သိလ့ၣ်စိာ်ဆှၢတၢ်အပီးအလီတဖၣ်‚ ဃ့ၢ်ခီသ၀ီဖိလၢ ဟံၣ်ဒဲဖိသ့ၣ်တဖၣ်အခါဆီဖိလၢ အပျံၤတၢ်ဒီး ဆှါ၀ဲတဖၣ် ဃ့ၢ်ြပံြပါကွံာ်လၢကျဲကပၤ‚ ဒီး ဖိသၣ်လၢတအိၣ်ဒီးအခီၣ်ဖံး တဖၣ် ဆၢထၢၣ်ကွၢ်စူၣ်ကွၢ်စိ တၢ်မၤအသးန့ၣ်လီၤႉ သိလ့ၣ်လဲၤထီၣ်က့ၤ လီၤတၢ် လၢကျဲ ထံအီၣ်လီၤကလိာ်ကနၢခိၣ်ချၢဒ်အံၤတဖၣ် အဖီခိၣ်န့ၣ် တအိၣ်အါအါဘၣ်ႉ
သတူၢ်ကလာ်န့ၣ်‚ ကရၠာစးၢၢ်တၢ်ဒူၣ်အပူၤ ဟံၣ်ဖးဒိၣ် တဖျၢၣ် အိၣ်ဖျါထီၣ်၀ဲလၢ သိလ့ၣ်တဖၣ်န့ၣ် အမဲာ်ညါလီၤႉမ့ၢ်ဒၣ်၀့ၢ်ခိၣ်အဟံၣ်လီၤႉ ဘၣ်ဆၣ် ၀့ၢ်ခိၣ်န့ၣ် တအိၣ်ဖဲန့ၣ် ဘၣ်ႉ ၀့ၢ်ခိၣ်န့ၣ်အိၣ်လၢဟံၣ်ဒိၣ်ထူးတီၤလၢ ၀့ၢ်ဒိၣ်အဂၤအခါ အပှၤ၀့ၢ်ဖိတနီၤအိၣ်၀ဲလၢ တၢ်တလၢတလီၢ်အပူၤလီၤႉ
တၢ်မၤအသးတတီတလိၤဒ်န့ၣ်သိးတဖၣ်‚ မၤတမုာ် ပသး ဒိၣ်မးလီၤႉ ၀ံဃဘူးကူာ် ထံၣ်၀ဲ တၢ်မၤအသးဒ်န့ၣ်အသိး တဖၣ် တၢ်ကွၢ်တလီၤ‚ တၢ်ဆီၣ်အံၣ်ဆီၣ်ဆံးမၤအသးသကုၤဆးဒးန့ၣ်ဒီး‚ အ၀ဲသံကွၢ် လၢကစၢ်ယွၤ‚ ယွၤဧၢ‚ယဘၣ်ကိးထီၣ်တၢ်‚ ဒီးနတနၢ်ဟူဘၣ်ဆံးယံာ်လဲၣ် (၁း၂) လီၤႉဘၣ်ဆၣ်ဒီး ကစၢ်ယွၤ ပာ်သူၣ်ပာ်သးဒီးစံး၀ဲဒၣ်‚ ပှၤလၢအမၤအါထီၣ်တၢ်လၢ အတမ့ၢ် ဘၣ်အတၢ်ဒၣ်၀ဲဘၣ်‚ႉႉႉပှၤလၢအသးကွံ အစုလီၢ်အခီၣ်ခိၣ်တတီၤဘၣ်လၢအဟံၣ်အဂီၢ် န့ၣ် ဘၣ်အဖှီၣ်လီၤ (၂း ၆‚၉) ႉ တၢ်စံၣ်ညီၣ်န့ၣ်ဟဲ၀ဲလီၤႉ ပဆၢတူၢ်လိာ်ပှၤဂၤ လၢကစၢ်ယွၤ ကစံၣ်ညီၣ်အီၤလီၤႉ ဘၣ်ဆၣ်ဒီး တၢ်တရၠာစးံးက့ၤအသးအတီၤအိၣ်၀ဲ လၢလံာ်ဃဘးကူာ်အပူၤန့ၣ်‚ မၤကတုၤပသး လၢတၢ်ကတိၤ‚ မ့မ့ၢ်ယွၤအိၣ်၀ဲလၢအနူၢ်စီဆှံအပူၤလီၤႉ အိၣ်ဘှီၣ်ကလာ်လၢအမဲာ်ညါ‚ ပှၤဟီၣ်ခိၣ်ဖိခဲလၢာ်သ့ၣ်ဧၢန့ၣ်လီၤႉ ပှၤဟီၣ်ခိၣ်ဖိခဲလၢာ် စံးတၢ်န့ၣ် ပှၤဘၣ်နးဘၣ်ဖှီၣ်ဒီး ပှၤမၤနးမၤဖှီၣ်တၢ်တဖၣ် ခဲလၢာ်န့ၣ်လီၤႉ တဘျီဘျီဖဲ အဖျါလၢ ကစၢ်ယွၤ အိၣ်ဘှီၣ်ကလာ်န့ၣ်‚ ပ့ကၢးတူၢ်လိာ်ဒီး အိၣ်ဘှီၣ်ကလာ်စ့ၢ်ကီးလီၤႉ
ဘၣ်မနုၤအဃိ ပဘၣ်အိၣ်ဘှီၣ်ကလာ်လဲၣ်ႉ မ့ၢ်လၢ ပကွၢ်ကပာ်ကွံာ် ပနီၢ်သး‚ ပသူၣ်ဂ့ၢ်သးကျိၤ အတၢ်ဖှီၣ်ယာ် ညီကဒၣ်အဃိလီၤႉ တၢ်အိၣ်ဘှီၣ်ကလာ် ထိၣ်ဂဲၤ ပှၤလၢ ပကထံၣ်လီၤက့ၤပတၢ်ဒဲးဘး‚ လၢယွၤစီဆှံအမဲာ်ညါအဂီၢ်လီၤႉ ဒ်ဃဘးကူာ် မၤလိ တၢ်သန့ၤသးလၢယွၤအသိး ပသန့ၤပသးလၢယွၤသ့၀ဲလီၤႉပတသ့ၣ်ညါ ယွၤအကျဲ ခဲလၢာ်ဘၣ်ႉ ဘၣ်ဆၣ်ဒီး ပသ့ၣ်ညါလၢ အ၀ဲဒၣ်ဂ့ၤ၀ဲလီၤႉတၢ်လၢအကပျံကွံာ် ယွၤအစိ ကမီၤ ဒီး အဆၢကတီၢ်န့ၣ် တအိၣ်ဘၣ်နီၤတမံၤဘၣ်ႉ