ဖဲလၢ ပလံၤမုၣ်ဖိ အကၠိမူးသးဖှံအကတီၢ်န့ၣ်‚ ပှၤဒ့တၢ်အူတၢ်ဖိတဖုအံၤ ထုးန့ၢ်ထိၣ်ဂဲၤ ယသး လၢယကဆိကမိၣ်ထီၣ် အ၀ဲသ့ၣ်မၤတၢ်ကဂ့ၤဆံးအါလဲာ်ဆံးအါလဲာ်အဂ့ၢ်လီၤႉ အ၀ဲသ့ၣ်အသးမ့ၢ်အိၣ်လၢ တဂၤစုာ်စုာ် ကဒုးနဲၣ်ဒၣ်၀ဲတၢ်ဒ့ဆဲတိၢ်န့ၣ်ဒီး‚ ပှၤဒီဖုညါ အတၢ်မၤသကိးတၢ် အတၢ်လၢတၢ်ပှဲၤန့ၣ်‚ ပှၤတဂၤဧိၤန့ၣ် တမ့ၢ်မၤ၀ဲကသ့ဘၣ်လီၤႉ တၢ်ဒ့တၢ်အူသီၣ် မုာ်ဃံလၤဒိၣ်မးန့ၣ်‚ ကဲထီၣ်၀ဲသ့ဒၣ်ထဲလၢ တၢ်ဒ့တၢ်အူအပီးအလီသ့ၣ်တဖၣ် မၤသကိးတၢ်န့ၣ်လီၤႉ
စီၤပီလူးကွဲးဆူ အပျဲၢ်အဘီၣ်တဖၣ်လၢ ၀့ၢ်ရၠာစးိမ့ၤအပူၤန့ၣ်စံး၀ဲ‚ ပ၀ဲဒၣ်အါဂၤအံၤ ပမ့ၢ်နီၢ်တဂၤဃီလၢ ခရၠာစးံာ်အပူၤဒီးပမ့ၢ်ပဂီၤသကိးပဂီၤ ဒ်န့ၣ်အသိးလီၤႉ ဒီးဒ် တၢ်ဟ့ၣ်လီၤ တၢ်ဘျုးတၢ်ဖှိၣ်လၢပှၤအသိးန့ၣ်‚ ပအိၣ်ဒီး တၢ်ဟ့ၣ်လီၤဆီ တဂၤတမံၤတဂၤတမံၤလီၤ (၁၂း၅-၆) ႉ စီၤပီလူး ယၢၤထီၣ်၀ဲ တၢ်ဟ့ၣ်တဖၣ်အကျါ‚ ၀ံအတၢ်မၤ‚ တၢ်ခ့တၢ်ပှၤအတၢ်မၤ‚ ပှၤသိၣ်က့ၤသီက့ၤတၢ်‚ ပှၤသဆၣ်ထီၣ်ပှၤအခံ‚ ပှၤဟ့ၣ်နီၤ တၢ်‚ ပှၤလၢအကွၢ်တၢ်‚ ပှၤလၢအသးကညီၤတၢ် (၁၂း၇-၈) ႉ ဒီးတၢ်ဟ့ၣ်လီၤပှၤတဂၤဒီးတဂၤ အတၢ်ဒုးနဲၣ်ဖျါထီၣ် အသးန့ၣ်‚ လၢတၢ်ဘျုးတၢ်ဖှိၣ်အဂီၢ်လီၤ (၁ကရၠာစးံၣ် ၁၂း၇) ႉ
တၢ်ဒ့တၢ်အူက့ှူၢ်အမူးသဖှံ‚ ဒ်ပစံးတၢ်အသိးန့ၣ်‚ မ့ၢ်တၢ်မၤလၢအဃူဃီၢ် လီၤ ပလိာ်‚ ဒ်တၢ်ဒ့ကံၣ်ဒိမ့တမ့ၢ် တၢ်တိာ်ကျဲၤအိၣ်အသိး‚ တၢ်ဖှိၣ်ထီၣ်သးမၤသကိးတၢ်‚ တၢ်နၢမုာ်ဃူဖိးလိာ်သး‚ မ့တမ့ၢ် တၢ်သးမုာ်စုဃူလိာ်သး အတၢ်မၤန့ၣ်လီၤႉ တၢ်န့ၣ် မ့ၢ်ကစၢ်အတၢ်တိာ်လၢပဂီၢ်‚ ပ၀ဲလၢအမ့ၢ်အဖိတဖၣ် လၢတၢ်နာ်ခရၠာစးံာ်အဃိန့ၣ်လီၤႉ အဲၣ်လိာ်ကွံလိာ်သုသး ဒ်ဒီပုၢ်ဒီ၀ဲၢ်တံၢ်နီၢ်အသိးတက့ၢ်ႉ လၢတၢ်ယူးယီၣ်န့ၣ် လဲၤလၢညါ လိာ်သုသးတက့ၢ် (ရၠာစးိ ၁၂း၁၀) ႉ ဖီတၢၣ်န့ၣ် မ့ၢ်တၢ်မၤသကိးတၢ်ဒီး တမ့ၢ်ဘၣ် တၢ်ြပၢလိာ်သးဘၣ်ႉ
အခီပညီအိၣ်ဒံးတမံၤ မ့ၢ်၀ဲ‚ ကိးမုၢ်နံၤဒဲးန့ၣ် ပအိၣ်လၢ စိၤမိၤခိၣ် ဖဲဟီၣ်ခိၣ် ဒီဘ့ၣ် ကွၢ်ပှၤ‚ ကနၢ်ပှၤန့ၣ်လီၤႉ လၢကစၢ်ယွၤအတၢ်ဒ့က့ှူၢ်ဖးဒိၣ်အပူၤန့ၣ်‚ ပှၤဒ့ဆဲတိၢ်တအိၣ် နီတဂၤဘၣ်ႉ မ့မ့ၢ်တၢ်ဒ့တၢ်အူကိးကလုာ်ဒဲး အလီၢ်အိၣ်အကါဒိၣ်၀ဲန့ၣ်လီၤႉ ပ၀ဲ တဂၤ စုာ်စုာ်‚ လၢပသနၢၢ်ဒၣ်ပ၀ဲန့ၣ်‚ ပမ့ၢ်မၤသကိးဃုာ်တၢ်ဒီး ပှၤအဂၤန့ၣ်‚ တၢ်ဒ့တၢ်အူ သီၣ်မုာ် ဃံလၤဒိၣ်ကတၢၢ်လီၤႉ