စု စးထီၣ် ပာ်ကဲကိတဖျၢၣ်ဒီး ကိး၀ဲလၢ တၢ်စံးဘျုးအကိ‚ မ့ၢ်လၢ အ၀ဲအဲၣ်ဒိး မၤလၢပှဲၤအါထီၣ် အနီၢ်သး တၢ်အိၣ်မူဒီး ကဲထီၣ် ပှၤလၢ အတၢ်စံးဘျုးဒိၣ်အါတဂၤ န့ၣ်လီၤႉ အ၀ဲကွဲးအတၢ်စံးဘျုးစံးဖှိၣ် ယွၤအဂ့ၤတမံၤလၢ လံာ်က့ဖိတက့ အပူၤဒီး
ဒၢနုာ်၀ဲလၢ ကိအံၤအပူၤကိးဟါဒဲးန့ၣ်လီၤႉ နံၣ်သီတနီၤအပူၤ အ၀ဲအိၣ်ဒီး တၢ်စံးထီၣ်ပ့တၢၤအါမံၤ‚ ဒီးဖဲအ၀ဲဘၣ် ကွၢ်ဆၢၣ်မဲာ်ဒီး တၢ်ကီတၢ်ခဲအခါ ဘၣ်ဆိကမိၣ်၀ဲ ဒ်သိး ကဃုထံၣ်န့ၢ်
တၢ်တမံၤမံၤန့ၣ်လီၤႉ ဖဲနံၣ်ကတၢၢ် တုၤ၀ဲဒီး အ၀ဲအိးထီၣ် အကိအံၤဒီး ဖးက့ၤအတၢ်ကွဲးခဲလၢာ်န့ၣ်လီၤႉ အ၀ဲ ထံၣ်က့ၤ အတၢ်အိၣ်မူဒီး စံးဘျုးကဒီးယွၤ လၢအတၢ်မၤ
တဖၣ် အဃိလီၤႉ အ၀ဲဟ့ၣ်ထီၣ် တၢ်ယိယိဖိတဖၣ် ဒ်အမ့ၢ် မုၢ်လီၤနုာ် တကတီၢ်လၢ အဃံလၤ၀ဲ မ့ၢ်တမ့ၢ်ဘၣ်ဒီး ဟါကတီၢ်အခုၣ်အမုာ်ဖိလၢ ကဟးကသုၣ်ကသီဘၣ်လၢ ဖီကရၠာစးၢၢ်အပူၤ‚ ဒီး ဆၢကတီၢ်တနီၤအပူၤ အ၀ဲဟ့ၣ်လီၤ အတၢ်ဆိၣ်ဂ့ၤဆိၣ်၀ါ ဖဲဘၣ်ကွၢ်ဆၢၣ်မဲာ် တၢ်ကီတၢ်ခဲအခါ မ့တမ့ၢ်ဘၣ်ဒီး ဒိကနၣ် တၢ်ထုကဖၣ်တမံၤန့ၣ်လီၤႉ
စု အတၢ်ဃုထံၣ်န့ၢ်တၢ်တမံၤအံၤ ဒုးသ့ၣ်နီၣ်ယၤ စီၤဒၤ၀ံး လၢအကွဲး
ထါစံးထီၣ်ပ့တၢၤ တဲဘၣ်ပှၤလၢ အတၢ်လဲၤခီဖျိ ဖဲထါစံးထီၣ်ပ့တၢၤ ၂၃ န့ၣ်လီၤႉ ယွၤမၤသီထီၣ်က့ၤအီၤ လၢတၢ်အီၣ်ဆၣ်အလီၢ်လါဟ့ဒီး ထံဂၢၢ်အနံၤတဖၣ်န့ၣ်လီၤ (း၂-၃) ႉ အ၀ဲကွၢ်ထွဲအီၤ‚ ဒီတဒၢအီၤဒီး မၤမုာ်ထီၣ်အီၤန့ၣ်လီၤႉ (း၃-၄) ႉ စီၤဒၤ၀ံး မၤကတၢၢ် အတၢ်ကွဲးလၢ ‘‘ထဲတၢ်ဂ့ၤဒီး တၢ်ဘျုးတၢ်ဖှိၣ်န့ၣ် ကလူၤပိာ်ယခံ တစိၤဒၣ်ယၤ’’ န့ၣ်လီၤႉ (း၆)
တနံၣ်အံၤအပူၤ‚ ယပာ်လီၤယသးလၢ ယကမၤတၢ်စံးဘျုး အကိတဖျၢၣ်
န့ၣ်လီၤႉ နသးအိၣ်မၤစ့ၢ်ကီးဒံးဧါႉ ယဆိကမိၣ်ယဲလၢ ယကထံၣ်ဘၣ် တၢ်ဂ့ၢ် အါမံၤလၢ ပကစံးဘျုးယွၤအဂ့ၢ် ဃုာ်ဒီးအတၢ်ဟ့ၣ်ပှၤ လၢတံၤသကိးဒီး ဟံၣ်ဖိ ဃီဖိတဖၣ်‚ အတၢ်ဟ့ၣ်လၢ ပနီၢ်ခိနီၢ်သး ဒီးတၢ်လၢပသးအိၣ်တဖၣ်န့ၣ်လီၤႉ ပကထံၣ်ဘၣ် ယွၤအတၢ်ဂ့ၤတၢ်၀ါဒီး အတၢ်အဲၣ်တၢ်ကွံ ကပိာ်ထွဲပခံ တစိၤဒၣ်ပှၤ
လၢပတၢ်အိၣ်မူအပူၤန့ၣ်လီၤႉ ဗညညန ဃနအၠျ