ကိးနံၣ်ဒဲး‚ ဖဲတၢ်ကိၢ်အကတီၢ်တချုးဟဲတုၤ ပအိၣ်ဒီး တၢ်စံးဘျုးစံးဖှိၣ် ဒီးတၢ်အီၣ်
လၢအ၀ံၣ်အဘဲ ဖဲခီနၢၣ်စတိဖၠၣ်စိမိၤအကရၠာစးၢၢ်ပူၤန့ၣ်လီၤႉ ပပှၤမၤလိတၢ်ဖိတဖၣ်
ဘၣ်သူၣ်ဘၣ်သးဒိၣ်မးလၢ မူးအံၤန့ၣ်လီၤႉ ဖဲနံၣ် လၢအပူၤကွံာ်‚ ကၠိဖိတနီၤ မၤ တၢ်
လိာ်ကွဲသကိးတခါလၢ အ၀ဲသ့ၣ်အတၢ်အီၣ်စီၢ်နီၤခိၣ်န့ၣ်လီၤႉ ကဘၣ်တဲဖျါထီၣ်
တၢ်စံးဘျုးစံးဖှိၣ် တၢ်ကတိၤလၢ ၃ စဲးကီာ်အပူၤန့ၣ်ဒီး
တဘၣ်လူၤပိာ်ထွဲစံးတၢ် လၢပှၤအဂၤစံးတ့ၢ်၀ံၤတဖၣ်
ဘၣ် န့ၣ်လီၤႉ ပှၤတဂၤဂၤလၢအဆိကမိၣ် တၢ်ယံာ်န့ၢ်ဒံး
၃ စဲးကီာ်န့ၣ် ဘၣ်ဟးထီၣ်လၢ တၢ်လိာ်ကွဲအံၤန့ၣ်လီၤႉ
ကၠိဖိတဖၣ်အံၤ အိၣ်ဒီးတၢ်ဂ့ၢ် အ၀ဲသ့ၣ် ကကဒူး
ကဒ့ၣ်တၢ် အကလုာ်ကလုာ် ဒ်အမ့ၢ် တၢ်ဒိးစဲး‚ တၢ်သ့ၣ်
ဆၢဖးကတီၢ်လၢ ကဘၣ်မၤ၀ံၤတၢ်တဖၣ်‚ ကၠိအတၢ်သိၣ်
တၢ်ဘျၢတဖၣ်ၪ ဒီး ကယဲၢ်ပှၤထီၣ် ဖၠၣ်စိမိၤတဖၣ် ညီနုၢ်ကဒူးကဒ့ၣ်တၢ်လၢ တၢ်ဂ့ၢ်တဖၣ်အဃိန့ၣ်လီၤႉ ဘၣ်ဆၣ် အ၀ဲသ့ၣ်ဃုထၢဒၣ် ဒ်သိး အကစံးဘျုးစံးဖှိၣ်တၢ်န့ၣ်လီၤႉ ယသးကလၢၢ် ဘၣ်လၢ အ၀ဲသ့ၣ်အိၣ်ဒီးတၢ်သးမံ ဖဲတၢ်လိာ်ကွဲအံၤ ၀ံၤ၀ဲအကတီၢ် မ့ၢ်လၢအ၀ဲသ့ၣ်
တအိၣ်ဒီး တၢ်ကဒူးကဒ့ၣ်ဘၣ်ဒီး အိၣ်ထဲတၢ်စံးဘျုးစံးဖှိၣ်အဃိန့ၣ်လီၤႉ
တၢ်ဂ့ၢ်တဖၣ်လၢ ပကပာ်ဒ့ၣ်ပာ်ကမၣ်ဒီး ကဒူးကဒ့ၣ်တၢ်န့ၣ် ကအိၣ်၀ဲဒၣ်
လီၤႉ ဘၣ်ဆၣ် ပမ့ၢ်ကွၢ်ဆိကမိၣ် လီၤတံၢ်လီၤဆဲးဒီး ပကထံၣ်ဘၣ်တၢ်ဆိၣ်ဂ့ၤ အိၣ်
အါမံၤလၢပကအိၣ်ဒီး သးလၢအစံးဘျုးစံးဖှိၣ်တၢ်န့ၣ်လီၤႉ ဖဲစီၤပီလူး ပာ်ဖျါ ပမ့ၢ်
တၢ်အသီလၢခရၠာစးံာ်အပူၤန့ၣ်‚ မ့ၢ်တၢ်ဂ့ၢ်ထဲတမံၤ လၢ အဘၣ်တၢ်ပာ်ဖျါအီၤ တဘျီ
၀ံၤတဘျီ သၢဘျီညါမ့ၢ် တၢ်အိၣ်ဒီးတၢ်စံးဘျုးစံးဖှိၣ်တဂ့ၢ်န့ၣ်လီၤႉ နီၢ်နီၢ်တခီ‚
ဘၣ်တၢ်ပာ်ဖျါထီၣ်အီၤ သၢဘျီလီၤႉ ‘ကဲထီၣ်ပှၤစံးထီၣ်ပ့တၢၤတၢ်အဘျုးအဖှိၣ်’‚
(ကလီးစဲ ၃း၁၅) ‚ ‘သး၀ံၣ်ထီၣ်ယွၤ‚ အိၣ်ဒီးတၢ်စံးဘျုးစံးဖှိၣ်လၢ သုသးကံၢ်ပူၤ
တက့ၢ်’ (း၁၆) ႉ ဒီးလၢကယဲၢ် နမၤတၢ်န့ၣ်‚ သ့ၣ်နီၣ်ထီဘိလၢ ‘နကစံးဘျုးယွၤလၢ အမ့ၢ်နပၢ်တက့ၢ်’ (း၁၇) ႉစီၤပီလူးအတၢ်မၤလိာ် ဒ်သိးပကအိၣ်ဒီး တၢ်စံးဘျုးစံးဖှိၣ် မ့ၢ်တၢ်လၢအလီၤကမၢ ကမၣ်န့ၣ်လီၤႉ ဖဲလၢပဆိကမိၣ်ထီၣ်လၢအ၀ဲကွဲးလာ်အံၤ ဖဲအ၀ဲအိၣ်လၢဃိာ်ပူၤအခါန့ၣ်ဒီး တနံၤအံၤ‚ မ်ပကအိၣ်ဒီးသးလၢ အပဲှၤဒီးတၢ်စံးဘျုးစံးဖှိၣ်န့ၣ်တက့ၢ်ႉ ြသန ျအသတနူူ