ယတံၤသကိးတဂၤ လဲၤနီၢ်အသိလ့ၣ်ဆူ တၢ်ဆါတၢ်ပရၤ အကလုာ်ကလုာ် အကျးအခါ‚ ပာ်သူၣ်ပာ်သး ပိာ်မုၣ်တဂၤဟးလၢကျဲကပၤအဃိ အသးပၢၢၢ်ထီၣ်လၢ ကတရၠာစးံးက့ၤအသိလ့ၣ် ဒ်သိးကကိးပိာ်မုၣ်န့ၣ်လၢ ကဟဲဒိးသကိးသိလ့ၣ်လီၤႉ ဖဲပိာ်မုၣ်န့ၣ် ဟဲဒီးသ့ၣ်ညါဘၣ်၀ဲလၢ ပိာ်မုၣ်န့ၣ်ကဒိးကမျၢၢ်သိလ့ၣ်အဂီၢ် အစ့တအိၣ် အဃိ ဘၣ်က့ၤဟး၀ဲဒၣ်ဆူအဟံၣ် လၢအစီၤစုၤတဘျုး မံၤလးလၢ တၢ်ကိၢ်တၢ်ကဲၤ အကတီၢ်ပူၤလီၤႉ အတၢ် သးအုးအါထီၣ်လၢ ပိာ်မုၣ်န့ၣ်ဘၣ်ဟဲဟး တဘျုးနၣ်ရၠာစးံၣ် ဒ်သိး ကတုၤဆူ အတၢ်မၤလီၢ်လၢ ဂီၤခီလွံၢ်နၣ်ရၠာစးံၣ်အဂီၢ် န့ၣ်လီၤႉ
လၢအမၤစၢၤဘၣ် ပိာ်မုၣ်န့ၣ်လၢ အကိးထီၣ်ဆူ သိလ့ၣ်ပူၤအဃိ ယတံၤသကိးအံၤ အိၣ်မူမၤထွဲ လံာ်ယၤကိာ် အတၢ်နဲၣ်ကျဲ‚ ဒ်ခရၠာစးံာ်ဖိတဂၤကဘၣ် မူထွဲမၤထွဲအတၢ်နာ်အသိးန့ၣ်လီၤႉ တၢ်နာ်မ့ၢ်တအိၣ်ဘၣ်ဒီး တၢ်မၤန့ၣ်မ့ၢ်တၢ်သံ လၢအကစၢ်ဒၣ်၀ဲန့ၣ်လီၤ (ယၤကိာ် ၂း၁၇) ႉ အ၀ဲအသးအိၣ်လၢ တၢ်အိၣ်ဖှိၣ် ကအံးထွဲ ကွၢ်ထွဲမုၣ်ကမဲ‚ဖိၣ်ဃဲတဖၣ်လီၤ (ယၤကိာ် ၁း၂၇) ႉ ဒီးအ၀ဲအဲၣ်ဒိး တၢ်အိၣ်ဖှိၣ်ဖိ တဖၣ် အသုတသန့ၤအသး လၢတၢ်ကတိၤကလီကလီတဖၣ်ဘၣ်ႉ မ့မ့ၢ်တခီ ကမူထွဲမၤထွဲတၢ်နာ် ခီဖျိတၢ်အဲၣ်တၢ်ကွံအတၢ်မၤန့ၣ်လီၤႉ
ပန့ၢ်ဘၣ် တၢ်အုၣ်က့ၤခီၣ်က့ၤလၢတၢ်နာ်အဃိလီၤႉ တမ့ၢ်ဘၣ်လၢပတၢ်မၤ အဃိဘၣ်ႉ ဘၣ်ဆၣ်ဒီး ပအိၣ်မူမၤဖျါထီၣ် ပတၢ်စူၢ်တၢ်နာ် ခီဖျိတၢ်အဲၣ်ပှၤဂၤ‚ တၢ်အံးကွၢ်မၤစၢၤပှၤဂၤ ဒ်အတၢ်လိၣ်အိၣ်အသိးန့ၣ်လီၤႉ မ်ပကမၤဒ်ယတံၤသကိး ပျဲပှၤ ဒိးသကိးအသိလ့ၣ်‚ အိးထီၣ်သး စိာ်ထီၣ်မဲာ်ကွၢ်ပှၤဂၤ လၢအလိၣ်ဘၣ် တၢ်မၤစၢၤ‚ ဖဲပလဲၤသကိးတၢ် လၢသးသမူအတၢ်လဲၤကျဲအဖီခိၣ်န့ၣ်တက့ၢ်ႉ