တၢ်ကိၢ်ခါ ဘူးကလၢာ်အဆၢကတီၢ်န့ၣ် ပလဲၤဟးလိာ်ကွဲဆူ ကီၢ်အဲကလံးသ့ၣ်ပှၢ် နယူ ဖီရၠာစးဲးစ် အပူၤ‚ ပဒဲးန့ၢ် ဘဲၣ်ရၠာစးံၣ်သူအသၣ်တဖၣ်လၢပှၢ်ပူၤ‚ ပကွၢ်ကသ့ၣ်တဖၣ် လိာ်ကွဲ‚ ဃ့ၢ်ဆူန့ၣ်ဆူအံၤ‚ မုာ်ပသးဒိၣ်မးလီၤႉ သ့ၣ်သူ၀ၣ်သၣ်လၢအဆၢမးတဖၣ် သၣ်ထီၣ် အါမး‚ ပအီၣ်ဘၣ်ဒီးပသးခုလီၤႉ ဘၣ်သ့ၣ်သ့ၣ် နံၣ်လၢအပူၤကွံာ်အါမး‚ ပှၤကသူၣ်တ့ၢ် တၢ်မုၢ်တၢ်ဘိတဖၣ်အံၤလီၤႉ ဒီးယဆိကမိၣ်ထီၣ်က့ၤ ကစၢ်ခရၠာစးံာ်အတၢ်ကတိၤ လၢအစံးဘၣ် အပျဲၢ်အဘီၣ်တဖၣ် ‘‘ယမၢသုလဲၤကူးတၢ် လၢသုတမၤဘၣ် တၢ်အလီၢ် ဘၣ်လီၤ’’ (ယိၤ ၄း၃၈) ႉ
ယအဲၣ်ယွၤအဘီအမုၢ် အတၢ်ဟ့ၣ်ကလီတၢ်‚ အတၢ်အိၣ်လၢအိၣ်ပှဲၤ အါအါဂီၢ်ဂီၢ် လၢအဖျါထီၣ် လၢကစၢ်ခရၠာစးံာ် အတၢ်ကတိၤအံၤအပူၤန့ၣ်လီၤႉ အ၀ဲဒုး သးခု မုာ်လၤပှၤလၢတၤသူတၤသၣ် လၢပှၤဂုၤပှၤဂၤ သူၣ်ဖျးတ့ၢ် ၀ဲဒၣ်လီၤႉ အဒိ‚ ဖဲပနီၤဟ့ၣ် ပတၢ်အဲၣ်ဆူ တံၤသကိး တဂၤအအိၣ်‚ လၢအ၀ဲအဂီၢ် အဒူၣ်ဖိထၢဖိတဖၣ် (လၢပတသ့ၣ်ညါ အ၀ဲသ့ၣ်ဘၣ်) ဘါထုကဖၣ်န့ၢ်တၢ်လၢအဂီၢ် အါနံၣ်အါလါတ့ၢ်လံန့ၣ်လီၤႉ ယအဲၣ်စ့ၢ်ကီး ကစၢ်ခရၠာစးံာ် အတၢ်ကတိၤ‚ လၢအစံးစ့ၢ်ကီး၀ဲ လၢပကသူၣ်တၢ်ဒီး ပတအီၣ်ဘၣ်ဘၣ်‚ ဘၣ်ဆၣ် ပှၤအဂၤတဂၤ ကကူးန့ၢ် ပတၤသၣ်တဖၣ်န့ၣ်လီၤႉ သတးဒီး ပအိၣ်မုာ်သူၣ်မုာ်သး သ့၀ဲဒၣ် လၢတၢ်ဖံးတၢ်မၤ လၢပဘၣ်မၤအီၤတဖၣ် အတၢ်ကဲထီၣ်လိၣ်ထီၣ်အသး ဒီးတၢ်အစၢအိၣ်ဖျါတဖၣ် အဖီခိၣ်န့ၣ် ပမူပဒါ တအိၣ်၀ဲဘၣ်န့ၣ်လီၤႉ နီၢ်နီၢ်တခီ ယွၤအတၢ်မၤတဖၣ်အံၤ တသန့ၤထီၣ်အသး လၢပဖီခိၣ်ဘၣ်ႉ အ၀ဲအိၣ်ဒီးဂံၢ်ထံး ခဲလၢာ် လၢတၢ်ကူးဘု‚ တၢ်သူထီၣ်သၣ်ထီၣ်အါမးအဂီၢ်‚ ဒီးပ၀ဲတခီ ပဒိးန့ၢ်ဘၣ်ခွဲးဂ့ၤယာ်ဘၣ် လၢပကမၤသကိးတၢ်အဂီၢ်န့ၣ်လီၤႉ
လၢနမဲာ်ညါ ဒီးလၢယမဲာ်ညါ ဘုဂီၤထီၣ်လံ ဖဲလဲၣ်တတီၤလဲၣ်န့ၣ် ယဆိကမိၣ်ယဲဒၣ်လီၤႉ မ်ပကပာ်သူၣ်ပာ်သးသကိး ကစၢ်ခရၠာစးံာ်အတၢ်အဲၣ်‚ အတၢ်နဲၣ်မၤပှၤလၢ အစံး၀ဲ ‘‘က@ထီၣ်သုမဲာ်ဒီးကွၢ်စံာ်ဧိၤပှဲၤဧိၤတက့ၢ် (း၃၅) ႉ