒီး တၢ်ဘူၣ်ထီၣ်ဘါထီၣ်ယွၤန့ၣ်လီၤႉ တၢ်ဘၣ်တ့တဖၣ် လီၢ်ဖျါထီၣ်တၢ်ဘၣ်ဃးဒီး ယွၤအန့ဆၢၣ် အဂ့ၤကတၢၢ်လီၤ (ရၠာစးိ ၁း၂၀) ႉ တၢ်လီၤဆီလီၤလးတဖၣ် လၢယထံၣ်ဘၣ် လၢကီးလီး (ဒ်) ဟိ၀ံၣ်တဖၣ် အံၤ ဟ့ၣ်ယၤတၢ်ထံၣ်တဘျးဖိ ဘၣ်ဃးဒီး ယွၤအစိကမီၤ ဒီးအတၢ်ဃံတၢ်လၤန့ၣ်လီၤႉ
ဖဲ၀ံယဃ့းစက့လးထံၣ်ဘၣ် ကစၢ်ယွၤအခါန့ၣ် အ၀ဲဘၣ်တၢ်ဒုးထံၣ်အီၤ တၢ်အက့ၢ်အဂီၤ ကြပုၢ်ကြပီၤ ဆ့ၣ်နီၤလၢလီၢ်ပစိာ် အလွဲၢ်ဖျါမၤသးဒ်တၢ်မျၢ်နံၤလါ အသိး ႉႉႉ (ယဃ့း ၁း၂၅-၂၈) န့ၣ်လီၤႉ တၢ်မၢဖိစီၤယိၤဟၣ်စ့ၢ်ကီး ထံၣ်တၢ် ဒ်န့ၣ်အသိးလီၤႉ ယွၤအလၤကပီၤ ကြပုၢ်ကြပီၤ၀ဲ ဒ်လၢၢ်လုၢ်ဒိၣ်ပရၤဒိၣ်တဖၣ် ဒီးတၢၢ်ကွဲၤ အိၣ်၀းတရၠာစးံးလီၢ်ပစိာ် လၢလီၤဂာ်လၢတၢ်မျၢ်ဟ့မၠးလီၤ (ယိၤ ၄း၂-၃) ႉ ဖဲလၢကစၢ်ယွၤ လီၣ်ဖျါထီၣ်အသးအခါ အ၀ဲအိၣ်ဖျါဂ့ၤဒိၣ်မး‚ ဒီးစိကမီၤဒိၣ်နီၣ်မး တကးဒံးဘၣ် ဃံလၤဒိၣ်မးလီၤႉ ဒ်ဒွဲလၤအတၢ်မၤဖိတခါ ဒုးထံၣ်ဖျါက့ၤ ပှၤလၢအတ့မၤအီၤ တဂၤအသိးန့ၣ် တၢ်ဘၣ်တ့တဖၣ် ဒုးထံၣ်ဖျါဆၢက့ၤ ယွၤအတၢ်ဃံတၢ်လၤအံံၤလီၤႉ
တဘျီဘျီ န့ဆၢၣ်တၢ်ဘၣ်တ့တဖၣ် ဘၣ်တၢ်ဘူၣ်ထီၣ်ဘါထီၣ်အီၤ လၢယွၤ အလီၢ်လီၤ (ရၠာစးိ ၁း၂၅) ႉ မ့ၢ်တၢ်လီၤသးအုးထဲလဲၣ်ႉ နီၢ်နီၢ်တခီ ဟီၣ်ခိၣ်အထံ ဆှံဆှံ တဖၣ် ဒီးတၢ်ဘၣ်တ့ ကြပုၢ်ကပြီၤတဖၣ် ဒုးနဲၣ်ပှၤလၢကစၢ်ယွၤလၢအအိၣ်ဆၢထၢၣ် လၢတၢ်ဘၣ်တ့ ခဲလၢာ်အလီၢ်ခံ ဒီးမ့ၢ်စ့ၢ်ကီး ကစၢ်လၢစိကမီၤဒိၣ်န့ၢ်‚ ဃံလၤဒိၣ်န့ၢ် တၢ်အိၣ်လၢဟီၣ်ခိၣ်အံၤတမံၤလၢ်လၢ်န့ၣ်လီၤႉ