လၢအပူၤကွံာ်တၢ်ကိၢ်ထီၣ်သီအကတီၢ် ယပာ်လီၤယသးလၢယကကျီတဲာ် ဖီတၤဆှုၣ်အက့ှူၢ်လၢ ပဟံၣ်လီၢ်ခံအBတဲၤကပၤန့ၣ်လီၤႉ လၢသၢနံၣ်အတီၢ်ပူၤ ပအိၣ်လၢပဟံၣ်အံၤ ပတထံၣ်ဘၣ်အဖီထီၣ်အါအါဘၣ်ႉ ဒီးဖျါလာ်အၢ‚ အဒ့လၢ အသံၣ်အဖီတအိၣ်ဘၣ်တဖၣ်န့ၣ် စွါထီၣ်သကုၤဆူအံၤဆူနုၤ ကိးကပၤဒဲးလီၤႉ
ဘၣ်ဆၣ်ဒီး ယတၢ်အိၣ်မူလၢ ကမၤဂ့ၤထီၣ် တၢ်ဒီး ယတၢ်တိာ် လၢယကမၤဖီကရၠာစးၢၢ်န့ၣ်လီၤတိၢ်၀ဲလီၤႉ သနာ်က့ လၢစှၤနွံအတီၢ်ပူၤန့ၣ် ဖီတၤဆှုၣ်တက့ှူၢ်အံၤ ဖီထီၣ်ဖးထီၣ်လၢ ယတထံၣ်ဘၣ်တ့ၢ်ယဲနီတစုဘၣ် န့ၣ်လီၤႉ ဖီတၢ်ဆှုၣ်အဖီဖးဒိၣ်အိၣ်လၢ အကယၤဒီး အတၢ် နၢမူနၢဆှီပှဲၤမးလၢ ဟံၣ်လီၤခံအBတဲၤဒီး ဆဲးဖးတုၤ ပကရၠာစးၢၢ်အိပူၤ မၤပှဲၤဟီၣ်ခိၣ်လၢဖီအဖးဖိတဖၣ်န့ၣ်လီၤႉ
ဖီတၤဆှုၣ်အက့ှူၢ် လၢအမူထီၣ်ဂဲၤထီၣ်အံၤ မၤသ့ၣ်နီၣ်ယၤ လၢကစၢ်ယ့ၣ်။းအတၢ်ကတိၤဒိ ဘၣ်ဃး ဒီး ချၢၣ်ဒၢအထံး‚ ဒ်အဂ့ၢ်ဖျါလၢ လံာ်လူၤကၣ် ၁၃း၆-၉ အသိးန့ၣ်လီၤႉ လၢပှၤအံၣ်စရၠာစး့လးဖိအဂီၢ် အ၀ဲသ့ၣ် အိၣ်ဒီးအလုၢ်အလၢ်ဘၣ်ဃးချၢၣ်ဒၢန့ၣ် ဘၣ်ဟ့ၣ်တၢ်ဆၢကတီၢ်သၢနံၣ် လၢကသၣ် ထီၣ်အဂီၢ်လီၤႉ မ့ၢ်တသၣ်ဘၣ်ဒီး ကဘၣ်ကူၣ်လီၤကွံာ်၀ဲ‚ ဒီးစူးကါက့ၤသုးက့ၤ ဟီၣ်ခိၣ်လီၢ်န့ၣ်လီၤႉ လၢကစၢ်ယ့ၣ်။းအတၢ်တဲအပူၤအံၤ‚ ပှၤကွၢ်တၤသၣ်လီၢ် တဂၤ ဃ့တၢ်ပျဲလီၤဆီ လၢအကစၢ်အိၣ် ဒ်သိးအချၢၣ်ဒၢတထံးကသၣ်ထီၣ် လၢလွံၢ်နံၣ်တနံၣ်အတီၢ်ပူၤအဂီၢ်လီၤႉ ပမ့ၢ်ကွၢ်လၢ လံာ်ယၤကိာ် ၃း၁-၅ န့ၣ် တၢ်ကတိၤဒိ မိၣ်စံးအသး လၢပှၤအံၣ်စရၠာစး့လးဖိတဖၣ်န့ၣ် တအိၣ်မူ၀ဲ ဒ်ကဘၣ်အိၣ်မူအသိးဘၣ်ဒီး ယွၤအတၢ်စံၣ်ညီၣ်တီလီၤဘၣ် အ၀ဲသ့ၣ်သ့လီၤႉ ဘၣ်ဆၣ်ဒီး ကစၢ်ယွၤအသးစူၤ၀ဲ ဒီးဟ့ၣ်အါထီၣ်တၢ်ဆၢကတီၢ် ဒ်သိးအ၀ဲသ့ၣ် ကဃၣ်ကဒါက့ၤအသး ဆူယွၤ အအိၣ်‚ ဒိးန့ၢ်တၢ်ပျၢ်တၢ်ဒဲးဘးဒီးဖီထီၣ်သၣ်ထီၣ်၀ဲအဂီၢ်လီၤႉ
ယွၤအသးအိၣ် လၢပှၤကိးဂၤဒဲး ကသၣ်ထီၣ်အါအါကလဲာ်အဃိဒီး ဟ့ၣ်အါ ထီၣ်၀ဲ တၢ်ဆၢကတီၢ်န့ၣ်လီၤႉ မ့ၢ်ပလဲၤဒံးတၢ် လၢတၢ်စူၢ်တၢ်နာ်‚ မ့တမ့ၢ် ထုကဖၣ်တၢ် လၢပှၤတစူၢ်တနာ်တၢ်အဒူၣ်ဖိထၢဖိတဖၣ်ဒီး တံၤသကိးတဖၣ်အဂီၢ်ဧါႉ ယွၤ အတၢ်သးစူၤ မ့ၢ်တၢ်သးခုကစီၣ်လၢ ပ၀ဲခဲလၢာ်အဂီၢ်လီၤႉ