ဘီး ဖီၣ်စတၢၣ်မ့ၢ်ပှၤလၢအဟ့ၣ်ကူၣ်ဟ့ၣ်ဖးဒီးဟ့ၣ်မၤစၢၤယၤ ဒီးမ့ၢ်တံၤသကိးလၢအဂ့ၤ တဂၤလၢနံၣ် ၅၀ အတီၢ်ပူၤလီၤႉ တခီၣ်။အသးနီတဘျီလၢယဂီၢ်ဘၣ်ႉ အ၀ဲမ့ၢ် ယတံၤသကိးလၢ အတလဲလိာ်အသး‚ အိၣ်ဒီး တၢ်ဟ့ၣ်ဂံၢ်ဟ့ၣ်ဘါလၢ အတလဲလိာ် အသး‚ ဖဲယလဲၤခီဖျိဘၣ် မုၢ်နံၤမုၢ်သီလၢ အခံး၀ဲအဆၢကတီၢ်ဒၣ်လဲာ်န့ၣ်လီၤႉ
ထီဘိန့ၣ် ပ၀ဲဒၣ်သ့ၣ်တဖၣ် ပစံၣ်ညီၣ်တဲာ်ပ၀ဲလၢ ပကယူာ်ဃီၤပစု ဆူပှၤလၢအလိၣ်ဘၣ် တၢ်မၤစၢၤလၢ အဒိၣ်သ့ၣ်တဖၣ်အအိၣ်လီၤႉ ဘၣ်ဆၣ် ဖဲပသ့ၣ်ညါပ၀ဲလၢ တၢ်မၤအံၤ တလဲၤထီၣ်လဲၤထီ၀ဲအကတီၢ်န့ၣ်‚ ပတၢ်မၤအံၤ လီၤစၢ်၀ဲ‚ ဒီးလၢခံကတၢၢ် ပအဲၣ်ဒိးခီၣ်။ပသးလီၤႉ ပထံၣ်လၢ ပတၢ်မုၢ်လၢ် လၢတၢ်လဲလိာ်ကမၤအသး‚ တဘျီဃီန့ၣ် ကဲထီၣ်က့ၤ လၢတၢ်မၤလဲၤအသးတဆီ၀ံၤတဆီန့ၣ်လီၤႉ
ပှၤတၢ်မၢဖိစီၤပီလူး မၢန့ၢ်ဆီၣ်ခံပှၤ လၢပကမၤတၢ် လၢတၢ်၀ံသးစူၤအပူၤ‚ ဖဲပမၤစၢၤ လိာ်ပသးတဂၤဒီးတဂၤ န့ၣ်လီၤႉ အ၀ဲကွဲးတၢ်ဒီးစံး၀ဲ‚ ‘၀ံလိာ် သုတၢ်၀ံတၢ်ဃၢသကိးသကိးဒီး‚ မၤလၢထီၣ်ပှဲၤထီၣ် ကစၢ်ခရၠာစးံာ်အတၢ်သိၣ်တၢ်သီ ဒ်န့ၣ်အသိးတက့ၢ်’’ (ကလၤ ၆း၂) ႉ
အ၀ဲဒၣ်ထိၣ်သBတီၤပတၢ်မၤ လၢပှၤထူစံာ်ဖိ လၢအဖှံတၢ်‚ ဒီးဟံးန့ၢ်ဆၢကတီၢ် လၢကကူးဘၣ်က့ၤတၢ်အဂီၢ်လီၤႉ
မ့ၢ်ပကဘၣ်ခိးကွၢ်လၢ်ဆံးယံာ်လၢ ပကထံၣ်ဘၣ်‚ တၢ်လၢပမၤသ့ၣ်တဖၣ် အဘျုးလဲၣ်ႉ ဖဲပမၤတၢ်ဂ့ၤ မ်ပသုတလီၤဘှံးတဂ့ၤႉ ပမ့ၢ်တလီၤဘှံးဒီး မၤ၀ဲဒၣ်သပှၢ်ပှၢ် လၢတၢ်သးစူၤအပူၤန့ၣ်‚ မုၢ်နံၤကအိၣ်ထီၣ်၀ဲလၢ‚ ပကကူးဘၣ်က့ၤတၢ်လီၤ (း၉) ႉ
ပျဲပမၤတၢ်ဂ့ၤ ဆူပှၤကိးဂၤဒဲး လၢပှၤလၢအလိၣ်ဘၣ်တၢ်မၤစၢၤတဖၣ်တက့ၢ်ႉ လီၤဆီဒၣ်တၢ် ပမၤဘၣ်တၢ်ဂ့ၤ ဆူပှၤလၢအနာ်ကစၢ်ခရၠာစးံာ်သ့ၣ်တဖၣ်တက့ၢ် (း၁၀) ႉ
မုၢ်တနံၤအံၤ ကစၢ်ယွၤဟ့ၣ်ဂံၢ်ဟ့ၣ်ဘါပှၤ ဒ်သိးပကတီဒီးအီၤႉ တီဒီးပှၤဂုၤဂၤ‚ ဒီးကထုကဖၣ်တဘိယူၢ်ဃီ‚ ဒီးပသုတခီၣ်။အသးလၢ တၢ်မၤအပူၤတဂ့ၤန့ၣ်လီၤႉ