တၢ်ဃုဖိသၣ်ခရံာ်ကစၢ်
ဖံထၢၣ် တၤခၠံၣ် (Peter Turchi) လၢ အသိၣ်လိတၢ်ကွဲးလံာ်န့ၣ်, မ့ၢ်ထံၣ်ဟီၣ်ခိၣ်ဂီၤတဘ့ၣ်န့ၣ်, အဝဲဃုတၢ်လီၤသူၣ်ဟူးသးဂဲၤအသီ လၢအပူၤန့ၣ်လီၤ. အဝဲစံးဝဲ, “တၢ်ဃ့ကွၢ်ဟီၣ်ခိၣ်ဂီၤ တဘ့ၣ်န့ၣ် မ့ၢ်တၢ်စံး “တဲန့ၢ်ယၤပူတယုၢ်တက့ၢ်” န့ၣ်လီၤ.” ယဖီၣ်စှီၤဃာ် အတၢ်ဆိကမိၣ်အဝဲန့ၣ်, ဒီးကတဲာ်ကတီၤတၢ်လၢ ယကသိၣ်လိ အိၣ်ဘှံးနံၤ တၢ်မၤလိ လၢခရံာ်အိၣ်ဖျဲၣ်အကတီၢ်, ဘၣ်ဃးဒီး “ပှၤမၢ်ကူးတဖၣ် အတၢ်နာ်” အဂ့ၢ်န့ၣ်လီၤ. ဖဲယမၤလိနၢ်ပၢၢ် ဟီၣ်ခိၣ်ဂီၤတဖၣ်အခါ, ယသ့ၣ်ညါဘၣ်လၢ ပှၤမၢ်ကူးဖိတဖၣ် လဲၤတၢ်န့ၣ် ယံၤဝဲ အမံးလာ် ၉၀၀, လၢ တၢ်ဆၢကတီၢ် နွံလါဘျဲၣ်သ့ၣ်သ့ၣ်, ဒ်သိး ကထံၣ်န့ၢ် ဖိသၣ်ခရံာ်ကစၢ်အဂီၢ်, ဒီးလၢခံကတၢၢ် ထံၣ်ဘၣ်ဝဲန့ၣ် တမ့ၢ် ဖိသၣ်ဆံးဖိလၢ ကျီၢ်အီၣ်ဆၣ်အလီၢ်ပူၤဘၣ်, မ့မ့ၢ် ဖိသၣ် ဟးလိသီဖိလၢ အအိၣ်ဒီး အမိၢ်အပၢ်လၢဟံၣ်တဖျၢၣ်အပူၤတဂၤန့ၣ်လီၤ. တၢ်လဲၤလၢ အယံာ်ဝဲထၢဝဲ ထဲအံၤဝံၤ အလီၢ်ခံ, အဝဲသ့ၣ် မၤဝဲမနုၤလဲၣ်. အဝဲသ့ၣ် “ထိၣ်လီၤပှီၤအသး, ဒီးဘူၣ်ထီၣ်ဘါထီၣ်အီၤ”န့ၣ်လီၤ (မး…
ပှၤအိၣ်လၢယဃၢၤန့ၣ် မ့ၢ်မတၤတဂၤလဲၣ်
မဲရံၣ် ခိဘၢၣ် (Marie Coble) အိၣ်ဝဲလၢတၢ်ဆါဟံၣ်အလီၢ်မံခိၣ်လိၤ, ဒီးထံၣ်ဝဲဒၣ် ပှၤနီၣ်သိလ့ၣ်လၢ အဆှၢထီၣ်ဆှၢလီၤတၢ်တဂၤ, ဘၣ်သ့ၣ်သ့ၣ်, ကမ့ၢ်ပှၤလၢအမၤစၢၤ, မၤပူၤဖျဲးအသးသမူတဂၤန့ၣ်ဒီး, အသးခုဝဲဒၣ်န့ၣ်လီၤ. အဝဲလီၤဃံၤဝဲဒၣ်, လၢအသိလ့ၣ် နုာ်လီၤဟးထီၣ်အကျဲလိၤအကတီၢ်, အခိၣ်ဘၣ်ဒိဒီးအသွံၣ်တဖၣ်ယွၤလီၤဝဲလၢ အခိၣ်နူာ်ပူၤန့ၣ်လီၤ. ဖဲ ရၣ်ဟံ ခူဖၢၣ် (Raheem Cooper) ထံၣ်ဝဲဒၣ် အတၢ်အိၣ်အသးန့ၣ်ဒီး, ကိးထီၣ် ဂ့ၢ်ဂီၤအူဆူၣ်ချ့ အပှၤမၤတၢ်ဖိတဖၣ်န့ၣ်လီၤ. မဲရံၣ် အဟံၣ်ဖိဃီဖိတဖၣ် ကွဲမုာ် ရၣ်ဟံ လၢကလဲၤဟးအိၣ်သကိးအီၤအဃိ, ရၣ်ဟံ ဟဲစိာ် တၢ်အီၣ်အဆၢတဖၣ်လၢ မဲရံၣ် အီၣ်ဝဲဝံၣ်တဖၣ်, ဒ်သိးကကဲထီၣ်တၢ်မၤစၢၤလၢ ကအိၣ်ဆူၣ်အိၣ်ချ့ထီၣ်က့ၤအဂီၢ်န့ၣ်လီၤ.
ဘၣ်ဃးဒီးအဝဲသ့ၣ်အဂ့ၢ်န့ၣ် ပှၤရှၤမရံဖိ အဂ့ၤတဂၤအဂ့ၢ်, အတၢ်ကတိၤဟ့ၣ်ဒိဖိန့ၣ်ဟဲနုာ်လီၤဆူယသးပူၤန့ၣ်လီၤ. တၢ်ကတိၤဟ့ၣ်ဒိဖိအံၤ မ့ၢ်ဝဲ ကစၢ်ယ့ၣ်ရှူး အတၢ်စံးဆၢဆူ ပှၤသ့လံာ်တၢ်သိၣ်တၢ်သီတဂၤ အတၢ်သံကွၢ်, “ဒ်သိးပကန့ၢ်ဘၣ်သါ တၢ်မူအထူအယိာ်ဒီး, ယဘၣ်မၤမနုၤတမံၤလဲၣ်” န့ၣ်လီၤ. ကစၢ်ယ့ၣ်ရှူး စံးဘၣ်အီၤ, မၤနဲဒ် “လံာ်တၢ်သိၣ်တၢ်သီအပူၤတၢ်ကွဲးအသိးန့ၣ်တက့ၢ်” (လူၤ ၁၀:၂၆), ပာ်ဃုာ်ဒီး,…
တၢ်ဃ့သကွံၢ်ကညး ကစၢ်ယွၤအတၢ်မၤစၢၤ
ဖဲယသးစၢ်ဒံးအကတီၢ်, ဒ်သိးယကမၤဝံၤဆှၢထီၣ် ယတၢ်ကွဲးတဖၣ် ဘၣ်ဆၢဘၣ်ကတီၢ်အဂီၢ်, တၢ်ဃ့သကွံၢ်ကညး ကစၢ်ယွၤ အတၢ်မၤစၢၤန့ၣ် ယဆိကမိၣ်လၢ တကြၢးတဘၣ် ဝဲဒၣ်ဘၣ်န့ၣ်လီၤ. ဟံၣ်ဖိဃီဖိ အတၢ်ကီတၢ်ခဲတဖၣ်, တၢ်အိၣ်ဆူၣ်အိၣ်ချ့ အတၢ်ဂ့ၢ်ကီတဖၣ်, လၢတၢ်ဖံးတၢ်မၤန့ၣ် တၢ်ဘၣ်လိာ်ဘၣ်စးတအိၣ်, ကျိၣ်စ့ အတၢ်လိၣ်တဖၣ်အိၣ်ဝဲ, ဒီးယဘၣ်ကွၢ်ဆၢၣ်မဲာ်ယဲစ့ၢ်ကီး တၢ်လိၣ်ဒ်သိးအံၤတဖၣ်ဒၣ်လဲာ်, ယစံးလီၤယသးလၢ “ပှၤဂုၤပှၤဂၤ အတၢ်လိၣ်တဖၣ်န့ၣ် ဒိၣ်န့ၢ်အါန့ၢ်ဒံး ယတၢ်လိၣ်တဖၣ်” န့ၣ်လီၤ. ဘၣ်ဆၣ်, ယကမၤဝံၤ ယတၢ်ကွဲးလံာ်ဘၣ်ဆၢဘၣ်ကတီၢ်အဂီၢ်, ယကဘၣ်လဲၤစိာ်ဆူ ယွၤအအိၣ်န့ၣ် ကမ့ၢ်တၢ်ဂ့ၢ်အဆံးဖိန့ၣ်လီၤ. နာ်သက့, ဖဲယထံၣ်ဘၣ် တၢ်အဒိအတဲာ်တဖၣ် လၢလံာ်စီဆှံအပူၤ, ဘၣ်ဃးဒီး အပှၤဂီၢ်မုၢ်တဖၣ် ဘၣ်ကွၢ်ဆၢၣ်မဲာ် တၢ်ဂ့ၢ်ကီမ့ၢ်ဂ့ၤညီမ့ၢ်ဂ့ၤ, ကစၢ်ယွၤ မၤစၢၤဝဲဒၣ်အဂ့ၢ်န့ၣ်ဒီး, ယဆီတလဲ ယတၢ်ထံၣ်န့ၣ်လီၤ.
တၢ်တဲဖိတယုၢ် ပာ်ဖျါဝဲလၢ ဒုၣ်ဒါ ပှၤဖလ့ရှသးဖိတဖၣ် ဟဲဒုး ပှၤအံၣ်စရ့လးဖိတဖၣ်, ဖဲ မံးစပၤ (Mizpah) အဃိ, ပျံၤတၢ်ဖုးတၢ်န့ၣ်လီၤ. ပှၤအံၣ်စရ့လးဖိတဖၣ် တဲဘၣ် စီၤရှမူၤအ့လးလၢ “ဆိတ့ၢ်လၢ နကကိးထီၣ်ယွၤ…
ဖဲကစၢ်ယွၤ ပျၢ်တၢ်ကမၣ်
လၢအပူၤကွံာ်အနံၣ် ၃၅၀၀, တိၢ်ဘီအစိၤဆၢကတီၢ် ကတံၤထံကိတဖျၢၣ်, လၢအဘၣ်တၢ်ဒုးနဲၣ်အီၤ ဖဲအံၣ်စရ့လးအကီၢ် တၢ်ပာ်ကွၢ်ကီအလီၢ်န့ၣ် ဖိသၣ်ပိာ်ခွါလၢ အသးအိၣ်ဒံးဒၣ် လွံၢ်နံၣ်ဖိတဂၤ မၤသ့ၣ်ဖးဘၣ်ဝဲဒၣ်န့ၣ်လီၤ. ဖိသၣ်အံၤ ဒိးန့ၢ်ဝဲ တၢ်မၤဆၢအီၤ လၢတၢ်သးကညီၤ, ဒီးလၢတၢ်လီၤကမၢကမၣ်အပူၤန့ၣ်လီၤ. တၢ်ပာ်ကွၢ်ကီလီၢ် အပှၤ
မၤတၢ်ဖိန့ၣ် ပျဲပျၢ်အတၢ်မၤကမၣ်တၢ်, ဒီးကွဲမုာ်အီၤ ဒ်သိးကဟဲကဒီးတဘျီအဂီၢ် န့ၣ်လီၤ. "ဟဲး(ခၠဲး) တၢ်ကွၢ်ကီလီၢ်" (Hecht Museum) အဂီၢ်, "ရိအံၣ် ရှဖံအၤ" (Roee Shafir), စံးကတိၤပာ်ဖျါဝဲလၢ အတၢ်မၤန့ၣ် မ့ၢ်တၢ်မၤအါထီၣ် ဟီၣ်ခိၣ်ဒီဘ့ၣ် အတၢ်သးစဲ လၢတၢ်မၤဂ့ၤထီၣ်က့ၤကျိၤကျဲ, ဒီးကမ့ၢ် တၢ်ဟ့ၣ်ဂံၢ်ဟ့ၣ်ဘါ ဖိသၣ်ပိာ်ခွါဖိအတၢ်သးစဲသ့ၣ်သ့ၣ်လၢ တၢ်စံၣ်စိၤတဲစိၤ, ဒီးတၢ်မၤလိဃုသ့ၣ်ညါ တၢ်ခူၣ်ထုးထီၣ်က့ၤ လၢပျၢၤတၢ်ဖိတၢ်လံၤသ့ၣ်တဖၣ်န့ၣ်လီၤ. ကမ့ၢ်ဝဲဒၣ် တၢ်အစၢတမံၤ, လၢအအိၣ်ဒီး
တၢ်ယါဘျါဂ့ၤထီၣ်က့ၤတၢ်, ဒီးတၢ်ကဲဘျုးလၢအဂ့ၤတကပၤန့ၣ်လီၤ.
တၢ်ဂ့ၢ်ဖိအံၤ ဒုးသ့ၣ်နီၣ်ထီၣ်ယၤ, ဖဲပှၤအံၣ်စရ့လးဖိ ပူထီၣ်အီၤဝံၤအလီၢ်ခံ, ကစၢ်ယွၤ အတၢ်ပာ်ဖျါ လၢအထုးန့ၢ်သူၣ်န့ၢ်သး, ဘၣ်ဃးဒီးအတၢ်ပျၢ်တၢ်ကမၣ်အဂ့ၢ်န့ၣ်လီၤ. ပှၤဂီၢ်မုၢ်တဖၣ် ပူထီၣ်ကစၢ်ယွၤ…
တၢ်ဒုးကဲထီၣ် ကစၢ်ခရံာ်အပျဲၢ်အဘီၣ်တဖၣ်
တၢ်လိာ်ကွဲဖျၢၣ်သွ့ (Basketball) စးထီၣ်သီအကတီၢ်န့ၣ်, လၢပဟံၣ်ကပၤ တီၤခၢၣ်သးကၠိတဖျၢၣ်န့ၣ် ပှၤလၢအသိၣ်လိနဲၣ်လိဖျၢၣ်သွ့သရၣ်တဂၤ, ဒ်သိးအပှၤလိာ်ကွဲတၢ်ဖိတဖၣ် ကကျဲးစၢးကွံာ်နုာ်လီၤ ဖျၢၣ်သွ့အဂီၢ် ဖျါလၢထဲးဂံၢ်ထဲးဘါ, ဟ့ၣ်ဂံၢ်ဟ့ၣ်ဘါဝဲန့ၣ်လီၤ. အဝဲအိၣ်လၢ တၢ်လိာ်ကွဲပျီအပနိ (sidelines) အကပၤ, ဒီးကိးထီၣ်ဝဲဒၣ် “ကွံာ်နုာ်လီၤ” န့ၣ်လီၤ. လၢတၢ်သးဆူၣ်အပူၤန့ၣ် အပှၤလိာ်ကွဲတၢ်ဖိတဖၣ် ဟ့ၣ်ခီလိာ်သး ဖျၢၣ်သွ့န့ၣ်လီၤ. တၢ်ဃ့ၢ်စိာ်ဖျၢၣ်သွ့စ့ၢ်ကီး မ့ၢ်တၢ်လၢအဝဲသ့ၣ်အဲၣ်ဒိးမၤဝဲန့ၣ်လီၤ. တချုးလၢအပှၤလိာ်ကွဲဖိတဖၣ် မၤဟါမၢ်ဒံးဘၣ် တၢ်သးဒ့ဒီလၢ ကသွီနုာ်လီၤ ဖျၢၣ်သွ့ ဒ်သိးကဒိးန့ၢ် တၢ်သွီနုာ်အဖီးအဂီၢ်န့ၣ် တၢ်လိာ်ကွဲ အကတီၢ် လဲၤပူၤကွံာ်ဝဲတဝာ်လံန့ၣ်လီၤ. ဘၣ်ဆၣ်, ဖဲအဝဲသ့ၣ် ကျဲးစၢးသွီနုာ်လီၤ ဖျၢၣ်သွ့န့ၣ် ဒုးအိၣ်ထီၣ် တၢ်လီၤဆီခဲလၢာ်န့ၣ်လီၤ. ခီဖျိလၢတၢ်ဒိကနၣ်အသရၣ်အကလုၢ်, လၢတၢ်မၤဟါမၢ်ကွံာ် တၢ်သးဒ့ဒီတဖၣ်, ဒီးလၢတၢ်ဂုာ်ကျဲးစၢး သွီနုာ်ဖျၢၣ်သွ့- ကွံာ်သွီနုာ်ဖျၢၣ်သွ့ မ့ၢ်တနုာ်လီၤကိးဘျီဒဲးဒၣ်လဲာ်, တၢ်မၤနၢၤတၢ်န့ၣ် အဝဲသ့ၣ် မၤလိန့ၢ်ဝဲဒၣ်န့ၣ်လီၤ.
ဒ်သိးပကဒိကနၣ်အတၢ်ကိး, လၢတၢ်ဒုးကဲထီၣ် အပျဲၢ်အဘီၣ်တဖၣ်အဂီၢ်, ကစၢ်ယ့ၣ်ရှူးသိၣ်လိပှၤလၢ ပကဘၣ်ပျဲပျၢ်ကွံာ် တၢ်သးဒ့ဒီန့ၣ်လီၤ. ကစၢ်ယ့ၣ်ရှူး တဲနၢ်ပၢၢ်ဝဲဒၣ်လၢ, “ တၢ်ဟ့ၣ်လီၤလံယၤလၢ…
လဲၤတၢ်လၢကစၢ်ခရံာ် အတၢ်ကပီၤအပူၤ
လၢသမှံၤဟံၣ်ဒွဲ, ထ့(မ) (Tim) အဒၢးန့ၣ် ဖျါလၢတၢ်ခံးလီၤဆီ ဖဲမုၢ်နၤအကတီၢ် န့ၣ်လီၤ. အဝဲမ့ၢ်ပၢၢ်ထီၣ်ဝဲဒၣ်လၢမုၢ်နၤအကတီၢ်, ဒီးခီဖျိလၢတထံၣ်ဘၣ်တၢ်အဃိ. အခီၣ်မ့ၢ်လီၤတလံာ်, မ့ၢ်လီၤဃံၤန့ၣ်ဒီး, တၢ်ကမၤအသးလၢအီၤဒ်လဲၣ်. ဘၣ်ဆၣ်, ဖဲ ထ့(မ) ပၢၢ်ထီၣ်န့ၣ်ဒီး, ကမၢကမၣ်ဝဲလၢ ထံၣ်ဘၣ်တၢ်ကပီၤဆဲးကပီၤဖျါဝဲဒၣ်လၢအလီၢ်မံခးအဖီလာ်, ဒီးမၤကပီၤထီၣ်အကျဲန့ၣ်လီၤ. ပိးလီလၢ အထိၣ်ဂဲၤထီၣ်ဝဲ တၢ်ကပီၤ, ခီဖျိလၢတၢ်ဟူးတၢ်ဂဲၤအဃိန့ၣ်လီၤ. အဝဲမ့ၢ်ပၢၢ်ထီၣ်, ဒီးစးထီၣ်လဲၤက့ၤတၢ်န့ၣ်ဒီး, တၢ်ကကပီၤထီၣ်ဝဲန့ၣ်လီၤ.
လံာ်စီဆှံ ပာ်ဖျါဝဲဒၣ် ပကဘၣ်လဲၤတၢ်ကျၢၤမူဆှူ လၢယွၤအတၢ်ကပီၤပူၤန့ၣ်လီၤ. လၢဝ့ၢ် အ့းဖ့းစူးအပူၤန့ၣ်, စီၤပီလူး စံးဘၣ်တဲဘၣ် ပှၤစူၢ်က့ၤနာ်က့ၤ ကစၢ်ယ့ၣ်ရှူးသီသီဖိတဖၣ်လၢ “ကဲထီၣ်ပှၤကွၢ်လိယွၤ,... ဒီးလဲၤသုဝဲလၢ တၢ်အဲၣ်တၢ်ကွံအပူၤ” (အ့းဖ့း ၅:၁-၂) န့ၣ်လီၤ. ဘၣ်ဆၣ်, ပမ့ၢ်လဲၤဝဲ ဒ်သိးအံၤန့ၣ်ဒီး, တၢ်ကမၤအသးမနုၤတမံၤလဲၣ်.
ဖဲပယီၢ်နုာ်လီၤဆူ ကစၢ်ခရံာ် တၢ်အဲၣ်အတၢ်ကပီၤအပူၤန့ၣ်, မ့ၢ်ဒၣ်ပစူးကွံာ်ညိကွံာ် ပတၢ်ဒဲးဘး- လၢအမ့ၢ် တၢ်အိၣ်မူတတီတလိၤ, တစီတဆှံ, တၢ်ဘါတၢ်ဂီၤတၢ်ဖီၣ်, ဒီးတၢ်သူၣ်လီသးကွံတဖၣ်န့ၣ်လီၤ. စီၤပီလူး စံးဝဲဒၣ်လၢ, “မၤဃုာ်ဒီးတၢ်ခံးအတၢ်မၤလၢ အတၤသၣ်တအိၣ်ဘၣ်န့ၣ်တဂ့ၤ.…
တၢ်ဒိၣ်ထီၣ်လၢယွၤအပူၤ
ဒ်ခရံာ်ဖိ ပှၤကွဲးလံာ်တဂၤအသိး, က့(လ) (Gayle) စးထီၣ်မၤတၢ်သီသီအကတီၢ်, ဒိးန့ၢ်ဝဲဒၣ် တၢ်ဟ့ၣ်ဖိတဖၣ် လၢအမၤမုာ်, ထုးန့ၢ်သူၣ်သးတဖၣ် လၢပှၤထုးထီၣ်လံာ်အအိၣ်တလီၢ်လီၢ်န့ၣ်လီၤ. တၢ်ဟ့ၣ်ဖိတဖၣ် မ့ၢ်ဝဲ ဖီကဒိၣ်တဖၣ်, ခၠီးကလဲးတဖၣ်, သ့ၣ်ဂံၢ်ဝၣ်စဲအလၣ်ဃ့အဘိၣ်တဖၣ်န့ၣ်လီၤ. တၢ်ဟ့ၣ်ခဲလၢာ်န့ၣ် မ့ၢ်တၢ်လၢအလီၤအဲၣ်လီၤကွံ
တဖၣ်န့ၣ်လီၤ. ဘၣ်ဆၣ်, ဒ်တၢ်ဆၢကတီၢ်ယံာ်ထီၣ်ဝဲန့ၣ်ဒီး, ပှၤထုးထီၣ်လံာ်တဂၤန့ၣ် စးထီၣ်ဆှၢန့ၢ်အီၤ တၢ်ဟ့ၣ်တဖၣ်, လၢအလုၢ်အပှ့ၤအိၣ်ကၢအိၣ်ခိး, ဒ်အမ့ၢ် တၢ်ကဖး လံာ်စီဆှံလၢတနံၣ်အဂီၢ်, တၢ်ဘူၣ်သကိးဘါသကိး အလံာ်ဖုၣ်ကိာ်ဖိတဖၣ်. ဒီးတနံၤဘၣ်တနံၤ, နီၢ်တဂၤ အတၢ်ထုကဖၣ်လံာ်ကွဲးနီၣ်တဖၣ်န့ၣ်လီၤ. က့(လ) စူးကါဝဲဒၣ် တၢ်လၢအဒိးန့ၢ်တဖၣ်, ဒီးကဲထီၣ်ပှၤခရံာ်ဖိလၢ အဒိၣ်တုာ်ခိၣ်ပှဲၤတဂၤ, တၢ်ဟ့ၣ်လၢ အမၤမုာ်အသးတဖၣ်န့ၣ် တထုးန့ၢ်အသးလၢၤဘၣ်. ဒီးဟ့ၣ်လီၤအသး, စူးကါအါထီၣ်အတၢ်အိၣ်မူ, ဒ်သိးကနဲၣ်ဆှၢပှၤဂုၤပှၤဂၤတဖၣ်ဆူ ကစၢ်ခရံာ်အအိၣ်အဂီၢ်န့ၣ်လီၤ.
တၢ်မၤအံၤ ဒုးသ့ၣ်နီၣ်ထီၣ်က့ၤပှၤ စီၤတံၤမသ့း ဒိၣ်ထီၣ်ဝဲဒၣ်လၢ တၢ်မၢဖိစီၤပီလူး အတၢ်ဟ့ၣ်ကူၣ်ဟ့ၣ်ဖး, ဒီးအတၢ်တိစၢၤမၤစၢၤအဖီလာ်န့ၣ်လီၤ. ၂ တံၤ ၂:၁၅ အပူၤန့ၣ်, လၢနီၢ်သးအတၢ်ဒိၣ်တုာ်ခိၣ်ပှဲၤအဂီၢ်, စီၤပီလူး စံးဝဲဒၣ်သပှၢ်ပှၢ်, ဒီးဟ့ၣ်ကူၣ်အီၤလၢ “ကျဲးစၢးကဲထီၣ်လၢ…
ရဲၣ်ကျဲၤကူၣ်ထီၣ်တၢ်အဂ့ၤအဘၣ်
ကသံၣ်သရၣ် အဲး(စ)ဒဲ (Ezdan) လၢဝ့ၢ်ဆံးဖိန့ၣ် ဒုးအိၣ်ထီၣ် တၢ်မံမီၢ်ဖးဒိၣ် လၢအဖိမုၣ်ဖိ အဲလံၣ်နီ (Eleanor) အဂီၢ်န့ၣ်လီၤ. အဖိမုၣ်န့ၣ် မ့ၢ် ဖိမုၣ်လီၤဆီ, ဒီ (Down Syndrome)ဖိတဂၤ, ဒီးမုၢ်လၢ်ဝဲလၢကဒုးအိၣ်ထီၣ် ပနံာ်ကၤအတၢ်မၤ, ဒ်သိးကကတဲာ်ကတီၤန့ၢ်ဝဲ တၢ်ဖံးတၢ်မၤလၢ ခါဆူညါ ကျိာ်စ့ကဟဲနုာ်လီၤလၢအဖိမုၣ်အဂီၢ်န့ၣ်လီၤ. ကစးထီၣ်မၤဝဲ အတၢ်မံမီၢ်အဂီၢ်, အသးကလၢၢ်ဘၣ် တၢ်ပျံၤတၢ်ဖုးအဃိ, မၤလိန့ၢ်ဝဲ “တၢ်ကဘၣ်စးထီၣ် ပနံာ်ကၤအတၢ်မၤဒ်လဲၣ်” အတၢ်မၤလိလၢ ပှာ်ဘျးစဲန့ၣ်လီၤ. ဝံၤ, အဲး(စ)ဒဲဒီးအမါ န့ၣ် ဒုးအိၣ်ထီၣ်ဝဲဒၣ် ဟံၣ်ဖိဃီဖိ တၢ်တ့ကိၣ်အတၢ်မၤ, လၢအဝဲသ့ၣ် ဝၣ်ယိမ့ၣ် (Wyoming) အဝ့ၢ်ဖိ, ဒီးတၢ်ဖံးတၢ်မၤန့ၣ် ဂုၤထီၣ်ပသီထီၣ်ဝဲဒၣ်န့ၣ်လီၤ. အဲး(စ)ဒဲ စံးဝဲလၢ, “တၢ်မၤအံၤ ကဲထီၣ်ပနံာ်ကၤအတၢ်မၤနီၢ်နီၢ်, အိၣ်ဒီးပှၤမၤတၢ်ဖိ” န့ၣ်လီၤ. မ့မ့ၢ် ခဲကနံၣ်အံၤ, အဲလံၣ်နီန့ၣ် ဒိၣ်ထီၣ်လံ, ဒီးမၤဝဲဒ်အမ့ၢ်ပှၤတူၢ်လိာ်စ့, ဒီးဆဲးကျိးဆါဝဲကိၣ်တဖၣ်ဆူ အီၣ်လဲ (online) ပှၤပှ့ၤတၢ်တဖၣ်န့ၣ်လီၤ. အဲး(စ)ဒဲ စံးဝဲဒၣ်လၢ,…
တၢ်အဲၣ်ပှၤတခီဘီမုၢ်ဖိ
ယတံၤသကိးအမါ, မ့ၢ်ပှၤဆးတၢ်စဲၣ်နီၤတဂၤန့ၣ်, အတၢ်အိၣ်ဆူၣ်အိၣ်ချ့တဂ့ၤဝဲဒၣ် အါနံၣ်အါလါအပူၤအဃိ, တချုးလၢအသံန့ၣ် မၤတ့ၢ်ဝဲတၢ်ရဲၣ်တၢ်ကျဲၤလၢ အလီၤအဲၣ်လီၤကွံတမံၤန့ၣ်လီၤ. အဝဲဟ့ၣ်လီၤတဲာ်တ့ၢ်ဝဲ အတၢ်ဆးစဲးဖီကဟၣ်တဖၣ်ခဲလၢာ်- ဒ်အမ့ၢ် စဲးဆးတၢ်တဖၣ်, စီၢ်နီၤခိၣ်လၢတၢ်တံာ်တၢ်ကံးညာ်တဖၣ်, အါန့ၢ်အန့ၣ်, ပှၤတခီဘီမုၢ်ဖိ သုးလီၢ်သုးကျဲ, ဒီးအိၣ်ဟဲဝဲလၢထံဂုၤကီၢ်ဂၤတဖၣ်အဂီၢ် ပာ်လီၤတဲာ်တ့ၢ်ဝဲဒၣ် တၢ်သိၣ်လိတၢ်ဆးအလီၢ်တဖၣ်ဆူ ပဝ့ၢ်ပှၤဆးတၢ်ဖိအကရၢန့ၣ်လီၤ. အဝၤ စံးဘၣ်ပှၤလၢ ‘ယဂံၢ်ကွၢ်ဒွးကွၢ်ဝဲဒၣ် တၢ်ကံးညာ်အတလါန့ၣ် အိၣ်ဝဲ ၂၈ ဖျၢၣ်န့ၣ်လီၤ. ပိာ်မုၣ်ဃုဂၤ ဟဲဟံးန့ၢ်ဝဲဒၣ် တၢ်ပိးတၢ်လီတဖၣ်ခဲလၢာ်န့ၣ်လီၤ. အဝဲသ့ၣ်အပျဲၢ်ဖိတဖၣ် မ့ၢ်ပှၤလၢကျဲးစၢးမၤတၢ်ဆူၣ်ဆူၣ်, ဒီးအသးဆူၣ်မၤလိန့ၢ်တၢ်သ့တၢ်ဘၣ်န့ၣ်လီၤ.’
ပှၤအိၣ်ဝဲတနီၤလၢ တအဲၣ်ဒိးတူၢ်လိာ်မုာ် ပှၤအသီဟဲနုာ်လီၤအိၣ်ဆိးတၢ် ဒ်သိးအံၤတဖၣ်အဃိ, ပှၤသုးလီၢ်သုးကျဲ, အိၣ်ဟဲလၢထံဂုၤကီၢ်ဂၤတဖၣ် အတၢ်အိၣ်အသးအကီအခဲ, ဒီးအလီၤသးအုးတဖၣ်န့ၣ် ကဲထီၣ်တၢ်လၢ အမၤလီၤဖးတၢ်န့ၣ်လီၤ.
ဘၣ်ဆၣ်, ၂မိၤ ၂၃:၉ န့ၣ် စီၤမိၤရှ့ ပာ်ဖျါထီၣ် ကစၢ်ယွၤ အတၢ်ပာ်သူၣ်ပာ်သး လၢ ‘မၤနးမၤဖှီၣ်ပှၤတခီဘီမုၢ်ဖိတဂ့ၤ. အဂ့ၢ်ဒ်အံၤ သုသ့ၣ်ညါပှၤတခီဘီမုၢ်ဖိအသး’ န့ၣ်လီၤ. စီၤမိၤရှ့ ဟ့ၣ်လီၤအါထီၣ်ဝဲ ကစၢ်ယွၤ အတၢ်သိၣ်တၢ်ဘျၢ ဘၣ်ဃးဒီးပှၤတခီဘီမုၢ်ဖိတဖၣ်အဂီၢ်န့ၣ်…
တၢ်မၤသကိးတၢ်န့ၣ် ဂ့ၤန့ၢ်ဒံးတၢ်မၤဝဲဒၣ်ထဲတဂၤဧိၤ
အနံၣ်တဆံအတီၢ်ပူၤန့ၣ် မဲးကံၣ် (Meggie) သူဝဲကသံၣ်မူၤဘှိးအဃိ, ဘၣ်နုာ်လီၤဟးထီၣ်ဝဲဒၣ်လၢဃိာ်ပူၤတလီၢ်လီၢ်န့ၣ်လီၤ. မ့ၢ်တဆီတလဲ အတၢ်အိၣ်မူဘၣ်န့ၣ်ဒီး, တယံာ်ဘၣ်န့ၣ်ကက့ၤကဒါဝဲဒၣ်ဆူကျဲအလီၢ်လံၤန့ၣ်လီၤ. လၢခံအဝဲထံၣ်လိာ်အသးဒီး ဟါ(န)(စ) (Hans), လၢအပူၤကွံာ်န့ၣ် မ့ၢ်ပှၤလၢ အသူကသံၣ်မူၤဘှိးတဂၤ, မ့ၢ်လၢဆဲးနုာ်လီၤ ကသံၣ်ဆူအသွံၣ်မိၢ်ပှၢ်အကျိၤပူၤ အါတလၢအဃိ, ဘူးတ့ၢ်မးလၢအစုတခီကဘၣ်တၢ်မၤဟးဂီၤအီၤန့ၣ်လီၤ. ဟါ(န)(စ) စံးဘၣ်အီၤလၢ ‘အကတီၢ်ဖဲန့ၣ် ယကိးထီၣ် ကစၢ်ယွၤ အဆိကတၢၢ်တဘျီ’ န့ၣ်လီၤ. ကစၢ်ယွၤ စံးဆၢအီၤ, ဒီးကတဲာ်ကတီၤ ဒုးကဲထီၣ်အီၤလၢ ပှၤနၢ်ပၢၢ်တၢ် စဲၣ်နီၤတဂၤ (specialist) လၢတၢ်ကရၢကရိတဖု လၢအမၤသကိးတၢ် ဒ်သိးကမၤဂ့ၤမၤဘျါက့ၤ ပှၤသူကသံၣ်မူၤဘှိး, လၢအလီၤဃိာ်တဖၣ်အဂီၢ်န့ၣ်လီၤ.
တၢ်ရဲၣ်တၢ်ကျဲၤအံၤ ဘၣ်တၢ်ကိးအီၤလၢ Stone Soup, ဒီးမၤစၢၤဝဲ အမဲရကၤအဃိာ်တဖျၢၣ်, လၢကတဲာ်ကတီၤန့ၢ်ဝဲ ပှၤဘၣ်လီၤဃိာ်တဖၣ် ဒ်သိးကက့ၤနုာ်လီၤမၤသကိးက့ၤတၢ်, လၢအပှၤတဝၢအပူၤအဂီၢ်န့ၣ်လီၤ. ခီဖျိလၢတၢ်ရဲၣ်တၢ်ကျဲၤအံၤန့ၣ်, မဲးကံၣ် ဘၣ်လဲၤအိၣ်ဆိးဝဲဒၣ်လၢ ပှၤမၤစၢၤပှၤဟဲပတုာ်တၢ်သူကသံၣ်မူၤဘှိးတဖၣ်အဟံၣ်, ဒ်သိးဒီးကပတုာ်ကွံာ်တၢ်သူကသံၣ်မူၤဘှိးအဂီၢ်န့ၣ်လီၤ. ခဲကနံၣ်အံၤန့ၣ်, ဟါ(န)(စ) မၤစၢၤအီၤ,ဃုာ်ဒီးပှၤဂုၤပှၤဂၤတဖၣ် လၢတၢ်ဃုဖံးဃုမၤတၢ်, တၢ်ဃုထၢ တၢ်ကူၣ်ဘၣ်ကူၣ်သ့အကျိၤအကျဲ, တၢ်ကူစါယါဘျါအဂီၢ်, ဒီးဟံၣ်ဖိဃီဖိအတၢ်လိၣ်တဖၣ်အဂီၢ်-…