လၢကီၢ်အီးစ့တ့လယၤန့ၣ် တၢ်လီၢ်တပူၤဒီးတပူၤ‚ နလဲၤဘၣ်လၢ နၣ်ရၠာစးံၣ်တဖၣ် အနၣ်ရၠာစးံၣ် န့ၣ်လီၤႉ အဃိ‚ နလီၤဘှံးလီၤတီၤဒီး တၢ်ဘၣ်ဒိဘၣ်ထံး သတူၢ်ကလာ် ကဲထီၣ်၀ဲ သ့၀ဲဒၣ်လီၤႉ ဖဲနံၣ်သဘ@ တၢ်ဖံးတၢ်မၤအါအဆၢကတီၢ်‚ လၢကျဲမုၢ်ဒိၣ်အလိၤ တၢ်သူၣ်ထီၣ်‚ တၢ်အိၣ်ဘှံးအလီၢ်ဒီး ပှၤမၤတၢ်ပိာ်မုၣ်ဖိ မုာ်သးမၤကလီသ့ၣ်တဖၣ်‚ ဒုးအိ ခီဖံၣ် ဖဲတၢ်လီၢ်၀ဲန့ၣ်လီၤႉ
လၢယတၢ်လဲၤတကတီၢ်အပူၤ‚ ယလဲၤဃီၤဆူ တၢ်အိၣ်ဘှံးအလီၢ်ဒီး ယမၤလိာ် ခီဖံၣ်လီၤႉ ပှၤမၤတၢ်ဖိ တဂၤဟ့ၣ်လီၤယၤ ခီဖံၣ် ၂ ခွးဒီး ဃ့ယၤ ၂ ဒီလၣ်န့ၣ်လီၤႉ ဘၣ်မနုၤအဃိလဲၣ်‚ ယသံကွၢ်အီၤဒီး အ၀ဲဒၣ် ဒုးနဲၣ်ယၤ လံာ်ပာ်ဖျါအက့လၢ အစံး၀ဲ တၢ်ဟ့ၣ် ခီဖံၣ်န့ၣ် ထဲဒၣ်လၢ ပှၤနီၣ်သိလ့ၣ်အဂီၢ်လီၤႉ မ့မ့ၢ် ပှၤလဲၤတၢ်ဖိတခီ ဘၣ်ဟ့ၣ်၀ဲ အပရၤလီၤႉ ယသးဘၣ်တံာ်တာ်ဒီး စံးလာ်အံၤ ကမၣ်၀ဲလီၤႉ ဒီးဟ့ၣ်လီၤ ၂ ဒီလၣ်ဒီး ဟးထီၣ်၀ဲဖဲန့ၣ်လီၤႉ ယက့ၤတုၤလၢ သိလ့ၣ်အပူၤန့ၣ်‚ ယမါနဲၣ်ပၠးယၤ ယတၢ်ကမၣ်လၢ‚ ယဆီတလဲက့ၤ တၢ်ဟ့ၣ်ကလီဆူ တၢ့်ကၢးဒိးန့ၢ်ဘၣ်ဒီး ယတအိၣ်ဒီး တၢ်စံးဘျုးစံးဖှိၣ်က့ၤလၢ တၢ်လၢယဒိးန့ၢ်ဘၣ် ကလီန့ၣ်လီၤႉ ယမါ နဲၣ်ပၠးယၤတၢ်ဂ့ၢ်န့ၣ် ဘၣ်၀ဲတီ၀ဲလီၤႉ
ဖဲ စီၤမိၤဒီးဆှၢ ပှၤအံၣ်စရၠာစး့လးဖိဆူ ကီၢ်တၢ်စံးပာ်အကတီၢ်နှၣ်‚ အ၀ဲသဆၣ်ထီၣ် ပှၤသ့ၣ်တဖၣ်အခံ‚ ဒ်သိးအကမ့ၢ်ပှၤလၢ အစံးထီၣ်ပ့တၢၤယွၤ (၅ မိၤ ၈း၁၀) န့ၣ်လီၤႉ အ၀ဲစံးဘျုးစံးဖှိၣ်က့ၤ ကစၢ်ယွၤ အတၢ်ဆိၣ်ဂ့ၤအံၤ‚ မ့ၢ်လၢ တၢ်လီၢ်အါ၀ဲဂီၢ်၀ဲ အဃိလီၤႉ ဘၣ်ဆၣ် ပှၤအံၣ်စရၠာစး့လးဖိတခီ‚ တၢ်ဘီၣ်ထီၣ်ညီထီၣ်လၢ အဒိးန့ၢ်ဘၣ်၀ဲ သ့ၣ်တဖၣ်န့ၣ် ပာ်အီၤ ဒ်တၢ်လၢ အ့ကၢးဒိးန့ၢ်ဘၣ်၀ဲလီၤ (၅ မိၤ ၈း၁၇-၁၈) ႉ အဃိ အ၀ဲသ့ၣ်တဖၣ် သူထီၣ်၀ဲ ကျိၤကျဲတမံၤလၢ ကစံးထီၣ်ပ့တၢၤတၢ် ဖဲအီၣ်တၢ်အီတၢ် တဘျီလၢ်လၢ် အဆၢကတီၢ်လီၤႉ လၢအ၀ဲသ့ၣ်တဖၣ်အဂီၢ်န့ၣ် မ့ၢ်တ့ၢ်၀ဲ တၢ်ဟ့ၣ်ကလီတၢ်န့ၣ်လီၤႉ
ယလဲၤကဒါက့ၤဆူ ပိာ်မုၣ်ဖိန့ၣ်အအိၣ်ဒီး ယဃ့ကညးက့ၤအီၤလီၤႉ ခီဖံၣ် ကလီတခွး လၢယဒိးန့ၢ်ဘၣ်န့ၣ် တမ့ၢ်တၢ်ဟ့ၣ်ကလီ လၢအ့ကၢး၀ဲဘၣ်ဒီးယၤ‚ ဒီး တၢ်တမံၤမံၤလၢ ယကစံးဘျုးက့ၤ တၢ်အဂီၢ်ဘၣ်န့ၣ်အဃိလီၤႉ