တၢ်ထုကဖၣ်မ့ၢ် တၢ်ကတိၤသကိးတၢ်ဒီး ကစၢ်ယွၤလီၤႉ တမ့ၢ်တၢ်လၢ ပဘၣ်တိၢ့်ှူးအီၤ တခါဘၣ်ႉ ဘၣ်ဆၣ်ဒီး တဘျီဘၣ်တဘျီ လၢတၢ်မၤသီထီၣ်က့ၤ ပတၢ်ထုကဖၣ်အကတီၢ်န့ၣ်‚ ပဘၣ်သူ‚ စူးကါတၢ်နဲၣ်ကျဲန့ၣ်လီၤႉ ပဘါထုကဖၣ်လၢ ထါစံးထီၣ်ပ့တၢၤ မ့တမ့ၢ်‚ လံာ်စီဆှံအဆၢအဂၤတဖၣ် သ့စ့ၢ်ကီးလီၤႉ အဒိ‚ ပစူးကါ ကစၢ်ယ့ၣ်။း အတၢ်ထုကဖၣ် မ့တမ့ၢ် တၢ်ပာ်ဒိၣ်ယွၤ‚ အဲၣ်ယွၤ‚ တၢ်အၢၣ်လီၤ ပတၢ်သ့ှူးကမၣ်‚ တၢ်စံးဘျုး စံးထီၣ်ပ့တၢၤယွၤဒီး တၢ်ဃ့သကွံၢ်ကညးယွၤ) သ့၀ဲန့ၣ်လီၤႉ
လၢအပူၤကွံာ်တယံာ်ဒံးဘၣ်န့ၣ် ယထံၣ်ဘၣ် စုမုၢ်ယဲၢ်ဘိ အတၢ်ဂ့ၢ်‚ တၢ်ထုကဖၣ်အကျဲန့ၣ်လီၤႉ မ့ၢ်တၢ်နဲၣ်ကျဲဖဲ ပဘါထုကဖၣ်လၢပှၤဂၤအဂီၢ်န့ၣ်လီၤႉ
• ဖဲနဖှိၣ်ထီၣ်နစုန့ၣ် စုမုၢ်ကျၢၢ်အိၣ်ဘူးကတၢၢ်ဒီးနၤလီၤႉ သ့ၣ်နီၣ်ပှၤအဘူးကတၢၢ်ဒီး နၤ‚ ပှၤလၢနအဲၣ်အီၤတဖၣ် ဒီးဘါထုကဖၣ်လၢအ၀ဲသ့ၣ်အဂီၢ်တက့ၢ်ႉ (ဖံး ၁း၃-၅)
• စုယူာ်န့ၣ် ပနဲၣ်တၢ်အဃိဒီးဘါထုကဖၣ်လၢ ပှၤသိၣ်လိတၢ်နဲၣ်လိတၢ်တဖၣ်အဂီၢ် တက့ၢ်ႉ ဘါထုကဖၣ်လၢသရၠာစးၣ်သိၣ်လိလံာ်စီဆှံ‚ ပှၤစံၣ်တဲၤတဲလီၤတၢ်‚ ဒီး ပှၤသိၣ်လိဖိသၣ်တဖၣ်အဂီၢ်တက့ၢ် (၁ သ့း ၅း၂၅) ႉ
• စုမုၢ်လၢခံတဘိမ့ၢ်စုဘိအထီကတၢၢ်အဃိ သ့ၣ်နီၣ်ဘါထုကဖၣ်လၢ ပှၤဟံးတၢ် စိကမီၤ‚ ပှၤပၢတၢ်ဒီး ခိၣ်နၢ်လၢ နတၢ်မၤလီၢ်အပူၤတက့ၢ် ( ၁ တံၤ ၂း၁-၂) ႉ
• စုမုၢ်လွံၢ်ဘိတဘိန့ၣ် မ့ၢ်စုမုၢ်လၢအဂံၢ်စၢ်ကတၢၢ်လီၤႉ ဘါထုကဖၣ်လၢ ပှၤဘၣ်ကီဘၣ်ခဲ‚ ဘၣ်ကိၢ်ဘၣ်ဂီၤဒီး ပှၤတူၢ်ဘၣ်တၢ်နးတၢ်ဖှီၣ်တဖၣ်အဂီၢ်တက့ၢ်ႉ (ယၤကိာ် ၅း၁၃-၁၆) ႉ
• ၀ံၤဒီးစုဆၣ်ဖိလၢအမၤသ့ၣ်နီၣ်နၤ နမ့ၢ်ပှၤအဆံးဖဲနထိၣ်သBတီၤ ဒီးကစၢ်ယွၤ လၢအဒိၣ်အမုၢ်အဃိဒီး‚ ဃ့တၢ်လၢအ၀ဲကမၤလၢထီၣ်ပှဲၤထီၣ်တၢ်လၢနဂီၢ်တက့ၢ်ႉ (ဖံး ၄း၆‚၁၉) ႉ
နစူးကါကျဲတဘိဂ့ၤတဘိဂ့ၤ‚ နကဘၣ်ကတိၤတၢ်ဒီးနပၢ် လၢမူခိၣ်လီၤႉ အ၀ဲ အသးအိၣ်နၢ်ဟူ တၢ်အိၣ်လၢနသးပူၤလီၤႉ