ယတံၤသကိးတဂၤ ဆှၢလီၤန့ၢ်ယၤ သပၢၤဖိတဖျၢၣ်လၢ အမၤ၀ဲလၢအဟံၣ်န့ၣ်လီၤႉ တုၤယအိးထီၣ်တၢ်ဘိၣ်န့ၣ် ယထံၣ်ဘၣ်လၢတၢ်အပီးအလီ လၢလုၢ်ဒိၣ်ပရၤဒိၣ်တနီၤ ဟးဂီၤ၀ဲဒၣ် မ့ၢ်လၢ အဟဲဘၣ်တၢ်ဒ့ၣ်စၢၤယံၤအဃိန့ၣ်လီၤႉ လီခီဖိတဖၣ် လၢအသ့ၣ်ဖး အကျါတခါန့ၣ်‚ သ့ၣ်ဖးကဲထီၣ် အက့အခီ‚ တၢ်အကၢ်ဘျဲးတဖၣ်ဒီး ကပံာ်ကမူၣ် ဃါဃုာ်လိာ်သး အိၣ်ဒီဒူၣ်ညါစ့ၢ်ကီးလီၤႉ
တုၤလၢ ယ၀ၤထိးစဲ မၤဂ့ၤက့ၤ တၢ်အကၢ်ဘျဲး တဖၣ်၀ံၤဒီး ယလဲၤပာ်ထီၣ် လီခီအကၢ်ဘျဲးလၢ တၢ်မၤဂ့ၤ က့ၤအီၤန့ၣ် လၢစီၣ်အလိၤလီၤႉ ဒ်သပၢၤလီခီ အက့အခီလၢ တၢ်ထိးစဲမၤဂ့ၤက့ၤအသိးန့ၣ် ယအိၣ်ဒီး တၢ်ပူၤလီၢ်ဘျါ က့ၤ‚ အခီမဲာ်လီၢ်တဖၣ် အုၣ်အသးလၢ ယဆၢထၢၣ်န့ၢ်၀ဲ‚ ကျၢၤ၀ဲဒံး ဖဲယွၤဆှၢခီဖျိယၤ လၢတၢ်ကီတၢ်ခဲအမုၢ်နံၤ တဖၣ်န့ၣ်လီၤႉ တၢ်မၤမုာ်အလီခီ၀ဲန့ၣ်‚ မၤသ့ၣ်နီၣ်ထီၣ်ယၤ လၢယွၤမၤတၢ်လၢ ယတၢ်အိၣ်မူဒီကတီၢ်အပူၤ ဒ်လဲၣ် အဂ့ၢ်လီၤႉ လၢတၢ်န့ၣ်အဃိ ယမၤစၢၤပှၤဂၤ လၢအတူၢ်ဘၣ်တၢ်နးတၢ်ဖှီၣ်သ့၀ဲန့ၣ်လီၤႉ
စီၤပီလူးစံးထီၣ်ပ့တၢၤယွၤ ဒီးစံး‘‘ယွၤပကစၢ်ယ့ၣ်။းခရၠာစးံာ်အပၢ်‚ တၢ်သးကညီၤ အပၢ်ဒီးတၢ်မၤမုာ်ခဲလၢာ်အကစၢ် မ်အဘၣ်တၢ်စံးထီၣ်ပ့တၢၤအီၤတက့ၢ်’’ (၂ကရၠာစးံၣ်၁း၃) န့ၣ်လီၤႉ ယွၤစူးကါ ပတၢ်လဲၤခီဖျိတၢ်မၤကွၢ်တဖၣ် ဒီးပတၢ်တူၢ်ဘၣ် တၢ်နးတၢ်ဖှီၣ် တဖၣ်အံၤ လၢကမၤလီၤဂာ်ပှၤအါထီၣ်ဒီးအီၤအဂီၢ်န့ၣ်လီၤႉ အတၢ်မၤမုာ်ပှၤ လၢတၢ်ကိၢ်တၢ်ဂီၤအကတီၢ်န့ၣ်‚ မၤလၢထီၣ်ပှဲၤထီၣ်ပှၤ ဒ်သိးပကဟ့ၣ်ဂံၢ်ဟ့ၣ်ဘါပှၤဂၤ ဒီးဟ့ၣ်ခီ ဟ့ၣ်နီၤတၢ် လၢအမၤတ့ၢ်၀ဲလၢပဂီၢ် ဖဲပလိၣ်ဘၣ်အီၤအကတီၢ်န့ၣ်လီၤ (၂ကရၠာစးံၣ် ၁း၄) ႉ
ပသ့ၣ်နီၣ်ကစၢ်တူၢ်တၢ်အဂ့ၢ်ဒီး‚ ပန့ၢ်တၢ်ထိၣ်ဂဲၤထီၣ်ပှၤလၢပတၢ်နာ်လၢ ကစၢ် စူးကါ ပတၢ်လဲၤခီဖျိတဖၣ် ဒ်သိးကမၤဆူၣ်ထီၣ်ပှၤဒီး ပှၤအဂၤစ့ၢ်ကီး လၢပကသးစူၤ တူၢ်တၢ် (၂ ကရၠာစးံၣ် ၁း၅-၇) အဂီၢ်န့ၣ်လီၤႉ ဒ်စီၤပီလူးအသိး ပကန့ၢ် တၢ်မၤမုာ်ခီဖျိ တၢ်သ့ၣ်ညါကစၢ်ပရၤက့ၤပှၤလၢ တၢ်နးတၢ်ဖှီၣ်ဖးဒိၣ်အပူၤလၢ အလၤကပီၤအဂီၢ်လီၤႉ ပနီၤဟံးန့ၢ် အတၢ်မၤမုာ်အလီခီဒီး ဟ့ၣ်ခီတၢ်မုၢ်လၢ် အတၢ်လၢထီၣ်ပှဲၤထီၣ်ဆူ ပှၤဘၣ်ဒိဘၣ်ထံး တူၢ်ဘၣ်တၢ်တဖၣ်အအိၣ်န့ၣ်လီၤႉ