တၢ်ဂ့ၢ်ခိၣ်တီလၢ လါယူၤ | ကစၢ်ယွၤအသူးအသ့ၣ်

ယွၤအနီၢ်ကစၢ်ဒၣ်ဝဲ မ့ၢ်တၢ်အဲၣ်တၢ်ကွံဒီး ပာ်ဖျါဝဲအတၢ်အဲၣ် လၢကျဲအါဘိန့ၣ်လီၤ.

ပာ်ဖျါအတၢ်အဲၣ်ခီဖျိတၢ်ဘၣ်တ့ – ယွၤအကလုၢ်အိၣ်ဝဲလၢ ကလံၤကျါလီၤ. ဖဲမုၢ်ဟဲထီၣ် ဒီးမုၢ်လီၤနုာ်အကတီၢ်, ဖဲထိၣ်ဖိတဖၣ်ကမဲၤစံၣ်စိတၢ်အခါ, လၢပှၤကညီအသးပူၤန့ၣ် ပထံၣ် ဘၣ်ဒီးပနၢ်ဟူဘၣ် ယွၤအကလုၢ်လီၤ.

ပာ်ဖျါ အတၢ်အဲၣ် လၢအတၢ်ကူၣ်သ့အပူၤ – ကစၢ်ယွၤတ့လီၤပှၤ လၢအတၢ်အဲၣ်ဒီး အတၢ်ဂ့ၤ အပူၤ, ဒီးတ့ပှၤသိပှၤ ဒ်သိး ပကဒိးန့ၢ်ဘၣ် တၢ်လၢအဝဲကတဲာ်ကတီၤပာ်စၢၤလၢပဂီၢ်န့ၣ်လီၤ. လၢအသးပူၤ “ဆိကမိၣ်” ပဂ့ၢ်ပကျိၤဒီး သူၣ်ခုသးခုဝဲ ဒိၣ်ဒိၣ်ကလဲာ်န့ၣ်လီၤ.

ပာ်ဖျါအတၢ်အဲၣ်လၢ အစိအကမီၤအပူၤ – တၢ်မၤအသးခဲလၢာ်လၢ ဟီၣ်ခိၣ်အံၤ ကဲထီၣ် အသး ဒ်တၢ်ဘၣ် ကစၢ်အတၢ်ဘၣ်သးလၢ အလီၤကမၢကမၣ်န့ၣ်လီၤ. “အဂ့ၢ်ဒ်အံၤ, တၢ်ခဲလၢာ် ဘၣ်တ့အသးလၢအစုပူၤ, တၢ်အိၣ်လၢမူခိၣ်, ဒီးတၢ်အိၣ်လၢဟီၣ်ခိၣ်, တၢ်လၢပထံၣ်သ့, ဒီးတၢ်လၢပထံၣ်တသ့ဘၣ်, တၢ်လီၢ်ပစိာ် မ့ၢ်ဂ့ၤ, တၢ်စံၣ်ညီၣ်မ့ၢ်ဂ့ၤ, တၢ်အခိၣ်မ့ၢ်ဂ့ၤ, တၢ်အစိအကမီၤမ့ၢ်ဂ့ၤ, ကယဲၢ်တၢ်တမံၤလၢ်လၢ် ဘၣ်တၢ်တ့အီၤလၢအစုပူၤ, ဒီးလၢအဂီၢ်လီၤ” (ကလီး ၁:၁၆).

ပာ်ဖျါအတၢ်အဲၣ်လၢ အတၢ်စီတၢ်ဆှံအပူၤ – ကစၢ်ယွၤလဲၤတၢ်ဒီး ပှၤကညီ ဒီးရ့လိာ်မုာ်လိာ်အသးလီၤ. ဒ်သိးပှၤကူ ပှၤကညီတဖၣ် ကဒိးန့ၢ်ဘၣ် တၢ်သူၣ်ခုသးခုလၢ ယွၤတိာ်ပာ်ဝဲလၢ အဝဲသ့ၣ်အဂီၢ်န့ၣ် အဝဲဒုးနဲၣ်ကျဲ လၢပှၤကညီ ကြၢးလဲၤဝဲဒ်လဲၣ် န့ၣ်လီၤ.

ပာ်ဖျါအတၢ်အဲၣ်လၢ အတၢ်တီတၢ်လိၤအပူၤ – ယွၤဒုးနဲၣ် ပှၤကူပှၤကညီတဖၣ်လၢ တၢ်ပိာ်ထွဲ ဒိကနၣ် ကစၢ်ယွၤ အတၢ်န့ၢ်စိန့ၢ်ကမီၤ အခီပညီမ့ၢ် တၢ်လၢပှဲၤဒီး တၢ်ဂ့ၤအထူအယိာ်, တၢ်လၢပှဲၤဒီးတၢ်သူၣ်ခုသးခုလၢ ပယၢၢၤထီၣ်တသ့, တၢ်လၢပှဲၤဒီး တၢ်မူ, တၢ်ကူၣ်သ့ကူၣ်ဘၣ် အထူအယိာ်န့ၣ်လီၤ. ဘၣ်ဆၣ်, ပမ့ၢ်တဒိကနၣ်ဘၣ်ဒီး တၢ်အိၣ်မူလၢ ပကဘၣ်မူ ဒီးကစၢ်ယွၤ ကလီၤမၢ် ဒီး ပကဘၣ်ကွၢ်ဆၢၣ်မဲာ်ဒီး တၢ်သံအထူအယိာ်န့ၣ်လီၤ.

ဟီၣ်ခိၣ်လၢအကပီၤဒီးဃံလၤအပူၤ ယွၤအတၢ်ဘၣ်တ့ခဲလၢာ် သးဝံၣ်ဃုာ်တၢ်ဒီးဆၣ်တဖၣ် ဒီးစံၣ်ဝဲ လၢတၢ်သးခု အပူၤလီၤ. နာ်သက့ တၢ်တဒိကနၣ်တၢ်, တၢ်ပာ်ထီၣ်ထီသး, ဒီးတၢ်ဒဲးဘးဟဲနုာ်လီၤလၢယွၤဒီးအဖိတဖၣ် အဘၢၣ်စၢၤ ဒီးဒုးအိၣ်ထီၣ် တၢ်တြိတၢ်တြီၤဖးယိာ်န့ၣ်လီၤ. ဘၣ်ဆၣ် ကစၢ်ယွၤဟဲလီၤဆူပအိၣ်န့ၣ်လီၤ. ယွၤအတၢ်ဟ့ၣ် လၢအမ့ၢ် အဖိခွါထဲ တဂၤဧိၤအံၤ ပာ်ဖျါထီၣ် အတၢ်အဲၣ်လီၤလး လီၤတံၢ်လီၤဆဲးန့ၣ်လီၤ(ရိမ့ၤ ၈:၃၂).

Adapted from God Is Love: Reflections on the Character of God | by Oswald Chambers. DiscoverySeries.org/Q0612

ဘၣ်တဘျီ သရၣ်ဖးဒိၣ် A.W. Tozer(အ့ၣ် ဒပလျူၣ် တိၣ်စၣ်) စံးဝဲ “ဖဲပဆိကမိၣ်ကစၢ်ယွၤအဂ့ၢ်အကတီၢ် တၢ်လၢ ပဆိကမိၣ် လၢပသးပူၤန့ၣ် မ့ၢ်တၢ်လၢအရ့ဒိၣ်ကတၢၢ် ဘၣ်ဃးဒီး ပဂ့ၢ်ပကျိၤ န့ၣ်လီၤ”. မ့ၢ်ပသ့ၣ်ညါကစၢ်ယွၤ ထဲလဲၣ်န့ၣ် တၢ်ကတိၤအံၤ ပာ်ဖျါထီၣ်ဝဲန့ၣ်လီၤ. မၤသးဒ်န့ၣ်ဒီး ဖဲပဆိကမိၣ်ထီၣ် ကစၢ်ယွၤအသူးအသ့ၣ်အခါ မ့ၢ် ပဆိကမိၣ်ထီၣ် တၢ်မနုၤတဖၣ်လဲၣ်. တလါညါအံၤန့ၣ် ပကဆိကမိၣ်မၤလိသကိး ကစၢ်ယွၤအသူးအသ့ၣ် အတၢ်မ့ၢ်တၢ် – အဝဲမ့ၢ် မတၤလဲၣ်, အဝဲ မၤတၢ်မနုၤလဲၣ်, ဒီးဘၣ်မနုၤအဃိမၤဝဲလဲၣ်န့ၣ်လီၤ.