ဖဲယ၀ၤသးဘိအူ တနၢ်အူ လၢတၢ်စံးထီၣ်ပ့တၢၤယွၤသီတူၢ်ကရၠာစးၢဖိအကျါန့ၣ်‚ ယပာ်သူၣ်ပာ်သးဘၣ်လၢ တဘျီတခီၣ်န့ၣ် အ၀ဲဘံၣ်ဃာ်အမဲာ်ဖဲအအူတၢ်အခါန့ၣ်လီၤႉစံး၀ဲလၢမ့ၢ်အမၤ၀ဲဒ်သိးအံၤန့ၣ် ကဲထီၣ်တၢ်ထိၣ်စူၣ်လီၤသးလၢတၢ်အူအပူၤဒီး Bတီဃာ် ကယဲၢ်တၢ်တံာ်တာ်တဖၣ်အဃိ အ၀ဲအသးအိၣ်ဒၣ်လၢအတနၢ်အူ‚ တၢ်သး၀ံၣ်အပူၤ အဃိ အူတၢ်သ့အဂ့ၤကတၢၢ်န့ၣ် ကဲထီၣ်တၢ်စံးထီၣ်ပ့တၢၤ ယွၤ နီၢ်နီၢ်န့ၣ်လီၤႉ
ပှၤတနီၤ ဆိကမိၣ်လၢ ဖဲပထုကဖၣ်တၢ်အခါ ပမဲာ်ချံတဖၣ် ပကဘၣ်ဘံၣ်ဃာ်အီၤလီၤႉ မ့ၢ်လၢ ပထုကဖၣ် တၢ်န့ၣ်သ့၀ဲကိးဆၢကတီၢ်‚ ဒီးဖဲတၢ်လီၢ်တပူၤဂ့ၤတပူၤဂ့ၤ သ့၀ဲအဃိ တၢ်ကီတၢ်ခဲအိၣ်၀ဲ ခီဖျိပကဘၣ်ဘံၣ်ပမဲာ်အံၤလီၤႉ လီၤဆီဒၣ်တၢ် ဖဲပဟးကျဲအခါ‚ ပထဲးပ့ထၢမုၢ်အခါ‚ မ့တမ့ၢ် ပနီၣ်သိလ့ၣ်အခါန့ၣ်လီၤႉ ဒ်န့ၣ်အသိးလီၤ‚ လၢပကထုကဖၣ်တၢ်အဂီၢ် တၢ်သိၣ်တၢ်ဘျၢ လၢပကဘၣ်ပာ်ပမိၢ်ပှၢ်ဒ်အံၤဒ်နုၤန့ၣ်တအိၣ်ဘၣ်ႉ ဖဲစီၤပၤ့ှှလိၤမိၤထုကဖၣ်တၢ်လၢ အကပာ်စီဆှံတၢ်လုၢ်ဟံၣ် လၢအဘီှ၀ဲအခါ အ၀ဲချံးလီၤအခီၣ်ဒီးယၤထီၣ်အစုဆူ မူခိၣ်လီၤ (၂ ကွဲး ၆း၁၃-၁၄) ႉ တၢ်ချံးလီၤခီၣ် (အ့ ၃း၁၄) ‚ တၢ်ဆၢထၢၣ် (လူၤ ၁၈း၁၀-၁၃) ‚ တၢ်ဒါလီၤမဲာ်သၣ်ဆူလာ် (မး ၂၆း၃၉) ႉ တၢ်ပာ်မိၢ်ပှၢ်က့ၢ်ဂီၤတဖၣ်အံၤ ဘၣ်တၢ်ပာ်ဖျါလၢလံာ်စီဆှံအပူၤ ဖဲပကထုကဖၣ်တၢ်အခါလီၤႉ
ပချံးလီၤခီၣ်ဂ့ၤ‚ ဆၢထၢၣ်ဂ့ၤ လၢယွၤအမဲာ်ညါအံၤ‚ ပတယၢ်ထီၣ်ပစု လၢမူခိၣ် ဂ့ၤ‚ ပဘံၣ်မဲာ်လၢ တၢ်ကထိၣ်စူၣ်လီၤသးလၢ ယွၤအအိၣ်အံၤ‚ တၢ်အံၤတမ့ၢ်ပကဘၣ်ပာ် ပနီၢ်ခိပမိၢ်ပှၢ်ဒ်အံၤဒ်နုၤန့ၣ် တမ့ၢ်တၢ်အကါဒိၣ်ဘၣ်‚ မ့မ့ၢ်တၢ်ပာ်ပသးဒ်လဲၣ်ဒ်နုၤ မ့ၢ်တၢ်အကါဒိၣ်တခီလီၤႉ တၢ်ကိးမံၤဒဲးလၢပမၤတဖၣ် ဟဲထီၣ်လၢပသးပူၤလီၤ (ကတိၤ ၄း၂၃) ႉ ဖဲပထုကဖၣ်တၢ်အခါ‚ မ်ပကဆုးလီၤပသး အိၣ်ဒီးတၢ်အဲၣ်ဘၣ်ယွၤ‚ တၢ်စံးဘျုးက့ၤအီၤ‚ ဒီးတၢ်ဆီၣ်လီၤသးလၢအပူၤတက့ၢ်ႉ အဂ့ၢ်ဒ်အံၤ ပသ့ၣ်ညါလၢ ‘‘အမဲာ်ချံတဖၣ်အိၣ်အိးထီၣ်သး‚ အနၢ်တဖၣ်အိၣ်ခိးဒိကနၣ်ပတၢ်ထုကဖၣ်’’ လၢအပှၤ ဂီၢ်မုၢ်အဂီၢ်လီၤ (၂ ကွဲးနီၣ် ၆း၄၀) ႉ