ဖဲယတဲဆၢက့ၤ ယတံၤသကိးတဂၤ‚ ဘၣ်ဃးတၢ်ဂ့ၢ် လၢအ၀ဲဒီးယၤ ပတၢ်ထံၣ်တလီၤ ပလိာ်လိာ်သးအဖီခိၣ်လၢ ‘အံမံလ်’ ၀ံၤန့ၣ်‚ အ၀ဲတစံးဆၢယၤ တၢ်နီတမံၤဘၣ်ႉ မ့ၢ်ယမၤဘၣ် တၢ်တလၢကွံာ်လံဧါႉ ယတအဲၣ်ဒိး မၤအၢအါထီၣ် ပတၢ်အိၣ်သးတဖၣ် ခီဖျိ ယကမၤတံာ်တာ်အီၤဘၣ်‚ ဘၣ်ဆၣ် ယတအဲၣ်ဒိးပာ်တ့ၢ် တၢ်ဂ့ၢ်တအိၣ်ဒီး တၢ်ဃ့ၣ်လီၤဘှါလီၤကွံာ် တၢ်အကမိာ်ဒ်န့ၣ်ဘၣ်‚ အဂ့ၢ်ဒ်အံၤ အ၀ဲဒၣ် အိၣ်ဒီး အတၢ်လဲၤတၢ်ဆူ ထံဂုၤကီၢ်ဂၤ စ့ၢ်ကီးန့ၣ်လီၤႉ မ့ၢ်လၢအ၀ဲအဂ့ၢ်နုာ်လီၤဟးထီၣ်လၢ ယသးပူၤခဲအံၤခဲအံၤ အဃိ ယထုကဖၣ်တၢ်လၢအဂီၢ်‚ ဒီးတၢ်ကမၤသး ဆူညါန့ၣ် တလီၤတံၢ်၀ဲဘၣ်လီၤႉ တၢ်န့ၢ်၀ံၤဒီး တဂီၤတခီၣ် ဖဲယဟး လၢပအိၣ်တၢ်အလီၢ်ဖီကရၠာစးၢၢ်အပူၤန့ၣ် ယထံၣ်အီၤ‚ ဒီးဖဲ အ၀ဲ ကွၢ်ဃီၤယၤတဘျးန့ၣ် တၢ်သးဆါဖျါထီၣ်လၢအမဲာ်လိၤ န့ၣ်လီၤႉ ‘‘တၢ်ဘျုးလီၤ ကစၢ်ဧၢ‚ လၢယကတိၤဘၣ်တၢ် ဒီးအီၤအဃိလီၤ‚’’ ယသါသဖှိထီၣ် ဖဲယသုးဘူးသးဆူအကပၤအိၣ်ဒီး တၢ်နံၤကမှံ သဂၢၢ်အီၤန့ၣ်လီၤႉ ပကတိၤသကိးတၢ် တအိၣ်ဒီးတၢ်ပာ်သဒၢတၢ်နီတမံၤဘၣ်‚ ဒီးတၢ်ဂ့ၢ်တဖၣ်န့ၣ် ပမၤဖှၣ်လီၤဃ့ၣ်လီၤကွံာ်ဘၣ်အီၤလံန့ၣ်လီၤႉ
တဘျီတခီၣ် ဖဲတၢ်တမုာ်တလၤ မ့တမ့ၢ် တၢ်အိၣ်ဘရၣ်အိၣ်ဘှီၣ် ဆွံနုာ်ဆူၣ် အသးလၢ ပတၢ်ရၠာစး့လိာ်ဘၣ်ထွဲအပူၤန့ၣ် တၢ်မၤဂ့ၤမၤမုာ်က့ၤ တၢ်န့ၣ်ဖျါလၢ ပမၤတသ့၀ဲ ဘၣ်လီၤႉ ဘၣ်ဆၣ် ဒ်စီၤပီလူး ကွဲးန့ၢ်တၢ်ပရၠာစးၢ ဆူအ့းဖ့းစူးတၢ်အိၣ်ဖှိၣ်အသိး‚ ပ၀ဲတဖၣ် ပဘၣ်တၢ်ကိးပှၤ လၢတၢ်ဃူတၢ်ဖိးဒီး တၢ်တမံၤဃီအဂီၢ် လၢယွၤအသးစီဆှံ အဃိ‚ ကူထီၣ်သိးထီၣ် တၢ်ဆီၣ်လီၤသး‚ တၢ်သူၣ်စူၤသးစူၤ‚ ဒီးတၢ်၀ံသးစူၤ ဒ်ပဃုထံၣ်ယွၤအတၢ်ကူစါမၤဘျါ ပတၢ်ရၠာစး့လိာ်ဘၣ်ထွဲတဖၣ်န့ၣ်လီၤႉ ကစၢ်ဆၢန့ၢ်၀ဲ ဒိၣ်ဒိၣ်ကလဲာ်လၢ ပကမ့ၢ်တၢ်တမံၤဃီ‚ ဒီးခီဖျိအသးစီဆှံန့ၣ် အ၀ဲကမၤက့ၤ အပှၤကညီတဖၣ် တၢ်တမံၤဃီ‚ ဖဲပလဲၤဟးလၢဖီကရၠာစးၢၢ်ပူၤ လၢတၢ်တဆိကမိၣ်အပူၤ ဘၣ်ဒၣ်လဲၣ်န့ၣ်လီၤႉ