ဂ့ၤလၢပကအိၣ်ဒီး တၢ်သံကွၢ်ယိယိဖိလၢ ‘‘မ့ၢ်အိၣ်ဆံးအါမး ကလၢပှဲၤလဲၣ်’’ န့ၣ်လီၤႉ
ဆူထံကီၢ်လၢ အလဲၤထီၣ်လဲၤထီတ့ၢ်လံတဖၣ်ဒီး ဟ့ၣ်လီၤအသးအါထီၣ်လၢ တၢ်ပရၤတၢ်
လၢကျးတဖၣ်အအိၣ်န့ၣ်လီၤႉ ယစံးတၢ်လၢအဘၣ်ထွဲဒီး မုၢ်ယဲၢ်နံၤလၢအခံးသူအဂ့ၢ်‚
မုၢ်နံၤလၢ ကီၢ်အမဲရၠာစးကၤ တၢ်စံးဘျုးစံးဖှိၣ်တၢ်အိၣ်ဘံှးဟးကသုၣ်အနံၤ‚ မ့ၢ်ဖဲကျးတဖၣ်
အိးထီၣ်ဆိလၢဂီၤဒီး အိၣ်ဒီးတၢ်သုးကျဲၤဆါတၢ်အပရၤ ဘၣ် ဘၣ်‚ မ့ၢ်မုၢ်တနံၤလၢ အစးထီၣ်လၢ ကီၢ်အမဲရၠာစးကၤပူၤဒီး မၤအသးဆူ ထံကီၢ်အဂၤတဖၣ်န့ၣ်လီၤႉ ပှၤပရၤတၢ်ဖိတနီၤနီၤ
တအိၣ်ဒီးကျိၣ်စ့အါအါအဃိ ကျဲးစၢးပရၤတၢ်တမံၤမံၤလၢ အ၀ဲသ့ၣ်ပရၤ၀ဲန့ၢ်န့ၣ်လီၤႉ ဘၣ်ဆၣ်မ့ၢ်တၢ်သးအုး‚ လၢ
ပှၤတနီၤနီၤအဂီၢ် တၢ်သူၣ်လီသးကွံ မၢန့ၢ်ဆီၣ်ခံအီၤဒီး တၢ်အၢတၢ်သီကဲထီၣ်မၤအသး ဖဲအ၀ဲသ့ၣ်ကျဲးစၢး စံးကတိၤ
ဒ်သိးအကမၤန့ၢ် တၢ်ခွဲးတၢ်ယာ်လီၤဆီအဂီၢ်န့ၣ်လီၤႉ
ပှၤကွဲးလံာ်စီဆှံလီၢ်လံၤလၢ အဘၣ် တၢ်သ့ၣ်ညါအီၤ
ဒ် ‘‘ပှၤစံၣ်တဲၤတဲလီၤတၢ်တဂၤ’’ အိၣ်ဒီး တၢ်ကူၣ်သ့ဒီး (စံၣ်တဲၤတဲ ၁း၁) ‚ ဟ့ၣ်ပှၤ ကသံၣ်လၢ ကမၤလီၤကဆှၣ် တၢ်စုၣ်တၢ်ပျၢ်တမံၤလၢ တၢ်အိၣ်ဒီး တၢ်သူၣ်ပိၢ်သး၀းဒိၣ်ဒိၣ် ဒ်သိးကမၤလၢာ်ကျိၣ်စ့လၢကျးပူၤ ဒီးလၢပသးပူၤ
အဂီၢ်န့ၣ်လီၤႉ အ၀ဲစံးဘၣ်တၢ်လီၤဆီလၢ ပှၤအဲၣ်ကျိၣ်စ့တဖၣ် တအိၣ်ဒီးတၢ်သးမံ နီတဘီျဒီးကဘၣ်တၢ်ပၢအီၤလၢ အတၢ်ထူးတၢ်တီၤတဖၣ် အဂ့ၢ်န့ၣ်လီၤႉ ဖဲလၢ အသံ
အမုၢ်တနံၤက့ၤစိာ်တၢ်တန့ၢ် နီတမံၤဘၣ်ႉ ‘‘ဒ်အဟဲထီၣ်လၢ အမိၢ်အဒၢလီၢ်ပူၤအသိး န့ၣ်‚ ကက့ၤအိၣ်ဘ့ၣ်ဆ့ ဒ်အဟဲ၀ဲအသိးလီၤ’’ (၅း၁၅) ႉ လၢစီၤပီလူးအတၢ်ကွဲးဆူ စီၤတံၤမသ့း
အအိၣ်လၢ အပာ်ဖျါထီၣ်က့ၤတၢ်ဂ့ၢ် လၢပှၤစံၣ်တဲၤတဲလီၤတၢ် စံးဘၣ်၀ဲလၢ‚ ‘‘တၢ်အဲၣ်စ့
န့ၣ် မ့ၢ်တၢ်အၢတၢ်သီခဲလၢာ်အဂံၢ်လီၤ’’‚ ဒီးလၢ ပကဘၣ်ကျဲးစၢးသပှၢ်ပှၢ် ဒ်သိးပကမ့ၢ်
ပှၤလၢ ‘‘အယူးယီၣ်ယွၤလၢ အအိၣ်ဒီးတၢ်သးမံ’’ န့ၣ်လီၤႉ ပအိၣ်ဘၣ်လၢ တၢ်အီၣ်ကုၤ
အီပှဲၤအလီၢ်မ့ၢ်ဂ့ၤ ပတအိၣ်ဘၣ်မ့ၢ်ဂ့ၤ‚ ပ၀ဲကိးဂၤ ပဃုထံၣ်န့ၢ် ကျဲလၢအတဘၣ်တဖၣ်‚ ဒ်သိးပကမၤပှဲၤပတၢ်လိၣ်ဘၣ်တဖၣ်အဂီၢ်န့ၣ်လီၤ (၁တံၤ၆း၆-၁၀) ႉ
ဘၣ်ဆၣ်ဖဲပကွၢ်ဃီၤဆူယွၤအအိၣ်ဒ်သိးပတၢ်အိၣ်မူအံၤကလၢပှဲၤ၀ဲဒီးတၢ်မုာ်တၢ်ခုၣ်အဂီၢ်န့ၣ်‚ အ၀ဲကမၤပှဲၤပသးဒီးအတၢ်အဲၣ်ဒီးအတၢ်ဘျုးတၢ်ဖှိၣ်တဖၣ်န့ၣ်လီၤႉ ဗာပ Bသကခ့နမ ာ်ပန