ဖဲယတၢ်ထီဒါက့ၤ တၢ်သးတံာ်တာ်ဒီး တၢ်သးဟၢလၢာ် (မ့ၢ်လၢ ယဟူးဂဲၤ န့ၢ်ဒၣ်တဆံးတက့ၢ် ဒီးယအိၣ်လၢတၢ်ဆါယံာ်ဆါထၢအလီၢ်မံခိၣ်) သၢနံၣ်တနံၣ်န့ၣ်‚ ယစံးဘၣ် ယတံၤသကိးတဂၤလၢ ‘‘ယမိၢ်ပှၢ်အံၤ ကၢ်အက့က့အခီခီ‚ ယကလၢၢ်ဘၣ်လၢ တၢ်လၢအလုၢ်ပရၤအိၣ်တအိၣ်ဒီးယၤနီတမံၤ လၢယကဟ့ၣ်ဆၢက့ၤ ယွၤမ့ၢ်ဂ့ၤ ပှၤကညီတဂၤဂၤမ့ၢ်ဂ့ၤလၢၤဘၣ်လီၤ’’
အ၀ဲအစုပာ်လီၤ၀ဲလၢ ယလိၤန့ၣ်လီၤႉ ‘‘နစံးလၢ ဖဲယဆၢဂ့ၤဆၢ၀ါနၤ အိၣ်ဒီးတၢ်နံၤကမှံမ့ၢ်ဂ့ၤ ယဒိကနၣ်န့ၢ် နၤ နတၢ်ကတိၤမ့ၢ်ဂ့ၤအခါဒၣ်လဲာ် တၢ်လီၤဆီမနုၤမး တအိၣ်ဘၣ်ဧါ’’ ယဆ့ၣ်နီၣ်လီၤလၢယလီၢ်ဆ့ၣ်နီၤဒီးစံး ‘‘မ့ၢ်‚ အနီၢ်ကီၢ်လီၤ’’
အ၀ဲထိၣ်ဒုထီၣ်အမဲာ်လီၤႉ ‘‘ဘၣ်မနုၤ နလီလီၤက့ၤ နသးလဲၣ်ႉ နမၤတၢ်တဖၣ်ခဲလၢာ်န့ၣ် မ့ၢ်လၢယဂီၢ် ဒီးလၢပှၤဂၤဂီၢ်န့ၣ်လီၤႉ’’
ယစံးဘျုးယွၤလၢ အဟ့ၣ်ပလီၢ်ယၤ လၢတၢ်လၢပမၤလၢအဂီၢ်တဖၣ်န့ၣ် အသူတဂိာ်တအိၣ်နီတမံၤဘၣ်လီၤႉ ဖဲ ၁ ကရၠာစးံၣ်သူးအဆၢဒိၣ် ၁၅ န့ၣ် စီၤပီလူး မၤလီၤတံၢ်ပှၤ‚ ဘၣ်သ့ၣ်သ့ၣ်အခဲအံၤ ပမိၢ်ပှၢ်အံၤအဂံၢ်အဘါကစၢ်‚ ဘၣ်ဆၣ် တၢ် တဖၣ်အံၤ ကဘၣ်တၢ် ‘‘မၤဂဲၤဆၢထၢၣ်က့ၤအိၣ်ဒီးအစိအကမီၤ’’ န့ၣ်လီၤ (း၄၃) ႉ မ့ၢ်လၢ ကစၢ်ယွၤအၢၣ်လီၤပှၤ လၢပကဂဲၤဆၢထၢၣ်က့ၤ ခီဖျိခရၠာစးံာ်န့ၣ် ပနာ်န့ၢ်အီၤ လၢပတၢ်လုၢ်ထီၣ်တဖၣ်ခဲလၢာ်‚ တၢ်မၤအဆံးကတၢၢ်ဖိ လၢပမၤလၢအဂီၢ်တဖၣ်‚ မ့ၢ်တၢ်လၢအလုၢ်အပရၤအိၣ်၀ဲ လၢအဘီအမုၢ်ပူၤန့ၣ်လီၤ (း၅၈) ႉ
ဖဲပအိၣ်ဒီးနီၢ်ခိအတၢ်ဂံၢ်စၢ်ဘါစၢ်ဒၣ်လဲာ်‚ တၢ်နံၤကမှံတဖိးဖိ‚ တၢ်ကတိၤ ဟ့ၣ်ဂံၢ်ဟ့ၣ်ဘါတဖျၢၣ်ဖိ‚ တၢ်ထုကဖၣ်တယုၢ်ဖိ‚ မ့တမ့ၢ် တၢ်ပာ်ဖျါထီၣ်တၢ်နာ် ဖဲတၢ်ကီတၢ်ခဲအကတီၢ်န့ၣ် ပသူအီၤသ့လၢပကမၤတၢ်လၢခရၠာစးံာ်အနီၢ်ခိ လၢအလီၤဆီ လိာ်သးအကလုာ်ကလုာ် ဒီးဘၣ်သန့ၤလိာ်သးကဒဲကဒဲအဂီၢ်သ့၀ဲန့ၣ်လီၤႉ ဖဲပမၤ တၢ်လၢကစၢ်အဂီၢ်န့ၣ်‚ တၢ်မၤမ့တမ့ၢ်တၢ်အဲၣ်အတၢ်ဟူးတၢ်ဂဲၤလၢ တအိၣ်ဒီး တၢ်သ့တၢ်ဘၣ်ဒီးတကဲဘျုးဘၣ်န့ၣ် တအိၣ်နီတမံၤဘၣ်ႉ