လၢမဲာ်ထံမဲာ်နိအပူၤ ယသကိးမုၣ်စံး၀ဲ‚ ‘‘ယနာ်ပှၤနီတဂၤတသ့ဘၣ်ႉ ဖဲယနာ်အ၀ဲသ့ၣ် တဘျီလၢ်လၢ်န့ၣ်‚ အ၀ဲသ့ၣ်မၤဘၣ်ဒိယသးလီၤ’’ႉ အတၢ်ဂ့ၢ်တၢ်ကျိၤအံၤ မၤသးဒိၣ် ယၤမးလီၤႉ အတၢ်အဲၣ်တီလီၢ်လံၤ လၢအ၀ဲဆိကမိၣ်နီၢ်နီၢ် လၢနာ်၀ဲကသ့တဂၤ စးထီၣ်ရၠာစးၤလီၤ တၢ်ဟူထီၣ်သါလီၤကလီကလီ ဘၣ်ဃးဒီးအဂ့ၢ်‚ ဖဲအ၀ဲသ့ၣ်လီၤဖး၀ံၤ တဘျီဃီန့ၣ်လီၤႉ ယသကိးအဖိသၣ်ခါအကတီၢ်န့ၣ် ပှဲၤဒီး တၢ်ဘၣ်ဒိဆါတဖၣ်‚ ဒီးဖဲအ၀ဲကျဲးစၢးနာ်က့ၤပှၤကဒီးအခါ‚ တၢ်သးတတီၤအံၤ ဖျါ၀ဲ ဒ်အမ့ၢ်တၢ်မၤဂၢၢ်မၤကျၢၤအါထီၣ် အီၤလၢ ပှၤကညီတဖၣ်န့ၣ် ပနာ်အီၤတသ့ဘၣ်န့ၣ်လီၤ
ယကျဲးစၢးဃု တၢ်ကတိၤ လၢကမၤမုာ်ထီၣ်အဂီၢ်လီၤႉ အ၀ဲဆိကမိၣ် လၢတၢ်ကထံၣ်န့ၢ်ပှၤတဂၤလၢ ပနာ်အီၤသ့ လၢလၢပှဲၤပှဲၤအဂီၢ် ကီ၀ဲခဲ၀ဲဒိၣ်မးလီၤႉ ယစံးတသ့လၢ အတၢ်ဆိကမိၣ်တဘၣ်ဘၣ်ႉ ယစံးတသ့စ့ၢ်ကီးလၢ ပှၤအါဂၤ မ့ၢ်ပှၤသူၣ်ဂ့ၤသး၀ါဒီး ပနာ်အီၤသ့တဖၣ်လီၤန့ၣ်ဘၣ်ႉ အတၢ် လဲၤခီဖျိဒုးသ့ၣ်နီၣ်က့ၤ တၢ်သးတတီဒီးယၤ‚ လၢအမၤတ့ၢ် အသးလၢ တၢ်တဆိကမိၣ်အပူၤ လၢယတၢ်အိၣ်မူအပူၤ န့ၣ်လီၤႉ လံာ်စီဆှံပာ်ဖျါ၀ဲ လိၤကတိၤ ဘၣ်ဃးဒီးပှၤကညီအန့ဆၢၣ်လီၤႉ ဖဲကတိၤဒိ ၂၀း၆ န့ၣ်‚ ပှၤကွဲးလံာ်စံးတၢ်တမံၤဃီ‚ ဒ်ယသကိးအတၢ်သူၣ်ဟးဂီၤသးဟးဂီၤ‚ လၢအဒုးသ့ၣ်နီၣ်က့ၤပှၤ ထီဘိတၢ်တတီဒီးပှၤ အတၢ်မၤဘၣ်ဒိဆါန့ၣ်လီၤႉ
တၢ်လၢ ယစံးသ့န့ၣ် မ့ၢ်အအံၤလီၤႉ ပှၤဂုၤပှၤဂၤ အတၢ်အၢတၢ်သီန့ၣ် မ့ၢ်ဒၣ် တၢ်မၤအသးတပတီၢ်ဖိဧိၤန့ၣ်လီၤႉ ပှၤဂၤ အတၢ်မၤဘၣ်ဒိဘၣ်ထံး မ့ၢ်တၢ်အနီၢ်ကီၢ် ဒီးဘၣ်ဒိဘၣ်ဆါနာ်သက့‚ ကစၢ်ယ့ၣ်။း ဒုးအိၣ်ထီၣ် တၢ်အဲၣ်နီၢ်နီၢ်သ့၀ဲလီၤႉ ဖဲယိၤဟၣ် ၁၃း၃၅ န့ၣ်‚ ကစၢ်ယ့ၣ်။းစံးဘၣ် အပျဲၢ်အဘီၣ်လၢ ဟီၣ်ခိၣ်ကသ့ၣ်ညါ လၢအ၀ဲသ့ၣ်မ့ၢ် အပှၤပိာ်အခံတဖၣ် ခီဖျိလၢ အ၀ဲသ့ၣ်အတၢ်အဲၣ်အဃိန့ၣ်လီၤႉ ပှၤတနီၤနီၤ ကမၤဆါပှၤသ့ၣ်သ့ၣ်‚ ဘၣ်ဆၣ်လၢ ကစၢ်ယ့ၣ်။းအဃိ‚ ပှၤကအိၣ်၀ဲထီဘိ လၢအနီၤဟ့ၣ်အတၢ်အဲၣ်ကလီကလီ‚ လၢအမၤစၢၤဆီၣ်ထွဲဒီး ကဟုကယာ်ပှၤ ဒ်လဲၣ်ဂ့ၤဒ်လဲၣ်ဂ့ၤန့ၣ်လီၤႉ လၢခရၠာစးံာ်အတၢ်အဲၣ်လၢ အတလီၤတူာ်လီၤကာ်ဘၣ်အပူၤ‚ မ်ပကထံၣ်န့ၢ် တၢ်မၤဘျါ‚ တၢ်ရၠာစး့လိာ်ဘၣ်ထွဲလိာ်သး‚ ဒီးတၢ်သးဒူလၢ ကအဲၣ်ပှၤဂၤ ဒ်ခရၠာစးံာ်အဲၣ်အ၀ဲအသိးတက့ၢ်ႉ