မုၢ်နံၤတနီၤန့ၣ် လီၤဂာ်လၢ တၢ်တိာ်တမံၤ မၤအသးခီဖျိလၢပပူၤလီၤႉ တယံာ်ဒံးဘၣ်န့ၣ်‚ ယအိၣ်ဒီးမုၢ်နံၤ ဒ်န့ၣ်အသိးတဖၣ် တနံၤလီၤႉ ပတၢ်အိၣ်ဖှိၣ်သရၠာစးၣ်စးထီၣ် အတၢ်စံၣ်တဲၤ တဲလီၤ ဘၣ်ဃး ၁ မိၤဒီးအဂ့ၢ် ဃုာ်ဒီးတၢ်ဂ့ၢ်ထုးသူၣ်ထိၣ်ဂဲၤသး လၢတၢ်ဆၢကတီၢ်ခံမံးနံးအပူၤ တဲ၀ဲ ဖီဖိတဖၣ်အတၢ်ဘိၣ်ထီၣ်ဖးထီၣ်တဆီဘၣ်တဆီ လၢအမၤအသးဒ် ပှၤဒိတၢ်ဂီၤဒုးနဲၣ်၀ဲတခါဘၣ်တခါန့ၣ်လီၤႉ အန့ၣ်၀ံၤဒီး တုၤလၢဟံၣ်တခီလံာ်တထူ ဟဲခီဖျိကမျၢၢ်တၢ်ကစီၣ် ဆဲးကျိးတၢ်န့ၣ် ပာ်ဖျါ၀ဲဖီအကလုာ်ကလုာ်အတၢ်ဃံ တၢ်လၤ န့ၣ်လီၤႉ ဒီးလၢခံ ဖဲပလဲၤဟးကသုၣ် လၢသ့ၣ်ပှၢ်ဖိအပူၤ ပထံၣ်တၢ်ဂိၢ်ခါအဖီတဖၣ် အိၣ်၀းတရၠာစးံးမးလၢပဃၢၤ န့ၣ်လီၤႉ
ကစၢ်ယွၤတ့လီၤသံၣ်ဧိၤဖီဧိၤဒီး‚ တၢ်မုၢ်တၢ်ဘိအဂၤ‚ တၢ်ဒိးတၢ်လၣ် သ့ၣ်သူ၀ၣ်သၣ်အကလုာ်ကလုာ်လၢ သၢသီတသီအနံၤန့ၣ်လီၤႉ ဒီးလၢ မုၢ်နံၤအ၀ဲန့ၣ် ကစၢ်ယွၤစံး၀ဲဒၣ် ‘ဂ့ၤဒိၣ်မးလီၤ’န့ၣ်ခံဘျီညါန့ၣ်လီၤ (၁ မိၤ ၁း ၁၀‚၁၂) ႉ မ့ၢ်ကစၢ်ယွၤတဲလၢ ဂ့ၤဒိၣ်မးန့ၣ်ခံဘျီဒီး မ့ၢ်ထဲလၢ မုၢ်နံၤတနံၤဧိၤန့ၣ်လီၤဧါ (း၂၄‚၃၁) ႉ နီၢ်နီၢ်န့ၣ်‚ ဖဲကစၢ်ယွၤတ့လီၤပှၤကညီဒီး အတၢ်မၤအလၢအပှဲၤဂ့ၤဒိၣ်ကတၢၢ်န့ၣ်‚ ကဲထီၣ်၀ဲလၢမုၢ်တနံၤအံၤလီၤႉ ကစၢ်ယွၤကွၢ်က့ၤအတၢ်မၤခဲလၢာ်ဒီး ထံၣ်၀ဲလၢ တၢ်အံၤဂ့ၤဒိၣ်မးန့ၣ်လီၤႉ
တၢ်ဘၣ်တ့ အတၢ်ဃဲၤပူအပူၤန့ၣ်‚ ပထံၣ်ဘၣ် တၢ်ဘၣ်တ့ခဲလၢာ် အကစၢ်ယွၤ သးခုသးမုာ်လၢ အတၢ်တ့လီၤတဖၣ်အပူၤန့ၣ်လီၤႉ ဘၣ်မနုၤကစၢ်ယွၤ ဘၣ်တ့လီၤ ဟီၣ်ခိၣ်ချၢ ပှဲၤဒီး တၢ်ဃံတၢ်လၤ လီၤဆီအကလုာ်ကလုာ်ဒီး လီၤလးဒိၣ်မးအံၤန့ၣ်လဲၣ်ႉ ဒီးဘၣ်မနုၤ အ၀ဲတ့လီၤ ပှၤကညီလၢအဂီၢ်ဒၣ်၀ဲ ဒ်အတၢ်မၤအဂ့ၤကတၢၢ်လၢ လီၢ်ခံ န့ၣ်လဲၣ် (၁ မိၤ ၁း၂၇) ႉ ယွၤအတၢ်မၤအဃံလၤဒိၣ်မးအံၤ ဒ်ပမ့ၢ်ပှၤအိၣ်ဒီး အဂီၤတဖၣ် အသိး‚ ပကသ့ၣ်ညါလၢ ပဘၣ်ဆိၣ်ဂ့ၤဒီး သူၣ်ခုသးခုသူၣ်ဖှံသးညီန့ၣ်လီၤႉ
ဖး □ ၁ မိၤ ၁း၂၄-၃၁လံာ်စီဆှံလၢ တနံၣ်အဂီၢ် □ ယိၤဘး ၅-၇ □ မၤတၢ် ၈း၁-၂၅
ဒီးယွၤကွၢ် အတ့လီၤ တၢ်တမံၤလၢ်လၢ်န့ၣ်ဒီး ထံၣ်၀ဲလၢအဂ့ၤမးလီၤႉ
□ (၁ မိၤ ၁း၃၁)
တၢ်ဘၣ်တ့ခဲလၢာ် အကစၢ် ယွၤဧၢ‚
တၢ်ဘျုးဒိၣ်မး လၢနတ့လီၤဟီၣ်ခိၣ်ချၢအံၤ ပှဲၤဒီးတၢ်ဃံတၢ်လၤ လၢပကသူၣ်ဖှံသးညီ‚ နကသူၣ်ခုသးခုအဂီၢ်လီၤႉ ပစံးဘျုးနၤစ့ၢ်ကီး လၢနတ့လီၤပှၤ လၢနဂီၢ်ဒၣ်နဲအသိး‚
ဒီးပကန့ၢ်သးအတၢ်ထိၣ်ဂဲၤထီၣ်ပှၤ လၢပကတ့လီၤတၢ်စ့ၢ်ကီးန့ၣ်လီၤႉ
ကယဲၢ်တၢ်ဘၣ်တ့ခဲလၢာ် အိၣ်ဒီးကစၢ်ယွၤအမံၤဆဲးလီၤအသးန့ၣ်လီၤႉ
Our Daily Bread Topics:
Uncategorized
