ထူၣ်စုညါဖးဒိၣ်လၢ တၢ်မၤကပီၤဃာ်အီၤတထူၣ် ဆၢထၢၣ်အိၣ်ထူၣ်ကလာ်အသး လၢလၢၢ်ပၢၤခိၣ်ထီၣ်ထီလၢ ပှၤကိးအီၤ ‘‘လၢၢ်စီၢ်နီၤခိၣ်’’ အဖီခိၣ်ဒီး ကွၢ်စိလီၤ တၢ်ဆူ၀့ၢ်လၢ ယအိၣ်ဖျဲၣ်ထီၣ်န့ၣ်လီၤႉ ဟံၣ်တဘျုးဖျၢၣ်အိၣ်သူၣ်လီၤဆီလီၤအသးဖဲ အခိၣ်အဃၢၤလီၤႉ ဘၣ်ဆၣ်တယံာ်ဒံးဘၣ်အခါ‚ ဟံၣ်ကစၢ်တဖၣ် တၢ်မၤဆူၣ်အီၤ လၢကဟးထီၣ်ကွံာ်၀ဲ‚ မ့ၢ်လၢတၢ်ဘၣ်ယိၣ် အလီၢ်အိၣ် အဃိန့ၣ်လီၤႉ အ၀ဲသ့ၣ်အိၣ်ဘူးဒီး လၢၢ်စီၢ်နီၤခိၣ်အလၢၢ်ခံ ဒါ လၢအဂၢၢ်အကျၢၤဘၣ်ဆၣ် ဟံၣ်တဖၣ်အံၤ တၢ်ဘံၣ် တၢ်ဘၢတအိၣ်ဘၣ်ႉ အ၀ဲသ့ၣ် သုးကစီၤအသး လၢအတၢ် ခီၣ်ထံးအလိၤဒၣ်၀ဲသၢလဲးမးဃၣ်ဃၣ် ကိးနံၤဒဲးန့ၣ်လီၤႉ တၢ်အံၤ ဒုးအိၣ်ထီၣ် တၢ်ဘၣ်ယိၣ်လၢ ထံပီၤဘိတဖၣ် ကဟးအီၤထူၣ်ဖျိ ဒီး မၤခ@ထီၣ်တၢ်လီၤသဖှူန့ၣ်လီၤႉ
ကစၢ်ယ့ၣ်။းထိၣ်သBတီၤ၀ဲ ပှၤလၢအနၢ်ဟူဒီး ဒိကနၣ် အကလုၢ်ကထါတဖၣ်ဒီး ပှၤလၢအသူၣ်ထီၣ် ဟံၣ်လၢ လၢၢ်အလိၤတဖၣ်န့ၣ်လီၤ (လူၤ ၆း၄၇-၄၈) ႉ ဖဲကလံၤမုၢ်လီၤအခါ‚ ဟံၣ်တဖၣ်အံၤ တဟးဂီၤဘၣ်ႉ မ့မ့ၢ် ဟံၣ်လၢအတသူၣ်ထီၣ်အသးလၢ တၢ်အခီၣ်ထံး ခီၣ်ကျၢၤအလိၤဘၣ်တဖၣ်‚ ဒ်ပစံးတၢ်အသိး ပှၤလၢအတဒိကနၣ် အတၢ်သိၣ်တၢ်သီ တဖၣ်န့ၣ်‚ တူၢ်ခီၣ်ကွၢ်ဆၢၣ်မဲာ် တၢ်စူၤထံယွၤလီၤတဖၣ်တန့ၢ်ဘၣ်ႉ
တၢ်မၤသးအါဘျီ ဖဲတၢ်လ့ပစီယၤ ဒ်သိးယသုတကနၣ်ဃုာ် ယသး အခီၣ်ဒီးၣ်ဘၣ်ႉ ယသ့ၣ်ညါလၢယွၤဃ့ယၤ အါန့ၢ်ယဟ့ၣ်တ့ၢ်လံန့ၣ်လီၤႉ ယဆိကမိၣ် လၢယဟ့ၣ်ဆၢက့ၤတၢ်န့ၣ် ‘‘ဘူးလၢကထီၣ်ဘး’’ ကစီဒီလီၤႉ နာ်သက့ ဟံၣ်တဖၣ် လၢအသုးအသး လၢကစၢၢ်ခီၣ်ထံးတဖၣ် ဒုးထံၣ်ယၤလၢ‚ ဖဲအဘၣ်ဃးဒီး တၢ်ဒိကနၣ် ကစၢ်ခရၠာစးံာ်အဂ့ၢ်န့ၣ်‚ ‘‘တၢ်အိၣ်ဘူး’’ န့ၣ် တမ့ၢ်တၢ်လၢတၢ်လီၢ်ဒံးဘၣ်ႉ ဒ်သိး ပကလီၤဂာ်ဒီး ပှၤလၢအသူၣ်ထီၣ်အဟံၣ်လၢ လၢၢ်ခီၣ်ထံးကျၢၤအလိၤဒီး ခီၣ်ဆၢ သးသမူအကလံၤမုၢ်တွၤတဖၣ် လၢအညီနုၢ်ဟဲထီဒါပှၤဆူၣ်ဆူၣ်အဂီၢ်န့ၣ်‚ ပကဘၣ်ဒိကနၣ် ပကစၢ်အကလုၢ် လၢလၢပှဲၤပှဲၤန့ၣ်လီၤႉ