တၢ်ဒုးနဲၣ်ကျဲ လၢထံလီၤဆူအပူၤ
တၢ်မုာ်ဘၣ်ယသး ဖဲလၢယလဲၤဆူထံလီၤဆူဆူၣ်အပူၤ‚ အဆိကတၢၢ်တဘျီအခါ တချုးဒံးဘၣ် ဖဲယနၢ်ဟူတၢ်သီၣ်ဖးဒိၣ်အခါန့ၣ်လီၤႉ ဖဲလၢယနၢ်ဟူတၢ်ကလုၢ်သီၣ် ဖးဒိၣ်အခါန့ၣ် ယသးပူၤတဂၢၢ်တကျၢၤလၢၤဘၣ်ႉ ပျံၤတၢ်ဖုးတၢ်တဘျီဃီဖဲန့ၣ်လီၤႉ တၢ်အံၤ မ့ၢ်၀ဲ ယတၢ်လဲၤဟးဒီးထံလီၤဆှူ၀ါ အဆိကတၢၢ်တဘျီ အတၢ်လဲၤခီဖျိန့ၣ်လီၤႉ တယံာ်ဘၣ်ဒီး၀ံၤ၀ဲလီၤႉ ပှၤပၢၤတၢ်အိၣ်လၢပလီၢ်ခံ ဒီးနဲၣ်ပှၤ လၢပတၢ်ဒီးထံလီၤဆူ၀ါအံၤ ဒီတကတီၢ်ညါန့ၣ်လီၤႉ ယလဲၤခီဖျိ တၢ်အံၤဂ့ၤဂ့ၤ ဘၣ်ဘၣ်လီၤႉ
တဘျီတခီၣ် လၢပတၢ်အိၣ်မူတၢ်လဲၤခီဖျိအံၤန့ၣ် လီၤဂာ်ဒ်ပဒိးထံလီၤဆူ၀ါအသိးန့ၣ်လီၤႉ လၢပတၢ်အိၣ်မူ တၢ်လဲၤခီဖျိ အထီၣ်အလီၤအပူၤ ဒ်အမ့ၢ်၀ဲပဃုတၢ်မၤ အဂၤ‚ အိၣ်သကိးဃုာ်ဒီးမိၢ်ပၢ်ဆူ ဘၣ်အိၣ်ထဲတဂၤ‚ မ့တမ့ၢ် ဃုာ်ဒီး ပသးသမူတံၤသကိး‚ ပအိၣ်ဒီးပတၢ်မၤဆူ ပဟံးန့ၢ် တၢ်အိၣ်ဘှံး‚ သးစၢ်ဆူသးပှၢ်‚ တၢ်သ့ၣ်တဖၣ်အံၤ ဒုးကဲထီၣ်ပှၤ တၢ်တလီၤတံၢ်လီၤဆဲး ဘၣ်ဒီးတၢ်တဘံၣ်တဘၢဘၣ် တဖၣ်န့ၣ်လီၤႉ
လၢလံာ်စီဆှံအလီၢ်လံၤအပူၤ တၢ်ဆီတလဲ မၤအသးတဘျီ ဖဲလၢစီၤ့ှှလိၤမိၤ ထီၣ်နီလၢအပၢ်အလီၢ် အခါန့ၣ်လီၤႉ ယနာ်လၢစီၤ့ှှလိၤမိၤအသးပူၤ ကအိၣ်ဒီး တၢ်တလီၤတံၢ်လီၤဆဲး ဘၣ်လၢအ၀ဲအတၢ်အိၣ်မူဆူညါ အဂီၢ်န့ၣ်လီၤႉ ဒီးအပၢ်ဟ့ၣ်ဂံၢ်ဟ့ၣ်ဘါအီၤ ဒီးစံး‚ ‘‘ပာ်ဆူၣ် နသးဒီးတံးတဟီၣ်တက့ၢ်ႉ ဒီးမၤတၢ်တက့ၢ်ႉႉႉ…
တၢ်လၢအယါဘျါတၢ်သးကါ
လၢတၢ်သးခုအပူၤ ဘၣ်ယသးလၢယကကွၢ်ထွဲယလံၤဖိတဖၣ် ဖဲလၢအမိၢ်အပၢ် ဟးထီၣ်၀ဲ လၢတၢ်ချၢလၢမုၢ်ဟါလီၤအခါန့ၣ်လီၤႉ ယဖိးဟုအ၀ဲသ့ၣ်၀ံၤ ဒီးယသံကွၢ် အ၀ဲသ့ၣ်လၢတနွံအံၤ အတီၢ်ပူၤ မ့ၢ်သုမၤတၢ်၀ံၤမနုၤတမံၤလဲၣ်န့ၣ်လီၤႉ (အ၀ဲသ့ၣ် ခံဂၤအိၣ် ဒီးအတၢ်ဂုာ်ကျဲးစၢးဒၣ်၀ဲစုာ်စုာ်န့ၣ်လီၤ) ႉ ဘရၠာစး့းဂၢၢ်လၢအအိၣ်၀ဲ သၢနံၣ်ဖိတဂၤ အံၤ စံး၀ဲ လၢအတၢ်လဲၤခီဖျိဃုာ်ဒီး မုၢ်ဂၢ်‚ ဖါတံၢ်လၢမုၢ်နၤခါ‚ အ၀ဲအိၣ်ဒီးအကိၣ်ထံလီၤသကၤတဖၣ်‚ ဒီးအိၣ်ဒီးအတၢ် လိာ်ကွဲတဖၣ် ဒီးကွၢ်ဘၣ်၀ဲတၢ်ဂီၤမူအဂ့ၢ်န့ၣ်လီၤႉ ဒီးလၢခံ စဲၣ်မၠူယၢၣ်ကဘၣ်တဲ၀ဲ အတၢ်လဲၤခီဖျိအကတီၢ်န့ၣ် ယသံကွၢ်အီၤ ‘‘နၤတခီလဲၣ်‚ စဲၣ်မၠူၣ်ယၢၣ်’’ ဒီးအ၀ဲစံးဆၢ၀ဲ‚ ‘‘လဲၤဟးလိာ်ကွဲသကိး‚’’ န့ၣ်လီၤႉ ဒီးယသံကွၢ်အီၤ‚ နလဲၤဟးလိာ်ကွဲသကိး တၢ်မုာ်ဘၣ်နသးဧါ’’ ဒီးအ၀ဲစံးဆၢ၀ဲ‚ ‘‘တမ့ၢ်ထဲန့ၣ်ညါဘၣ်နဲၣ်’’ န့ၣ်လီၤႉ
စဲၣ်မၠူၣ်ယၢၣ် အသးအနံၣ်အလါ၀ဲအံၤ မ့ၢ်၀ဲ အသးကါတၢ်သ့ အနံၣ်အလါန့ၣ်လီၤႉ အ၀ဲသးပ့ၤနီၣ်ကွံာ်၀ဲ အတၢ်သးခုသးမုာ်မး ဖဲလၢအဟးလိာ်ကွဲ၀ဲဒီးအပၢ်အခါန့ၣ် မ့ၢ်လၢအ၀ဲနၢ်ဟူ၀ဲအပုၢ်ဒ့ခွါတဲ အတၢ်လဲၤခီဖျိ လၢတၢ်သူၣ်ဆူၣ်သးဂဲၤဖးဒိၣ် လၢအမဲာ်ညါအဃိလီၤႉ
ပ၀ဲကိးဂဲၤဒဲးစ့ၢ်ကီး ပအိၣ်ဒီး တၢ်သးကါသ့၀ဲဒၣ်တဘျီဘျီန့ၣ်လီၤႉ စီၤပၤ စီၤစီလူးအိၣ်ဒီးတၢ်သးကါ ဖဲလၢအနၢ်ဟူထံၣ်ဘၣ်၀ဲ ပှၤဂီၢ်မုၢ်စံးထီၣ်ပ့တၢၤစီၤဒၤ၀ံး ဒိၣ်န့ၢ်အါန့ၢ်အီၤ‚…
တၢ်လီၤဂာ်
အ၀ဲသ့ၣ်စံး၀ဲ ပ၀ဲခဲလၢာ်ပလီၤဂာ် ဒ်တဂၤဃီအသိးန့ၣ်လီၤႉ ပှၤကိး ‘‘ဒီးဖဲလ်ကဲၢ်န်ကၢ်‚ ဒ်ပှၤတနီၤစံး၀ဲ ‘‘ပှၤခံဂၤလီၤဂာ်လိာ်သး ဒ်တဂၤဃီအသိး’’ န့ၣ်လီၤႉ ကွၢ်လီၤဂာ်‚ ပ၀ဲပှၤဟီၣ်ခိၣ်ဖိတဖၣ် ပတလီၤဂာ်လိာ်ပသး ဒ်အမ့ၢ်တဂၤဃီအသိးဘၣ်န့ၣ်လီၤႉ
ယနီၢ်ကစၢ်ဒၣ်ယဲ တဘျီန့ၣ် တၢ်မၤအသးလၢယကလဲၤကွၢ် ပှၤသး၀ံၣ်တၢ် မံၤဟူသၣ်ဖျါတဂၤအမူးအပွဲန့ၣ်လီၤႉ ဖဲလၢယလဲၤကွၢ် အ၀ဲအမူးသးဖှံအခါန့ၣ်‚ ယထံၣ်ပှၤလၢအလီၤဂာ်လိာ်သး ခံဂၤ‚ ခံဂၤအါမး ဖဲလၢတၢ်အိၣ်ဘှံးအိၣ်သါအကတီၢ် န့ၣ်လီၤႉ ဘၣ်ဆၣ်‚ အၣ်လါ‚ ဖဲလၢ ကၠံၣ်မ်ထ့လၣ်ဟဲထီၣ် ဒီးဖီၣ်ထီၣ်ကထါ (ဂီတာ) ဒ်သိးကသ့သး၀ံၣ် တၢ်လီၤမးန့ၣ် ယဆိကမိၣ်ပှၤအဂၤတဂၤ လၢ ကၠံၣ်မ်လီၤန့ၣ် ယသ့ၣ်ညါ လၢယကွၢ်ပှၤကမၣ်လံန့ၣ်လီၤႉ တၢ်မၤသးအံၤမ့ၢ်ဒၣ် ပကွၢ် ပှၤ‘‘လီၤဂာ်’’လိာ်သးန့ၣ်လီၤႉ
နလီၤဂာ်လၢမတၤလဲၣ်ႉ ဒ်နဆိကမိၣ်ထီၣ် တၢ်သံကွၢ်အံၤအခါ ဒုးဖျါထီၣ်၀ဲ လၢ ၂ ကရၠာစးံၣ် ၃း၁၈ ဖဲလၢစီၤပီလူးစံးဘၣ်ပှၤလၢ ‘‘ပဘၣ်တၢ်လဲလိာ်ပသးဆူ တၢ်အက့ၢ်အဂီၤတမံၤဃီအံၤ‚ လၢတၢ်လၤကပီၤဆူ တၢ်လၤကပီၤ‚ ဒ်လၢကစၢ်အသးအသိးန့ၣ်လီၤ’’ ဒ်ပဃု ပာ်ဒိၣ် ပကစၢ်ယ့ၣ်။းအသိးန့ၣ် ပကဘၣ်လီၤဂာ်ဒီးအီၤလီၤႉ ဘၣ်ဆၣ်ဒီး…
တၢ်ဂၢၤဃာ်ယွၤ
တၢ်ဂီၤလၢအဘၣ်ဃးတၢ်သမၢယွၤတဖၣ် ဘၣ်တၢ်ကးထီၣ်အီၤ လၢသိလ့ၣ်အဖီခိၣ် တဖၣ်အံၤ ထုးန့ၢ်ဘၣ် သရၠာစးၣ်ဖးဒိၣ်လၢဖၠၣ်စိမိၤတဂၤအသးန့ၣ်လီၤႉ ဒ်အ၀ဲမ့ၢ်ပှၤတဂၤ လၢညါအတစူၢ်တနာ်ယွၤတဂၤလီၤႉ အ၀ဲဆိကမိၣ်ထီၣ်၀ဲ လၢသိလ့ၣ်ကစၢ်အံၤ အဲၣ်ဒိး၀ဲ လၢပှၤခရၠာစးံာ်ဖိတဖၣ် ကသးထီၣ်အီၤအဂီၢ်လီၤႉ ဒီးအ၀ဲစံး၀ဲ‚ ‘‘တၢ်သးထီၣ်ဟ့ၣ်ဂံၢ်ဟ့ၣ်ဘါပှၤလၢအသမၢယွၤတဖၣ် ဒ်သိးအကဒုးနဲၣ် တီ၀ဲ အ၀ဲသ့ၣ်အတၢ်လၢ ‘‘ယွၤန့ၣ်တအိၣ်ဘၣ်’’ အဂ့ၢ်န့ၣ်လီၤႉ ဒီးအ၀ဲသ့ၣ် ပလီၢ်သးစ့ၢ်ကီး၀ဲ ဒီးစံး၀ဲ‚ ‘‘ဒ်ပှၤလၢအသမၢယွၤ သ့ၣ်တဖၣ်န့ၣ် တနာ်ဘၣ်၀ဲလၢ ယွၤအိၣ်အသိးန့ၣ် တၢ်ကဲ ထီၣ်လၢအ၀ဲသ့ၣ် ဒ်န့ၣ်အသိးလီၤ’’န့ၣ်လီၤႉ
လၢတၢ်သ့ၣ်နီၣ်ထီၣ်က့ၤ အတၢ်လဲၤခီဖျိ ဖဲအမ့ၢ် ပှၤလၢအသမၢယွၤအခါ သရၠာစးၣ်ဒိၣ်စိအံၤ သ့ၣ်နီၣ်ထီၣ်၀ဲ အတံၤသကိးခရၠာစးံာ်ဖိတဂၤ ကွဲအီၤ ဒ်သိးအကဆိကမိၣ် ခရၠာစးံာ်အတၢ်မ့ၢ်တၢ်တီန့ၣ်လီၤႉ အ၀ဲသကိးခရၠာစးံာ်ဖိအံၤ အသးဟ့ၣ်ဆၢမၤဆၢက့ၤတၢ် လၢအတအိၣ်ဘၣ်ဒီးတၢ်သးဒိၣ် တၢ်သးအိၣ်ဘၣ်အံၤန့ၣ် အ၀ဲတသးပ့ၤ နီၣ်ဘၣ်၀ဲဘၣ် အမဲာ်ညါ အ၀ဲဒိးန့ၢ်ဘၣ်တၢ်ဘျုးတၢ်ဖှိၣ်တဘျီဃီ ဖဲနံၤအ၀ဲန့ၢ်န့ၣ်လီၤႉ
ပှၤခရၠာစးံာ်ဖိတဖၣ် တဘျီဘၣ်တဘျီ အ၀ဲသ့ၣ် ဟ့ၣ်ဆၢက့ၤတၢ်ဖဲလၢပှၤသမၢကွံာ် ကစၢ်ယ့ၣ်။းအခါန့ၣ်လီၤႉ ဘၣ်ဆၣ် ဒီးကစၢ်ယ့ၣ်။းဒိးဘၣ် သးတၢ်မနုၤတမံၤ ဖဲလၢ ပှၤသမၢကွံာ်အီၤအခါန့ၣ်လဲၣ်ႉ ကစၢ်ယ့ၣ်။းကွၢ်ဆၢၣ်မဲာ်…
ဖျးနမဲာ်ချံ ဒီးဆိကမိၣ်ထီၣ်ယွၤ
ယတံၤသကိးရၠာစးံၣ်လ့ၣ်စံး၀ဲ‚ ‘‘ယွၤန့ၣ် လီၤဂာ်ဒ်ပမဲာ်ဖံးခိၣ်’’ အသိးန့ၣ်လီၤႉ ဒီးဖဲန့ၣ် ယဖျးလီၤယမဲာ်ဖံး လၢတၢ်ကမၢကမၣ်အပူၤလီၤႉ အ၀ဲအဲၣ်ဒိးတဲတၢ်အခီပညီ မ့ၢ်တၢ်မနုၤလဲၣ်ႉ
ယစံးအီၤ‚ ‘‘တဲအါထီၣ်ယၤတဘီလဲၣ်’’ႉ ပ၀ဲခံဂၤပမၤလိသကိး ကစၢ်ယွၤ အဂ့ၢ်အကျိၤ လၢလံာ်စီဆှံအပူၤ လၢအဖျါဖဲ ယ့ှှါ ၄၂း၁၄‚ လၢအပာ်ဖျါထီၣ်၀ဲ ‘ယွၤမ့ၢ်၀ဲဒ်မိၢ်တဂၤ လၢအ၀ံဘၣ်အဖိ‚ မ့တမ့ၢ် ပှၤတဂၤလၢအဘၣ်ဂၢၤဃာ်ဒီးအံးထွဲကွၢ်ထွဲ အပှၤ ဂီၢ်မုၢ်’ (၇း၁၈) န့ၣ်လီၤႉ ဘၣ်ဆၣ် ဒီးတၢ်အံၤမ့ၢ်တၢ်အသီ လၢယဂီၢ်လီၤႉ ရၠာစးံၣ်လ့ၣ်ဒုးနဲၣ်ကဒီးယၤ ၅ မိၤ ၃၂ လၢစီၤမိၤဒီး အတၢ်စံးထီၣ်ပ့တၢၤအထါအပူၤ လၢအဒုးနဲၣ်ဖျါထီၣ်၀ဲ ယွၤမ့ၢ်၀ဲပှၤလၢအအံးထွဲကွၢ်ထွဲ အပှၤဂီၢ်မုၢ်တဂၤန့ၣ်လီၤႉ အဆၢဖိ ၁၀ န့ၣ် ပာ်ဖျါထီၣ်၀ဲ ယွၤမ့ၢ်ပှၤလၢအကဒုဃာ် ဒီးဂၢၤဃာ်အပှၤဂီၢ်မုၢ်တဖၣ် ‘‘ဒ်အမဲာ်ပှၤဖိဒၣ်၀ဲ’’အသိး န့ၣ်လီၤႉ
ဘၣ်ဆၣ်လံာ်မဲာ်ဖျၢၣ်လၢပကျိာ်ထံ ‘‘မဲာ်ချံဖျၢၣ်’’ အံၤန့ၣ် ရၠာစးံၣ်လ့ၣ် တဲ၀ဲ အခီပညီ မ့ၢ်၀ဲ‚ ‘‘မဲာ်ပှၤဖိ’’ န့ၣ်လီၤႉ တၢ်လၢပမဲာ်ဖံးခိၣ်န့ၣ် ကၢၤဃာ်ပမဲာ်ချံ‚ ပမဲာ်ပှၤဖိ ဒ်သိးအသုတဘၣ်ဒိဘၣ်ထံးတဂ့ၤ…
