ဖဲလါယူၤ‚ ၂၀၁၅ နံၣ်န့ၣ်‚ ၀့ၢ်ဖဲရၠာစး့း သုးကွံာ် နီၣ်၀ံာ်ဒၢတဖၣ်‚ အတယၢၢ် ကအိၣ်၀ဲ ၄၅ တၣ် လၢ ‘‘ ာ်သညအ ိနျ ဗမအျ ’’ တိၤလၢ ပှၤလဲၤလၢခီၣ် အတၢ်ဒူၣ်ထးအလိၤန့ၣ်လီၤႉ ဒ်တၢ်အဲၣ်အပနီၣ်အသိးန့ၣ်‚ ပှၤခံဂၤလၢ အအဲၣ်လိာ်သးတဖၣ် ဆဲးကွဲးအမံၤ အလံာ်
မဲာ်ဖျၢၣ်အခီၣ်ထံးတဖၣ် လၢနီၣ်၀ံာ်ဒၢအလိၤ‚ ဘျးစဲအီၤလၢ တၢ်ဒူၣ်လိၤ‚ ဒီး ၀ံာ်တံာ်အီၤ‚ ဒီးကွံာ်လီၤ နီၣ်၀ံာ်ခံ ဆူထံကျိ စ့ၤ အပူၤန့ၣ်လီၤႉ
တၢ်လုၢ်လၢ်တမံၤအံၤ‚ ဘၣ်တၢ်မၤအီၤ အဘျီ အကထိတဖၣ်လံဒီး‚ တိၤတဘိအံၤ ၀ံစိာ် ‘‘တၢ်အဲၣ်’’ အါထဲသိးအံၤ အတယၢၢ်တကဲလၢၤဘၣ်ႉ လၢခံန့ၣ်‚ တၢ်ဘၣ်ယိာ်လၢ တိၤအဂီၢ်အဃိ‚ ၀့ၢ်အံၤ သုးကွံာ် ‘တၢ်အဲၣ် အနီၣ်၀ံာ်ဒၢတဖၣ်’န့ၣ်လီၤႉ
နီၣ်၀ံာ်ဒၢတဖၣ်အံၤ ဘၣ်တၢ်ပာ်ပနီၣ်အီၤ ဒ်တၢ်အဲၣ် အထူအယိာ်လီၤႉ ဘၣ်ဆၣ်ဒီး ပှၤကညီအတၢ်အဲၣ်န့ၣ် တအိၣ်လီၤစိၤဘၣ်ႉ တံၤသကိးအဘူးကတၢၢ်တဖၣ် ကမၤဘၣ်ဒိဆါလိာ်အသး၀ံၤ တမၤဘၣ်လိာ်ဘၣ်စးက့ၤအသးဘၣ်ႉ ဟံၣ်ဖိဃီဖိ တဖၣ် ကကတိၤဂ့ၢ်လိာ်ဘှီလိာ်ဒီး တအဲၣ်ဒိးပျၢ်ပှၤအတၢ်ကမၣ်ဘၣ် ၀ၤဒီးမါ ကလီၤဖးလိာ်သးတဂၤဒီးတဂၤ‚ ယံၤတုၤဒၣ်လဲၣ် တသ့ၣ်နီၣ်ထီၣ်က့ၤ၀ဲလၢ တဘျီန့ၣ် အ၀ဲသ့ၣ်ဘၣ်မနုၤအဃိ ပာ်လီၤအသးလၢ ကဒိးတ့ဒိးဖျီအသးလဲၣ် န့ၣ်ဘၣ်ႉ ပှၤကညီအတၢ်အဲၣ်န့ၣ် ဆီတလဲအသး သတူၢ်ကလာ်သ့၀ဲလီၤႉ
ဘၣ်ဆၣ် တၢ်အဲၣ်ဂၢၢ်ကျၢၤ‚ အထူအယိာ်အိၣ်၀ဲ‚ ဒီးအန့ၣ်မ့ၢ်၀ဲ ယွၤအတၢ်အဲၣ် န့ၣ်လီၤႉ လံာ်ထါစံးထီၣ်ပ့တၢၤ ၁၀၆း၁ စံး၀ဲ ‘‘စံးထီၣ်ပ့တၢၤယွၤတက့ၢ်‚ သး၀ံၣ်ထီၣ် ယွၤတက့ၢ်ႉ အဂ့ၢ်ဒ်အံၤ ဂ့ၤ၀ဲလီၤႉ မ့ၢ်အဘျုးအဖှိၣ်အိၣ်၀ဲ လီၤထူလီၤယိာ်အဂ့ၢ် လီၤ’’ႉ လၢလံာ်စီဆှံဒီဘ့ၣ်ညါအပူၤ ပထံၣ်န့ၢ် တၢ်အၢၣ်လီၤအီၤလီၤလၢ ဘၣ်ဃးဒီး ယွၤအတၢ်အဲၣ် လၢအတလီၤတိၢ်ဘၣ်ဒီး လၢအအိၣ်လီၤထူလီၤယိာ်န့ၣ်လီၤႉ ဒီးတၢ် အုၣ်သးအဒိၣ်လၢ တၢ်အဲၣ်အဂီၢ်န့ၣ် မ့ၢ်၀ဲယွၤအဖိခွါ အတၢ်ဒိးသံအသး‚ ဒ်သိး ပှၤလၢအနာ်အီၤတဖၣ် ကမူ၀ဲလီၤထူလီၤယိာ်ကသ့အဂီၢ်န့ၣ်လီၤႉ ဒီးတၢ်လၢ အကမၤ လီၤဖးပှၤဒီးယွၤအတၢ်အဲၣ်န့ၣ် တအိၣ်နီတမံၤဘၣ် (ရၠာစးိမ့ၤ ၈း၃၈-၃၉) ႉ
ပှၤစူၢ်က့ၤနာ်က့ၤတၢ်ဖိသ့ၣ်သုဧၢ‚ ပဘၣ်တၢ်အဲၣ်ပှၤလၢ ယွၤအတၢ်အဲၣ် အထူအယိာ်န့ၣ်လီၤႉ ဃငညိပ ံနျျ ုၠျစနမ