တၢ်ကူထီၣ်သိးထီၣ် တၢ်ဆီၣ်လီၤသး

လၢကွဲၤထံၣ်ဟူတၢ်ဂီၤရဲၣ် “တၢ်မၤမူဒါခိၣ်လၢ အဃုသ့ၣ်ညါခူသူၣ်တၢ်” (Undercover Boss) အပူၤ, ခီပနံၣ်လၢအဆါ တၢ်အီၣ်လီၤသကၤဆၢတဖၣ် အ CEO (ပှၤအခိၣ်လၢ လီၢ်လၤအထီကတၢၢ်လၢခီပနံၣ်တခါအပူၤ)န့ၣ် ကူသိးထီၣ်ဝဲ ပှၤတူၢ်လိာ်စ့ တၢ်မၤအကူအသိး (Uniform) ဒီးတၢ်ကယၢကယဲအမဲာ်, ဒီးလဲၤမၤဝဲလၢ ခီပနံၣ်အကျးတဖၣ် အကျါတဖျၢၣ်, ဒ်ပှၤမၤတၢ်ဖိ “အသီ”တဂၤန့ၣ်လီၤ. အတၢ်ကွၢ်စိတခီ မ့ၢ်ဝဲဒ်သိး ကထံၣ်ဘၣ် တၢ်အိၣ်အသး မၤအသးနီၢ်နီၢ်လၢ ကျးအပူၤန့ၣ်လီၤ. လၢအတၢ်ကွၢ်ထံကွၢ်ဆးဒီး ထံၣ်န့ၢ်တၢ်တဖၣ်အဖီခိၣ်န့ၣ်, အဝဲမၤလိၤမၤဘၣ်က့ၤဝဲ တၢ်ဂ့ၢ်တနီၤ လၢကျးဘၣ်ကွၢ်ဆၢၣ်မဲာ်ဝဲန့ၣ်လီၤ.

ကစၢ်ယ့ၣ်ရှူး “ဒိးန့ၢ်ကုၢ်အက့ၢ်အဂီၤ” (ဖံလံးပံၤ ၂:၇), ဒ်သိးကဃုန့ၢ်ကျဲကပူၤ လၢပတၢ်ဂ့ၢ်တၢ်ကျိၤတဖၣ်အဂီၢ်လီၤ. အဝဲကဲထီၣ် ပှၤကညီတဂၤ, လဲၤတၢ်လၢဟီၣ်ခိၣ်ချၢ, သိၣ်လိပှၤလၢယွၤအဂ့ၢ်, ဒီးလၢခံကတၢၢ် ဒိးသံအသးလၢထူၣ်စုညါအလိၤ လၢပတၢ်ဒဲးဘးတဖၣ်အဂီၢ်လီၤ(:၈). တၢ်ဟ့ၣ်လီၤသးအံၤ ဒုးနဲၣ်ဖျါထီၣ်ခရံာ် အတၢ်ဆီၣ်လီၤသးန့ၣ်လီၤ. လၢတၢ်ဒိကနၣ်အပူၤ, အဝဲဟ့ၣ်လီၤအသးသမူ ဒ်တၢ်ဒဲးဘးအတၢ်လုၢ်တၢ်ပာ်အသိးန့ၣ်လီၤ. အဝဲအိၣ်မူဝဲလၢ ဟီၣ်ခိၣ်ချၢ ဒ်ပှၤပိာ်ခွါ တဂၤအသိး, ဒီးလဲၤခီဖျိဝဲ တၢ်လၢပလဲၤခီဖျိ, ဒ်နၤနၤယၤယၤအသိးန့ၣ်လီၤ.

ဒ်ပှၤစူၢ်က့ၤနာ်က့ၤတၢ်လၢ…

တၢ်ဘူၣ်တၢ်ဘါလၢ အမ့ၢ်အတီ

ဖဲယထီၣ်ခီလ့ၣ်ကၠိခံနံၣ်တနံၣ်ဝံၤ တၢ်ကိၢ်ခါအကတီၢ်, ယတံၤသကိးလၢအမၤလိတၢ်ဒီးယၤ တတီၤဃီတဂၤ သံလၢတၢ်တမုၢ်လၢ်အပူၤန့ၣ်လီၤ. ယထံၣ်အီၤ လၢအပူၤကွံာ်အသီတဖၣ် ဒီးအဝဲဖျါအိၣ်ဆူၣ်အိၣ်ချ့န့ၣ်လီၤ. ယတံၤသကိးတဖၣ်ဒီး ယနီၢ်ကစၢ်ဒၣ်ယဲ ပဆိကမိၣ်လၢ ပသးစၢ်ဒံး ဒီးသးစၢ်ကတီၢ်အံၤ မ့ၢ်တၢ်အကါဒိၣ်လၢ ပသးသမူအပူၤန့ၣ်လီၤ. ဒီးလၢကၠိတၢ်ကရၢကရိစုာ်စုာ်န့ၣ် ပမၤသကိး ရ့လိာ်ဘၣ်သး တုၤဒၣ်လဲာ် ပကဲထီၣ် ဒ်ဒီပုၢ်ဝဲၢ်အသိးဒၣ် ခဲအံၤဒံးလီၤန့ၣ်လီၤ.

ဘၣ်ဆၣ် ဘၣ်ဃးဒီး ယသကိးတဂၤအတၢ်သံန့ၣ် တၢ်လၢယသ့ၣ်နီၣ်အဒိၣ်ကတၢၢ် မ့ၢ်ဝဲ ယထံၣ်ဘၣ်လၢ ပသကိးတဖၣ် လၢအသးဒ်သိးလိာ်သးတဖၣ် အိၣ်မူထီၣ်ဘး “တၢ်ဘူၣ်တၢ်ဘါအမ့ၢ်အတီ” ဒ်သိးတၢ်လၢ တၢ်မၢဖိစီၤယၤကိာ်တဲဝဲန့ၣ်လီၤ (ယၤကိာ် ၁:၂၇). ၦၤကၠိဖိပိာ်ခွါကရၢအကျါ ပိာ်ခွါတဖၣ် ကဲထီၣ်ဒ်ဒီပုၢ်ဝဲၢ်ခွါ လၢဒီပုၢ်ဝဲၢ်မုၣ်လၢအဝဲၢ်သံတဂၤအဂီၢ်န့ၣ်လီၤ. အဒီပုၢ်ဝဲၢ်ခွါ သံဝံအလီၢ်ခံ အဝဲသ့ၣ်လဲၤဝဲ အတၢ်ဖျီဒီး လဲၤစ့ၢ်ကီးဝဲလၢ အဖိအိၣ်ဖျဲၣ်အမူးန့ၣ်လီၤ. ၦၤတဂၤဟ့ၣ်အီၤ ကွဲၤဒီနၢ်တဖျၢၣ် လၢကဆဲးကျိးအီၤ ဖဲလိၣ်ဘၣ်တၢ်အဆၢကတီၢ်တခါခါ ဒၣ်လဲၣ်န့ၣ်လီၤ.

တၢ်ဘူၣ်တၢ်ဘါအမ့ၢ်အတီ, ဒ်စီၤယၤကိာ်ပာ်ဖျါဝဲအသိး, မ့ၢ်ဝဲ “တၢ်အိၣ်သကိးၦၤဖိၣ်ဃဲဒီး မုၣ်ကမဲလၢအဘၣ်တၢ်နးတၢ်ဖှီၣ်အပူၤ”န့ၣ်လီၤ (:၂၇). ယသကိး အဒီပုၢ်ဝဲၢ်မုၣ်တဂၤအံၤ တမ့ၢ်ဖိၣ်ဃဲနီၢ်နီၢ်…

ယွၤသ့ၣ်နီၣ် မံၤတဖၣ်

မုၢ်နံၤဒိၣ်တနံၤ ဖဲယစးထီၣ်မၤတၢ် ဒ်ပှၤသးစၢ်ခိၣ်နၢ်တဂၤ လၢတၢ်အိၣ်ဖှိၣ်တဖုအပူၤ ဒီးထံၣ်လိာ်သးဒီးပှၤသးစၢ်တဘျုးဂၤဝံၤအလီၢ်ခံ, ယကတိၤတၢ်ဒီး သးစၢ်မုၣ်လိၣ်ဘိဖိတဂၤ လၢအအိၣ်ဆ့ၣ်နီၤသး လၢအမိၢ်အဃၢၤန့ၣ်လီၤ. ဖဲယဟံးစုကွၢ်မဲာ် ပိာ်မုၣ်ဖိ လၢအမဲာ်ဆှးသ့တဂၤအံၤ လၢတၢ်နံၤကမှံအပူၤအခါ, ယကိးထီၣ်အမံၤဒီးသံကွၢ်အီၤ အိၣ်မုာ်ဧါန့ၣ်လီၤ. အဝဲမိာ်ထီၣ်အခိၣ် ဒီးအမဲာ်တိာ်ဂီၤဃဲဃံလၤဖိတဖၣ် ကဝီၤလဲၢ်ထီၣ်ဝဲလီၤ. အဝဲစ့ၢ်ကီး နံၤကမှံထီၣ်ဝဲ, ဒီးလၢအကလုၢ်ဆံးဖိအပူၤစံးဝဲ “နသ့ၣ်နီၣ်ယမံၤလီၤမးလဲၣ်”န့ၣ်လီၤ. ဖိသၣ်မုၣ်အံၤ ဘၣ်သ့ၣ်သ့ၣ် အသးကကလၢၢ်ဘၣ် ဒ်အကါတဒိၣ်ဘၣ် ဖဲသရိာ်လၢအပှဲၤဒီးပှၤဒိၣ်တုာ်တဖၣ်အပူၤန့ၣ်လီၤ. ခီဖျိထဲယကိးထီၣ်သးစၢ်မုၣ်ဖိအံၤ လၢအမံၤဧိၤန့ၣ်, ယစးထီၣ်တၢ်ရ့လိာ်ဘၣ်ထွဲလၢအအိၣ်ဒီး တၢ်နာ်န့ၢ်တၢ်န့ၣ်လီၤ. အဝဲပလၢၢ်ဘၣ်ဒ်အဘၣ်တၢ်ထံၣ်အီၤ ဒီးပာ်လုာ်ပာ်ပှ့ၤအီၤန့ၣ်လီၤ.

ဖဲလံာ်ဝံယရှါယၤ အဆၢဒိၣ် ၄၃ အပူၤ, ယွၤသူဝံယရှါယၤ လၢကပာ်ဖျါထီၣ် တၢ်ကစီၣ် ဒ်သိးအံၤ ဆူပှၤအံၣ်စရ့လးဖိတဖၣ်, တၢ်ကစီၣ် လၢအမ့ၢ် အဝဲသ့ၣ်ဘၣ်တၢ်ထံၣ်အီၤ ဒီးဘၣ်တၢ်ပာ်လုာ်ပာ်ပှ့ၤအီၤလီၤန့ၣ်လီၤ. လၢတၢ်စိာ်မၢကဲကုၢ်အပူၤ ဒီးဆၢကတီၢ်လၢပှၢ်မုၢ်ကနၢအပူၤဒၣ်လဲာ်, ယွၤထံၣ်ဒီးသ့ၣ်ညါ အဝဲသ့ၣ်လၢ အ “မံၤ”န့ၣ်လီၤ (:၁). အဝဲသ့ၣ် တမ့ၢ်ပှၤလၢ ယွၤတသ့ၣ်ညါဘၣ်အီၤဘၣ်, အဝဲသ့ၣ်ဘၣ်ဃးဒီးယွၤန့ၣ်လီၤ. အဝဲသ့ၣ်အသးကလၢၢ်ဘၣ်သ့ၣ်သ့ၣ် ဒ်အဘၣ်တၢ်စူးကွံာ်ညိကွံာ်အီၤဘၣ်ဆၣ်, အဝဲသ့ၣ်…

တၢ်ဆီၣ်သနံးဆူ တၢ်ဃူတၢ်မုာ်

တၢ်သုးလီၢ်သုးကျဲန့ၣ် ဘၣ်တၢ်ပာ်အီၤဒ် တၢ်လၢအဆီၣ်သနံးပှၤ အဒိၣ်ကတၢၢ်တဖၣ် အကျါတမံၤ လၢတၢ်အိၣ်မူအပူၤန့ၣ်လီၤ. ပသုးဆူပဟံၣ်လၢ ပအိၣ်အခဲအံၤ, ဖဲယအိၣ်ဆိး တ့ၢ်ယဲလၢဟံၣ် လၢအပူၤကွံာ်တဖျၢၣ် ယံာ်အနံၣ်ခံဆံ ဃၣ်ဃၣ်ဝံၤအလီၢ်ခံန့ၣ်လီၤ. တချုးယဒိးတ့ဒိးဖျီယသးအခါ, ယအိၣ်ထဲတဂၤဧိၤ ဖဲဟံၣ်အဆိကတၢၢ် အဝဲန့ၣ်တဖျၢၣ် ယံာ်ဝဲဃိးနံၣ်န့ၣ်လီၤ. ဝံၤဒီးယဝၤဟဲသုးအိၣ်ဖဲန့ၣ်, ဃုာ်ဒီး ကယဲၢ်အတၢ်ဖိတၢ်လံၤတဖၣ်န့ၣ်လီၤ. လၢခံ, ပဒိးန့ၢ်ပဖိတဂၤ, ဒီးတၢ်အံၤအခီပညီမ့ၢ်ဝဲ တၢ်ဖိတၢ်လံၤအါထီၣ်န့ၢ် အန့ၣ်ဒၣ်လဲာ်လီၤ.

မုၢ်တနံၤ ဖဲပသုးဆူ ပဟံၣ်အသီတဖျၢၣ်န့ၣ်, တၢ်တလဲၤအသး ဒ်အညီနုၢ်အသိးဘၣ်. ပှၤသုးန့ၢ်တၢ်ဖိတဖၣ် တချုးဟဲတုၤဒံးဘၣ် ၅ မံးနံးန့ၣ်, ယကွဲးကတၢၢ်ယလံာ်တဘ့ၣ်ဒံး အဖၢမုၢ်လီၤ. ဒီးပဟံၣ်အသီတဖျၢၣ်န့ၣ် အိၣ်ဒီး ဃီတဘျုးဆိန့ၣ်လီၤ. အဃိဒီး တၢ်ဆၢကတီၢ်လၢာ်အါထီၣ်ခံစး, ဒီးပလိၣ်ဘၣ်ပှၤသုးတၢ်ဖိတဖၣ် အဂၤအါထီၣ်န့ၢ်ဒံး တၢ်တိာ်ပာ်ဆိဃာ်ခံစးန့ၣ်လီၤ.

ဘၣ်ဆၣ် ယတလီၤဘှံးလီၤတီၤယဲလၢ တၢ်မၤအသးတဖၣ် ဖဲမုၢ်နံၤအဝဲန့ၣ်အဃိဘၣ်. ဒီးတၢ်ဆိကမိၣ်ဟဲနုာ်လီၤလၢယပူၤ ဒ်အံၤလီၤ. ယသူတၢ်ဆၢကတီၢ်နၣ်ရံၣ်တဖၣ် အါမး လၢတၢ်မၤဝံၤ တၢ်ကွဲးလံာ်တဘ့ၣ် လၢအပှဲၤဒီး ယွၤအကလုၢ်အကထါ ဒီးတၢ်ထံၣ်တၢ်ဆိကမိၣ် ဘၣ်ဃးဒီးလံာ်စီဆှံန့ၣ်လီၤ. မ့ၢ်လၢယွၤအဘျုးအဖှိၣ်အဃိ,…

တၢ်မၤမုၥ်ထီၣ် အိၣ်လၢတြဲၤဘိလိၤ

ဖဲ ၂၀၁၆ နံၣ်, ကီၢ်အမဲရကၤ, ကီၢ်စဲၢ်လူဝံၣ်စံၣ်ယါနၤ(Louisiana), ကလံၤထံး, ထံလုၣ်ဘၢ တၢ်ဖးဒိၣ်ဝံၤန့ၣ်, ယကွၢ်က့ၤ တၢ်ကစီၣ်တဖၣ်လၢ စိၣ်ရှဲၣ်မံၤဒယၤအပူၤ ယထံၣ်ဘၣ် တံၤသကိးတဂၤ, ပာ်ဖျါထီၣ်ဝဲ အတၢ်ကစီၣ်န့ၣ်လီၤ. ဖဲသ့ၣ်ညါဘၣ်ဝဲလၢ, အဟံၣ်န့ၣ်, ကဘၣ်တၢ်မၤဟးဂီၤကွံာ်ဝဲဒီး, ကဘၣ်တၢ်ဘှီဂ့ၤထီၣ်က့ၤတၢ် အဆၢကတီၢ်, အမိၢ်ဟ့ၣ်ဂံၢ်ဟ့ၣ်ဘါအီၤ, ဖဲလၢ တၢ်မၤဆှဲမၤပျီတၢ်လၢ, တၢ်သူၣ်တၢ်သးလီၤဘှါအဆၢကတီၢ်ဒၣ်လဲာ်, ကဃုထံၣ်န့ၣ်ယွၤအဂီၢ်န့ၣ်လီၤ. လၢခံန့ၣ်, ယတံၤသကိးန့ၣ်, တီၣ်ထီၣ်ဝဲ တၢ်ဂီၤတဖၣ်လၢ အပာ်ဖျါ လံာ်စီဆှံအဆၢတဖၣ် လၢတြဲၤဘိလိၤတဖၣ် ဘၣ်သ့ၣ်သ့ၣ် ကဘၣ် တၢ်ကွဲးအီၤ, ဖဲအပူၤကွံာ်, တၢ်စးထီၣ်ဘှီဟံၣ်အံၤ အဆၢကတီၢ်န့ၣ်လီၤ. အဝဲဖးဘၣ်ဝဲ ယွၤကလုၢ်ကထါတဖၣ်လၢ သ့ၣ်ဘ့ၣ်ဘၣ်လိၤအံၤ ကဲထီၣ် တၢ်သူၣ်မုာ်သးမုာ် တၢ်လၢအဂီၢ်န့ၣ်လီၤ.

တၢ်ကွဲးလံာ်စီဆှံအဆၢလၢ တြဲၤဘိလိၤအထူသနူၤအံၤ ဘၣ်သ့ၣ်သ့ၣ် ကစးထီၣ် အသးဖဲ, ကစၢ်ယွၤ မၤလိာ်ဝဲ ပှၤအံၣ်စရ့လးဖိတဖၣ် အဆၢကတီၢ်န့ၣ်လီၤ. ကစၢ်ယွၤ မၤလိာ် ပှၤအံၣ်စရ့လးဖိတဖၣ် လၢကကွဲးလီၤ အတၢ်မၤလိာ်လၢတြဲၤဘိလိၤန့ၣ် ကမ့ၢ်ကျဲၤကျိတမံၤလၢ တၢ်ကဒုးသ့ၣ်နီၣ်ထီၣ်က့ၤ…

မ့ၢ်တၢ်မနုၤလၢ အလိၣ်ဝဲနီၢ်နီၢ်န့ၣ်လဲၣ်

ဖဲအကတဲာ်ကတီၤတၢ်အီၣ်ကတီၢ်, မိၢ်သးစၢ်တဂၤ ကျီတၢ်ညၣ်ကၣ်မံခံကူၣ်, တချုး ဖဲအတ့ၢ်လီၤတၢ်အံၤဆူ သပၢၤဖးဒိၣ်အပူၤလီၤ. အဝၤသံကွၢ်အီၤလၢ ဘၣ်မနုၤဘၣ်ကျီတဲာ် တၢ်ညၣ်ခံကူၣ်လဲၣ်န့ၣ်လီၤ. အဝဲစံးဆၢက့ၤဝဲလၢ “မ့ၢ်လၢအမိၢ်မၤယုၤအီၤဒ်န့ၣ်အဃိလီၤ”.

ဘၣ်ဆၣ် အဝၤ အတၢ်သံကွၢ်အံၤ, ကဲထီၣ်တၢ်သးတံာ်တာ်လၢ ပိာ်မုၣ်အံၤန့ၣ်လီၤ. လၢတၢ်အံၤအဃိ, အဝဲသံကွၢ် အမိၢ်လၢတၢ်လၢအဘၣ်ထွဲဒီးလုၢ်လၢ်န့ၣ်လီၤ. အဝဲဖုးသံပျီၢ်သံ ဖဲအသ့ၣ်ညါဘၣ်ဝဲလၢ အမိၢ်ကျီတၢ်ညၣ်အံၤအဂ့ၢ်, မ့ၢ်လၢသပၢၤဆံးအဃိ, ဘၣ်ကျီဆံးလီၤတၢ်ညၣ်အလိၣ်ဖိန့ၣ်လီၤ. မ့ၢ်လၢဖိမုၣ်အံၤ အိၣ်ဒီးသပၢၤဖးဒိၣ်အါဖျၢၣ်အဃိ, တၢ်ဘၣ်ကျီဆံးလီၤတၢ်ညၣ်အံၤ, တမ့ၢ်တၢ်လၢ အလိၣ်ဝဲန့ၣ်ဘၣ်.

လုၢ်လၢ်ထူသနူ စံၣ်စိၤတဲၤစိၤအါမံၤ စးထီၣ်သးလၢ တၢ်လိၣ်အိၣ်ဝဲတမံၤ ဘၣ်ဆၣ်, တၢ်အံၤ ဘၣ်တၢ်စိာ်မူအီၤ, လၢတၢ်တအိၣ်ဒီးတၢ်သံကွၢ်သံဒိးတၢ် နီတမံၤ ကဲထီၣ် “တၢ်လၢပညီနုၢ်အီၤန့ၣ်လီၤ”. တၢ်အံၤ မ့ၢ်တၢ်လၢပဟံးဃာ်ပၢၤဃာ်ညီနုၢ် ဆူတၢ်လၢအဘၣ်ထွဲဒီး လုၢ်လၢ်ထူသနူတဖၣ်, ဒ်တၢ်တမံၤမံၤ လၢပှၤဖၤရံၤရှဲတဖၣ် မၤဝဲလၢအဝဲသ့ၣ်အဆၢကတီၢ်န့ၣ်လီၤ (မၢ်ကူး ၇:၁-၂). အဝဲသ့ၣ် မ့ၢ်တၢ်လၢ အတြီဃာ် တၢ်လၢ အဖျါလီၤဂာ်မးလၢ တၢ်လဲၤခီပတာ်ဘၣ် တၢ်ဘူၣ်တၢ်ဘါ အတၢ်သိၣ်တၢ်သီတဖၣ်အသိးန့ၣ်လီၤ.

တၢ်အံၤ မ့ၢ်ဒ်ကစၢ်ယ့ၣ်ရှူးစံးဘၣ် ပှၤဖၤရံၤရှဲတဖၣ်…

တၢ်ထံၣ်အသီ

ယသိးထီၣ်မဲာ်ထံကလၤမဲာ်ဒီး အသီ ဒီးနုာ်လီၤဆူ တၢ်ဘါယွၤသရိာ်အပူၤလီၤ. ဖဲယဆ့ၣ်နီၤအခါ ယထံၣ်ဘၣ်ယသကိးတဂၤ ဆ့ၣ်နီၤလၢလီၤဆ့ၣ်နီၤ ဘးခီတကပၤ လၢသရိာ်အံၤအပူၤန့ၣ်လီၤ. ဖဲယဝံၢ်ဝၢ်ပၠးအီၤယစုအခါ, အဝဲဖျါဘူးဘူးတံၢ်တံၢ် ဒီးဆှံဆှံဖိန့ၣ်လီၤ. အဝဲအိၣ်ယံၤဒီးယၤ တဘျုးချံဘၣ်ဆၣ်, ယကလၢၢ်ဘၣ်ဒ် ယသုးဃီၤယသးဒီး ထိးဘၣ်အီၤကသ့န့ၣ်လီၤ. လၢခံဖဲတၢ်ဘါပျၢ်ဝံၤအလီၢ်ခံ ပတဲသကိးတၢ်အခါ, ယသ့ၣ်ညါဘၣ်လၢ အဝဲဆ့ၣ်နီၤဒၣ်ဖဲ လီၢ်ဆ့ၣ်နီၤလၢအဆ့ၣ်နီၤညီနုၢ်ဝဲ န့ၣ်လီၤ. ယထံၣ်ဘၣ်အီၤဂ့ၤဂ့ၤ မ့ၢ်လၢယမၤထီထီၣ် ယမဲာ်ဒီး မဲာ်ထံကလၤအပတီၢ် အဃိန့ၣ်လီၤ.

ယွၤ, ကတိၤတၢ်ခီဖျိ ဝံယရှါယၤ, ဒီးသ့ၣ်ညါဝဲဒၣ်လၢ ပှၤအံၣ်စရ့လးဖိ လၢအိၣ်လၢ ဘၣ်ဘူးလိာ် တၢ်စၢဃာ်အပူၤတဖၣ် လိၣ်ဘၣ်ဝဲ တၢ်နဲၣ်လီၤအသီတခါ —တၢ်ထံၣ်အသီန့ၣ်လီၤ. ယွၤစံးဘၣ်အဝဲသ့ၣ်. “ယမၤတၢ်အသီတမံၤလီၤ . . . ယကပာ်ကျဲလၢ ပှၢ်မုၢ်ကနၢအပူၤလီၤ” (ယရှါ ၄၃:၁၉). ယွၤအတၢ်မုၢ်လၢ် တၢ်ကစီၣ်အံၤ ပာ်ဃုာ်ဒီး တၢ်ဒုးသ့ၣ်နီၣ်ထီၣ်တၢ်တဖၣ်လၢ ယွၤ "တ့" အဝဲသ့ၣ်, "အုၣ်က့ၤခီၣ်က့ၤ" အဝဲသ့ၣ်, ဒီးကအိၣ်ဒီးအဝဲသ့ၣ်န့ၣ်လီၤ. “နမ့ၢ် ယတၢ်လီၤ,”…

အိၣ်စဲဘူးဒီးတၢ်ဂ့ၤ

ဖဲပပာ်ပသိလ့ၣ်လၢ တၢ်လီၢ်ပျီတတီၤအကပၤဒီး ပလဲၤခီအီၤလၢပခီၣ်ဆူပဟံၣ်အခါ, ထီဘိဃာ်ဃာ် ပထြၢသၣ်အချံတဖၣ် စဲဘူးလၢပကူပသိးတဖၣ်အလိၤ, လီၤဆီဒၣ်တၢ်ဖဲ သ့ၣ်လၣ်လီၤဆှူအကတီၢ်န့ၣ်လီၤ. “ပှၤဒိးပိာ်ပှၤသိလ့ၣ်အခံ” ဆံးဆံးဖိတဖၣ်အံၤ စဲထီဃာ်လၢပကူပသိး, ပခီၣ်ဖံး, ဒီးတၢ်တမံၤလၢ်လၢ် လၢအလဲၤခီအီၤ တဖၣ်အလိၤ, ဒီး လဲၤတုၤဝဲ ဆူတၢ်လီၢ်လၢခံတတီၤန့ၣ်လီၤ. တၢ်အံၤ န့ဆၢၣ်အကျဲတမံၤလၢ အရၤလီၤ ပထြၢသၣ်အချံဖိတဖၣ် လၢယထံလီၢ်ကီၢ်ပူၤ ဒီးလၢဟီၣ်ခိၣ်ဒီဘ့ၣ်န့ၣ်လီၤ.

ဖဲယဂုာ်ကျဲးစၢး ထဲးထုးထီၣ်ကွံာ် ပထြၢသၣ်အချံလၢ အစဲဘူးဃာ်အသးတဖၣ်အံၤ လၢတၢ်ပလီၢ်သူၣ်ပလီၢ်သးအခါ, ညီနုၢ်ယဆိကမိၣ် လံာ်စီဆှံ အတၢ်သိၣ်က့ၤသီက့ၤ ပှၤစူၢ်က့ၤနာ်က့ၤတၢ်ဖိ လၢခရံာ်တဖၣ် လၢ ရိမ့ၤ ၁၂:၉ အပူၤ လၢအက “အိၣ်စဲဘူးဒီးတၢ်ဂ့ၤ” အဂီၢ်န့ၣ်လီၤ. ဖဲပကျဲးစၢးအဲၣ်ပှၤဂၤအခါ, တၢ်တၤပှၤသ့ဝဲန့ၣ်လီၤ. ဘၣ်ဆၣ်, ဒ်သးမုာ်စီဆှံ အတၢ်မၤစၢၤပှၤ လၢပကဟံးဖှီၣ်တံၢ်ဃာ် လၢာ်သး တၢ်လၢအဂ့ၤန့ၣ်ဒီး, ပတြီကွံာ်တၢ်အၢတၢ်သီ ဒီး ဒ်သးစီဆှံ ဆှၢဒုးနဲၣ်ပှၤအသိး ပတၢ်အဲၣ်တၢ်ကွံတၢ်န့ၣ် ကမ့ၢ်ဝဲတီဝဲဒၣ်န့ၣ်လီၤ.

တၢ်တြူာ်ကွံာ် ပထြၢသၣ်အချံတဖၣ် ထဲဒၣ်လၢ ပစုန့ၣ် တလီၤတဲာ်ကွံာ်ညီညီဘၣ်.…

တၢ်အီၣ် ကိၢ်ကိၢ်လၢလၢတမံၤ

ဖဲလါအီးကထိဘၢၣ် တၢ်ခုၣ်ဒိၣ်တနံၤန့ၣ် ပှၤဟံၣ်တအိၣ်ဃီတအိၣ် (၅၄) ဂၤ, ဒိးန့ၢ်ဘၣ်တၢ်အီၣ်အဘိၣ် လၢပိာ်မုၣ်မၤနံၤအိၣ်ဖျဲၣ် (၅၄)နံၣ်တဂၤအအိၣ်လီၤ. တၢ်အီၣ်တဖၣ်မ့ၢ်ဝဲ ဆီညၣ်ကၣ်ဃ့ (Barbecue chicken), တဘ့လါသံသိ(green beans), စပၣ်ကၣ်တံၣ် (spaghetti), ကိၣ်ထူတလံးဘိတဖၣ်(rolls)န့ၣ်လီၤ. ပိာ်မုၣ်အံၤဒီးအတံၤသကိးတဖၣ် စံၣ်ညီၣ်တဲာ်ဝဲလၢ အနံၤအိၣ်ဖျဲၣ်အံၤန့ၣ် တလဲၤဆူ တၢ်အီၣ်အကျးလၢၤဘၣ်, အလီၢ်န့ၣ် အဝဲသ့ၣ်ဃုထၢကျဲလၢ ကဖီဒုးအီၣ်ဘၣ် ပှၤအိၣ်လၢ ခၠံၣ်ကၣ်ကိၣ်(Chicago)ကျဲလိၤတဖၣ်အဂီၢ်န့ၣ်လီၤ. လၢကမျၢၢ်တၢ်ဒုးသ့ၣ်ညါ တၢ်ကစီၣ်အပူၤန့ၣ် အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ် လၢကမၤ နံၤအိၣ်ဖျဲၣ်အတၢ်ဟ့ၣ်ခီဖျိ တၢ်သးကညီၤအတၢ်မၤဆူ ပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

တၢ်ဂ့ၢ်ဖိအံၤ ဒုးသ့ၣ်နီၣ်ထီၣ်ယၤ ယ့ၣ်ရှူးအတၢ်ကတိၤဖဲ မးသဲ ၂၅:၄၀ အပူၤ, “ယစံးဘၣ်တဲဘၣ်သုတီတီအံၤ, သုမ့ၢ်မၤပှၤအဆံးကတၢၢ်တဂၤ လၢယဒီပုၢ်ဝဲၢ်အကျါအံၤ ဒီးမ့ၢ်သုမၤယၤလီၤ”. အဆၢဖိ ၃၃ ဒီး ၃၄ အပူၤ ဖဲအဝဲတဲဖျါထီၣ်အသိတဖၣ် ကဘၣ်တၢ်ကွဲအီၤ ဆူအဘီမုၢ်လီၤထူလီၤယိာ်အပူၤ လၢကဒိးန့ၢ်အတၢ်န့ၢ်သါဝံၤအလီၢ်ခံလီၤ အဝဲစံးကတိၤ တၢ်ကတိၤတဖၣ်အံၤန့ၣ်လီၤ(:၃၃-၃၄). အဆၢကတီၢ်ဖဲန့ၣ် ယ့ၣ်ရှူးကအၢၣ်လီၤဝဲလၢ အဝဲသ့ၣ် မ့ၢ်ပှၤလၢဒုးအီၣ်အီၤ, ဒုးကူဒုးသိးအီၤ…

မဲၥ်ထံကလၤအတၢ်မၤကွၢ်

“လၢမဲၥ်ထံကလၤအပူၤန့ၣ်မ့ၢ်မတၤတဂၤလဲၣ်” တၢ်အံၤမ့ၢ်တၢ်သံကွၢ်တခါလၢ သးဂ့ၢ်ပီညါပှၤကူၣ်သ့တဖၣ်လၢ အသမံသမိးသံကွၢ်ဖိဒံဖိသၣ်တဖၣ် အတၢ်သ့ၣ်ညါတိၢ်နီၣ်လီၤ အသးဘၣ်, တဘၣ်အခါန့ၣ်လီၤ. ဖိသၣ်လၢအသးအိၣ် တဆံဃိးလါဒီးအဖီလၥ်တဖၣ်န့ၣ် ညီနုၢ်တိၢ်နီၣ်မၤဘၣ်ထွဲအသးဒီးအက့ၢ်အဂီၤ လၢအဖျါလၢမဲၥ်ထံကလၤအပူၤတန့ၢ်ဘၣ်. ဘၣ်ဆၣ်ဖဲအဒိၣ်ထီၣ်ဝဲန့ၣ်, ဖိသၣ်တဖၣ်နၢ်ပၢၢ်ထီၣ်ဝဲလၢ အဝဲသ့ၣ်ကွၢ်လီၤဒၣ်အသးလၢမဲၥ်ထံကလၤအပူၤလီၤ. တၢ်သ့ၣ်ညါထံလီၤသးအံၤ မ့ၢ်တၢ်ဒိၣ်ထီၣ်ဒီးတၢ်ဒိၣ်တုၥ်ခိၣ်ပှဲၤ လၢတၢ်အိၣ်ဆူၣ်အိၣ်ချ့အပူၤအပနီၣ် လၢအကါဒိၣ်တခါန့ၣ်လီၤ.

တၢ်အံၤမ့ၢ်တၢ်လၢအကါဒိၣ်စ့ၢ်ကီး လၢပှၤစူၢ်က့ၤနၥ်က့ၤခရံၥ်တဖၣ် အတၢ်ဒိၣ်ထီၣ်အပူၤန့ၣ်လီၤ. စီၤယၤကိၥ်ပၥ်ဖျါတၢ်ဂ့ၢ်အတကွီၣ်ဘၣ်ဃးဒီး မဲၥ်ထံကလၤအတၢ်မၤကွၢ်န့ၣ်လီၤ. မဲၥ်ထံကလၤအံၤ မ့ၢ်ဝဲယွၤအတၢ်မ့ၢ်တၢ်တီအကလုၢ်လီၤ(ယၤကိၥ် ၁:၁၈) . ဖဲပဖးလံၥ်စီဆှံအခါပထံၣ်တၢ်မနုၤတဖၣ်လဲၣ်. ဖဲလံၥ်စီဆှံပၥ်ဖျါ တၢ်အဲၣ်ဒီးတၢ်ဆီၣ်လီၤသးအခါ မ့ၢ်ပထံၣ်လီၤက့ၤပသးဧါ. ဖဲလၢပဖးဘၣ်တၢ်လၢ ကစၢ်ယွၤမၢပှၤတဖၣ်အခါန့ၣ် မ့ၢ်ပထံၣ်လီၤက့ၤ ပတၢ်ဖံးတၢ်မၤတဖၣ်ဧါ. ဖဲပကွၢ်လီၤက့ၤပသးဒီး သမံသမိးက့ၤပတၢ်ဖံးတၢ်မၤတဖၣ်အခါန့ၣ် လံၥ်စီဆှံမၤစၢၤဒုးထံၣ်သ့ၣ်ညါပှၤလၢ ပတၢ်ဖံးတၢ်မၤတဖၣ်န့ၣ် လီၤပလိၥ်ဝဲဒီး ကစၢ်ယွၤအတၢ်အဲၣ်ဒိးလၢပဂီၢ်ဧါ. မ့တမ့ၢ်, မ့ၢ်ပလိၣ်ဘၣ်တၢ်ပီၢ်ယၢ်လီၤပသးဒီး လဲလိၥ်က့ၤပသးန့ၣ်ဧါ.

အဆၢဖိ ၂၂ အပူၤ စီၤယၤကိၥ် ဟ့ၣ်ပလီၢ်ပှၤဒ်သိး ပသုတမ့ၢ်ပှၤလၢအဖးလံၥ်စီဆှံဝံၤ ဒီးဟးထီၣ်, ပှၤလီလီၤအသး, ဒီးသးပ့ၤနီၣ်ကွံၥ်တၢ်လၢပထံၣ်, ပဖးတဖၣ်န့ၣ်တဂ့ၤအဂီၢ်န့ၣ်လီၤ.လံၥ်စီဆှံဟ့ၣ်ပှၤ ဟီၣ်ခိၣ်ဂီၤအတၢ်နဲၣ်ကျဲဒ်သိး ဒီးပကအိၣ်မူလၢတၢ်ကူၣ်သ့အပူၤ ဒ်ယွၤအတၢ်ဘၣ်အသးအသိးန့ၣ်လီၤ.ဖဲလၢပဖးလံၥ်စီဆှံ, မုၥ်လၤဆိကမိၣ်အီၤဒီး မၤနၢ်ပၢၢ်အီၤဂ့ၤဂ့ၤဘၣ်ဘၣ်အခါန့ၣ် ပဃ့ကစၢ်ယွၤလၢကဟ့ၣ်…