‘ယအိၣ်မူတ့ၢ်ယဲလၢကသ့ၣ်လ့ၣ်အစိၤ တုၤပှၤကညီဟးလၢလါအလိၤ န့ၣ်လီၤႉ ဘၣ်ဆၣ် ယတဆိကမိၣ်လၢ တၢ်ဆၢကတီၢ်ကဖုၣ်ထဲအံၤဘၣ်’’ တၢ်ကတိၤလၢပှၤသးပှၢ်တဂၤ စံး၀ဲ ဆူအလံၤမုၣ်‚ လၢအတဲန့ၢ်ယၤ အဖုအဂ့ၢ်အကျိၤတဖၣ် တယံာ်ဒံးဘၣ်အခါ ‘‘ဆၢကတီၢ်တဖၣ် မ့ၢ်ဖုၣ်ထဲသိးအံၤ ယတဆိကမိၣ်ကွၢ်က့ၤ နီတစဲးဘၣ်’’န့ၣ်လီၤႉ
တၢ်အိၣ်မူန့ၣ်ဖုၣ်၀ဲလီၤ‚ ဒီးပ၀ဲဒၣ်အါဂၤဃၣ်ဃီၤဆူ ကစၢ်ယ့ၣ်။းအအိၣ် မ့ၢ်လၢ ပအဲၣ်ဒိးအိၣ်မူလီၤစိၤအဃိလီၤႉ တၢ်အံၤတမ့ၢ်တၢ်အအၢဘၣ်‚ ဘၣ်ဆၣ်တၢ်မူအထူအယိာ် မ့ၢ်တၢ်မနုၤနီၢ်နီၢ်လဲၣ်န့ၣ်‚ ပတနၢ်ပၢၢ်ဘၣ်ႉ ညီနုၢ်ပဆၢန့ၢ် တၢ်လၢအကမၣ်တဖၣ်လီၤႉ ပဆၢန့ၢ်ဘၣ်တၢ်ဂ့ၤန့ၢ်ဂ့ၤဒီး‚ ဒီးပဆိကမိၣ်လၢတၢ်အဂၤအိၣ်ဒၣ်ဖဲ ဆူမဲာ်ညါတစိၤဖိဧိၤ န့ၣ်လီၤႉ ‘မ့မ့ၢ်ဒၣ်လၢယဟးထီၣ်ကၠိလံန့ၣ်ကဂ့ၤ’ ‘ယမ့ၢ်မၤန့ၢ် တၢ်မၤအ၀ဲန့ၣ်န့ၢ်ကဂ့ၤ’ ‘ယဆၢလၢယမ့ၢ်ဖျီယသးန့ၣ် ၀ံၤလီၤႉ’ ‘တၢ်မိၣ်အိၣ်ဘှံးလၢတၢ်မၤလံ’’‚ ဒီးတုၤမုၢ်တနံၤန့ၣ် ပကစံးဒ်ပဖုစံးအသိး‚ ဒီးပဆိကမိၣ်တၢ်ဆၢကတီၢ်မ့ၢ် အယူၤကွံာ်ဆူလဲၣ်လံလဲၣ်န့ၣ်လီၤႉ
တၢ်မ့ၢ်တၢ်တီတခီ‚ ပအိၣ်ဒီး တၢ်မူအထူအယိာ်အခဲအံၤန့ၣ်လီၤႉ တၢ်မၢဖိ စီၤပီလူး ကွဲး၀ဲ‚ ‘‘သးအတၢ်သိၣ်တၢ်သီဘၣ်ဃးဒီးတၢ်မူ လၢယ့ၣ်။းခရၠာစးံာ်အပူၤန့ၣ်‚ မၤထူၣ်ဖျဲးယၤလၢတၢ်သိၣ်တၢ်သီ ဘၣ်ဃးဒီးတၢ်ဒဲးဘးဒီးတၢ်သံန့ၣ်လီၤ’’ (ရၠာစးိမ့ၤ ၈း၂) ႉ ဒီးအ၀ဲဒၣ်စံး‚ ‘‘ပှၤဘၣ်ဃးဒီးတၢ်ဖံးတၢ်ညၣ်တဖၣ်န့ၣ်‚ သးအိၣ်တၢ်ဖံးတၢ်ညၣ်အတၢ် လီၤႉ မ့မ့ၢ်ပှၤဘၣ်ဃးဒီး သးတဖၣ်န့ၣ်‚ လၢသးန့ၣ်အတၢ်လီၤ’’ (း၅) ႉ အခီပညီန့ၣ်‚ ပတၢ်မိၢ်န့ၢ်သးလီတဖၣ် လဲလိာ်၀ဲဖဲပဟဲဆူ ခရၠာစးံာ်အအိၣ်အခါန့ၣ်လီၤႉ ‘‘တၢ်ပျဲ ကစၢ်ယွၤအသးပၢပှၤန့ၣ် အကတၢၢ်မ့ၢ် တၢ်မူဒီးတၢ်ဃူတၢ်ဖိးန့ၣ်လီၤ’’ (း၆‚ ခ့ခါ) ႉ
တၢ်အိၣ်မူအတၢ်လီတၢ်၀့ၤဖးဒိၣ်တမံၤန့ၣ် မ့ၢ်၀ဲပကဘၣ်အိၣ်လၢ တၢ်လီၢ်အဂၤ တတီၤ‚ ပကဘၣ်မၤတၢ်အဂၤတမံၤ‚ ဃုာ်ဒီးပှၤအဂၤတဂၤ‚ တချုးလၢပစးထီၣ် အိၣ်မူနီၢ်နီၢ်ဒံးဘၣ်လီၤႉ ဖဲပထံၣ်န့ၢ် ပတၢ်အိၣ်မူလၢ ယ့ၣ်။းအပူၤန့ၣ်‚ ပခီလဲလိာ်ကွံာ် တၢ်သးအုး လၢတၢ်အိၣ်မူဖုၣ်ဖုၣ်အပူၤအံၤ ဆူတၢ်သးခုအလၢအပှဲၤလၢပပူၤအခဲအံၤ ဒီးအစိၤစိၤအဃၣ်ဃၣ်လီၤႉ